არსებობს თმის დახვევის ქიმიური და ბიო (ბუნებრივი) მეთოდები, რომელსაც სილამაზის სალონი და პროფესიონალი სტილისტი სჭირდება. თუ თმის ქიმიური დახვევა ზიანს აყენებს თმას, თმის ბიო დახვევა თავისი სტრუქტურით ქიმიური დახვევის იდენტურია, თუმცა არ შედგება ამიაკისა და წყალბადის პიროქსიდისგან. მის შემადგენლობაშია ცისტინი - ცისტეამინ ქლორჰიდრატი – ორგანული ცილა, რომელიც არა თუ არ აზიანებს თმას, არამედ, როგორც სტრუქტურული ცილების ანალოგი, აუმჯობესებს მის ხარისხს და ანიჭებს მას ბზინვარებას. ხარისხიანი თმის დასახვევის შეძენა, ერთი შეხედვით მარტივი ამოცანაა, თუმცა სულაც არ არის ასე. ცუდად შერჩეული თმის გამაცხელებელით არა თუ ვერ შეძლებთ თმების დახვევას,  არამედ მან შეიძლება თმების დაზიანებაც კი გამოიწვიოს. თანამედროვე თმის დასახვევი  შეიძლება იყოს სხვადასხვა ტიპის, ხარისხის და სხვადასხვა მიზნისთვის განკუთვნილი, რამაც შეიძლება გამოცდილი მყიდველიც კი შეიყვანოს შეცდომაში. ამიტომ, მოკლედ მიმოვიხილოთ, თუ რა ტიპის ხელსაწყოა იგი და რას უნდა მივაქციოთ ყურადღება შეძენის დროს. 

•  არსებობს ოთხი ტიპის თმის დასახვევი: 

• თმის დასახვევი მომჭერით  

• თმის დასახვევი მომჭერის გარეშე (კონუსური)  

• თმის დასახვევი ცვლადი საცმებით  

• თმის ავტომატური დასახვევი   

• თმის დასახვევი მომჭერით 

მისი მოხმარება ძალიან მარტივია - საკმარისია დაახვიოთ თმა ხელსაწყოს საშუალებით, დაატრიალოთ ხელსაწყო ღერძის გარშემო, მოუჭიროთ მომჭერი და გააჩეროთ - კულული მზადაა. აღსანიშნავია, რომ ყველა ამ მანიპულაციის შესრულება ერთი ხელითაც არის შესაძლებელი. გასათვალისწინებელია, რომ ასეთი თმის დასახვევით გაკეთებული კულულები ყველას არ მოსწონს, რადგან კულულების მოცულობა (სისქე), თმის მთელს სიგრძეზე ერთნაირია, რაც მართალია ლამაზია, მაგრამ ცოტათი ხელოვნურის შთაბეჭდილებას ქმნის. 

თმის დასახვევი მომჭერის გარეშე 

ასეთი თმის დასახვევი არ არის აღჭურვილი მომჭერით, მაგრამ სამაგიეროდ იძლევა საოცრად ბუნებრივი კულულების გაკეთებისა და მისი მოცულობის ვარირების საშუალებას. ბევრ ქალბატონს ეშინია ასეთი თმის დასახვევის გამოყენების, რადგან მას მოუხერხებლად თვლიან, თუმცა ეს სულაც არ არის ასე. ამ შემთხვევაში თმის დაფიქსირება ხდება ხელის საშუალებით, რაც მოსახერხებელია და სრულებით არ არის საშიში, რადგან დასახვევის ბოლო, ქვედა ნაწილი არ ცხელდება. ამას გარდა კომპლექტში მას მოჰყვება თერმოდამცავი ხელთათმანები.  

თმის დასახვევი ცვლადი საცმებით  

კომპლექტაციაში შეიძლება შედიოდეს : სწორი, კონუსური, მრგვალი, ოვალური, სპირალური და სხვა ტიპის საცმები. პოპულარობით სარგებლობს სწორკუთხოვანი, ორმაგი და სამმაგი დახვევისთვის განკუთვნილი ზიგზაგისებური მაშები, აგრეთვე მაშები ტექსტურაიზერი - თმებზე სხვადასხვა ფიგურული ეფექტების შესაქმნელად. განსაკუთრებულ ყურადღებას საჭიროებს თმის დასახვევი საცმების ორიგინალური ტიპები, მაგალითად როგორიცაა  - საცმები გოფრირებული ფირფიტებით. სხვადასხვა გოფრირებული საცმების საშუალებით შესაძლებელია ტალღოვანი თმების სხვადასხვა ეფექტების შექმნა. არსებობს საცმი, რომელსაც წყლის რეზერვუარი გააჩნია. ასეთი საცმი ყველაზე უსაფრთხოა, რადგან  აცხელებს თმას ორთქლის საშუალებით და არ იწვევს მის გადახურებას.  საცმი - უთოს საშუალებით სურვილის შემთხვევაში შეძლებთ თმების გასწორებას. ზოგიერთი საცმის ზედაპირი დამუშავებულია ვერცხლის ნანონაწილაკებით, რომლებიც დადებითად მოქმედებენ თმაზე, რადგან როგორც ცნობილია, ვერცხლი გამოირჩევა ანტიბაქტერიალური თვისებებით. 

თმის ავტომატური დასახვევი 

ეს არის ავტომატური ელექტრო ინსტრუმენტი, რომელიც „ისრუტავს“ თმას და რამდენიმე წამის შემდეგ გადააქცევს მას კულულად. ფორმისა და კულულების მიმართულების მიცემა მოწყობილობაზე წინასწარაა შესაძლებელი, სასურველი პარამეტრების მითითებით. ასეთი მოწყობილობის ყველაზე დიდი პლიუსი, მისი საშუალებით კომფორტული მუშაობაა. საკმარისია გამოაცალკავოთ თმის ნაწილი, მოათავსოთ აპარატში და სულ ეს არის. ერთადერთი მისი მინუსი - მაღალი ფასია, რადგან იგი ფასით საგრძნობლად განსხვავდება სხვა თმის დასახვევებისგან. 

დიამეტრი 

სასურველი ვარცხნილობის გაკეთების დროს, დიდი მნიშვნელობა აქვს თმის დასახვევის მაშების დიამეტრს. სწორედ ის განაპირობებს კულულების ზომას. თანამედროვე თმის დასახვევებში, მაშების დიამეტრი მერყეობს - 13-დან 35 მმ-მდე. ყველაზე მცირე დიამეტრის მაშის საშუალებით, შეიძლება პატარა ზომის და მოქნილი კულულების გაკეთება. 25 მმ დიამეტრის მაშის გამოყენება კარგია დიდი ზომის კულულების გასაკეთებლად. ხოლო ყველაზე დიდი დიამეტრის მაშით, დიდი მოცულობის ვარცხნილობისა და დიდი ზომის ტალღოვანი თმის გაკეთებაა შესაძლებელი. 

კონუსური (მომჭერის გარეშე) თმის დასახვევები შეიძლება უნივერსალურად ჩაითვალოს, რადგან იგი იძლევა მაშის დიამეტრის ცვლილების საშუალებას ისე, რომ გამოყენებული იქნას მხოლოდ ერთი ინსტრუმენტი. 

 სიმძლავრე / ოპტიმალური ტემპერატურა 

 სიმძლავრე რაც უფრო მეტია თმის დასახვევის სიმძლავრე, მით უფრო სწრაფად მოხდება მისი გაცხელება, ანუ მუშა მდგომარეობაში მოყვანა. თანამედროვე, პროფესიონალურ მოდელებში, სიმძლავრის მაჩვენებელი მერყეობს 25-90 ვატის ფარგლებში, თუმცა ასეთ ხელსაწყოებს დიდი გაბარიტები აქვს  და მათი გამოყენება შედარებით მოუხერხებელია. სახლის პირობებში, კარგი ხარისხის თმის დასახვევის გამოყენებისთვის, სრულიად საკმარისია 25-50 ვატი სიმძლავრე. ამ სიმძლავრის ხელსაწყო ცხელდება დაახლოებით 1 წუთის განმავლობაში. რაც შეეხება ტემპერატურულ რეჟიმს, იგი თმის დასახვევებში მერყეობს 100 - დან 200 გრადუსამდე. უფრო მაღალი ტემპერატურის შემთხვევაში  შესაძლებელია რთული ვარცხნილობების გაკეთება, თუმცა ამ შემთხვევაში თმების დაზიანების რისკი საკმაოდ მაღალია. 

 ტემპერატურის რეგულირება 

თუ ერთი ტიპის თმისთვის გარკვეული ტემპერატურა არის უსაფრთხო, შესაძლოა სხვა ტიპის თმისთვის იგივე ტემპერატურის ზემოქმედება  ზიანის მომტანი აღმოჩნდეს. მაგალითად, რაც უფრო დაზიანებული და თხელია თმა, მით უფრო დაბალი ტემპერატურის გამოყენებაა საჭირო მის დასამუშავებლად (მაქსიმუმ 100-150), ხოლო უხეში, შეუღებავი თმის დასახვევად რეკომენდებულია მაღალი ტემპერატურა (200-250), რადგან თმა ნაკლებად ზიანდება და კულულების შენარჩუნება უფრო დიდხანს არის შესაძლებელი. ტემპერატურის რეგულირების კიდევ ერთი უპირატესობაა ის, რომ ამ ფუნქციის საშუალებით შესაძლებელია თმის კულულებს მისცეთ სხვადასხვა ფორმა და მოცულობა. ასე, რომ თმის უსაფრთხოებისა და ხელსაწყოს კომფორტული მოხმარებისთვის, რეკომენდებულია აირჩიოთ თმის დასახვევი, ტემპერატურის რეგულირების ფუნქციით. 

 ზედაპირის მასალა 

მასალა, რისგანაც არის დამზადებული თმის დასახვევის მუშა ზედაპირი, ერთ-ერთი მთავარი ფაქტორია არჩევანის გაკეთების დროს. სწორედ ფირფიტების მასალაზეა დამოკიდებული თმის დახვევის პროცესის უსაფრთხოება. სხვადასხვა მწარმოებელი მაშებისა და ფირფიტების დასაფარად იყენებს სხვადასხვა ზედაპირს: იონურ-კერამიკული, ტურმალინის, ტეფლონის, ტიტანის და ალმასის საფარით დაფარული.  

უჟანგავი ფოლადისგან დამზადებული მაშების გაცხელებას დიდი დრო სჭირდება,  არა აქვს თერმორეგულიატორი და  არ გამოყოფს ორთქლს. იგი ზედმეტად ახურებს თმას, აშრობს მას და უკარგავს სილამაზეს. ამავე დროს, უჟანგავი ფოლადის მაშები არ სრიალებს თმებზე.  

იონურ-კერამიკული მაშები - შეიცავს დამუხტულ ნაწილაკებს, რომელიც დადებითად მოქმედებს თმაზე, ანოტივებს  მას, მატებს მოქნილობას, აღადგენს თმას და ანიჭებს მას ბზინვარებას. 

ტურმალინი - წარმოადგენს ბუნებრივ კონდიციონერს. იგი კრისტალების ნარევია, რომლის გაცხელებისას გამომუშავდება უარყოფითი იონები, რომლებიც დადებითად მოქმედებს თმაზე, გამორიცხავს მის აბურდვასა და აწეწვას გამოყენების პროცესში, ანიჭებს თმას სიჯანსაღეს. 

ტეფლონის და ტიტანის საფარით დაფარული მაშები -  ასევე აჯანსაღებს თმას, არ წვავს და ხდის მას სრიალასა და აბრეშუმისებრს, არ იწებებს თმაზე დასხმულ სხვადასხვა გელებსა და მუსებს, იდეალურია ნებისმიერი სიგრძის თმისათვის.  

ალმასის საფარი - დაფარული გამაცხელებელი ფირფიტები ზემოთ აღნიშნულ ყველა დადებით თვისებასთან ერთად გამოირჩევა იმით, რომ ის არის ზეგამძლე მასალა და მასზე მუდმივ გარანტიას იძლევიან. 

დამატებითი ფუნქციები 

მწარმოებლები ზრუნავენ, რომ თანამედროვე პროფესიონალური თმის დასახვევი კომპაქტური და ამავდროულად ყველა საჭირო ფუნქციით აღჭურვილი იყოს. 

 იონიზაცია - იონიზაციის ფუნქცია, მნიშვნელოვნად აუმჯობესებს თმის კანის მდგომარეობას. გააჩნია ანტიბაქტერიული თვისებები და ანიჭებს თმას ბზინვარებას; 

 ბურთულოვანი კაბელი - რეკომენდებულია, თუ თმის დასახვევის კაბელს ექნება მბრუნავი, ბურთულოვანი მოძრაობის რეჟიმი, ხოლო კაბელის სიგრძე არ იქნება 1,5-2 მეტრზე ნაკლები; 

 უსადენო თმის დასახვევი - იმუხტება უსადენოდ, სპეციალური, დასამუხტი სადგარის საშუალებით; 

 ავტომატური გამორთვის რეჟიმი; 

 PTC Heating (და მსგავსი: Aqua Ceramic, Aqua Ionic, Floating plates) - ტექნოლოგიები, სწრაფად ახდენენ ტემპერატურის სტაბილიზაციას. 

 ხმოვანი სიგნალი - საჭირო ტემპერატურამდე გაცხელების დროს; 

 დიოდური ეკრანი; 

 ტემპერატურული რეჟიმის ციფრული რეგულირება; 

  ტურბო რეჟიმი და სხვა... 

P.S აქვე უნდა ავღნიშნოთ, რომ აბსოლიტურად უსაფრთხო არც ერთი თმის დასახვევი, უთო თუ ფენი არ არის და მათი გამოყენებისას, გარკვეული ზომებისა და სიფრთხილის დაცვაა საჭირო. რეკომენდებულია მათი მოხმარება -  კვირაში 1-2-ჯერ.  

თუ თქვენ სტატია წაიკითხეთ თქვენ უკვე მზად ხართ ახალი თმის სახვევის შესაძენად ! შეიძინეთ თმის სახვევები ჩვენთან, საუკეთესო ბრენდები დაბალი ფასითა და მაღალი ხარისხით!

>> თმის სახვევის შესაძენად დააჭირეთ ლინკს <<