მოკლე, მამაკაცური ვარცხნილობა არასოდეს გადადის მოდიდან. ასეთი სტილი პრაქტიკული, მოხერხებული და მოხდენილია. ქალების უმრავლესობაც უპირატესობას სწორედ მოკლე ვარცხნილობას ანიჭებს, რომელიც მამაკაცს უფრო მამაკაცურ გარეგნობას სძენს. მუდმივი, მოდური მოკლე ვარცხნილობის შესანარჩუნებლად კი იდეალურია თმის საკრეჭი მანქანები, რომელიც ამ ამოცანას წარმატებით უმკლავდება. 

ამიტომ, სამომხმარებლო ბაზარზე, დღესდღეობით წარმოდგენილია თმის საკრეჭი მანქანების ფართო ასორტიმენტი, რომლებიც ერთმანეთისგან განსხვავდება ფასით, კლასით, ტექნიკური მახასიათებლებითა და მწარმოებელი კომპანიებით. იმისათვის, რომ სწორად შევარჩიოთ და კარგად გავერკვეთ თუ რით განსხვავდება ერთმანეთისგან თმის საკრეჭი მანქანები და რომელია უფრო უკეთესი, საჭიროა გავერკვეთ ამ მანქანების თავისებურებებში, რათა გავაკეთოთ გონივრული არჩევანი. 

  

ძრავის მოქმედების პრინციპის მიხედვით, თმის საკრეჭი მანქანები იყოფა ოთხ ძირითად ჯგუფად: 

ვიბრაციული; 

როტორული; 

 აკუმულატორით; 

 ტრიმერი; 

განვიხილოთ თითეული მათგანი ცალ-ცალკე: 

ვიბრაციული თმის საკრეჭი მანქანები 

 ვიბრაციულ თმის საკრეჭ მანქანებში, ძრავის მუშაობას უზრუნველყოფს ელექტრომაგნიტური კოჭა, რომელსაც მოჰყავს დანის პირები მოძრაობაში. სტარტის დროს შესაძლოა გაიგონოთ ტკაცუნის ხმა, მაგრამ ნუ შეგეშინდებათ, უბრალოდ ეს ნიშნავს, რომ ძრავის ბერკეტი მოვიდა მოქმედებაში და მანქანა მზად არის სამუშაოდ. ვიბრაციული თმის საკრეჭი მანქანები ყველაზე ბიუჯეტურ მოდელებად მიიჩნევა, ამიტომ მათ აქვთ გარკვეული ნაკლოვანებები. პირველ რიგში ეს ნაკლოვანება გამოიხატება მანქანის სიმძლავრეში (საშუალოდ 9-20 ვატი). ამას გარდა ვიბრაციული თმის საკრეჭები საგრძნობლად ხმაურობენ და ახასიათებთ ვიბრაციის მაღალი დონე. კიდევ ერთი მინუსია ის, რომ, მსგავსი მოდელები გაუჩერებლად მუშაობენ საშუალოდ 10-დან 20 წუთის განმავლობაში, რის შემდეგაც მანქანა ავტომატურად გამოირთვება. 

ვიბრაციული თმის საკრეჭების თითქმის ყველა მოდელი აღჭურვილია დანის პირებით, რომელიც არ იხსნება, რაც საგრძნობლად ართულებს მანქანის მოვლისა და გაწმენდის პროცესს. თუმცა, არსებობს ვიბრაციული საკრეჭების პროფესიონალური სერიის მოდელებიც, რომელთაც დანების შეცვლის სწრაფი და მარტივი სისტემა გააჩნიათ. ასეთ მოდელებს შედარებით მეტი სიმძლავრეც აქვთ და მათში მინიმუმამდეა დაყვანილი ხმაურისა და ვიბრაციის დონე. 

როტორული თმის საკრეჭი მანქანები 

როტორული თმის საკრეჭი მანქანების მუშაობას უზრუნველყოფს ძრავი, რომელსაც მოძრაობაში მოჰყავს დანის პირები. როტორული მანქანები ვიბრციულთან შედარებით ხარისხიანია და შესაბამისად ძვირადღირებულიც. როტორული თმის საკრეჭები გამოირჩევა მაღალი სიმძლავრით - 20-დან 50 ვატამდე, რაც გარდა იმისა, რომ მარტივად უმკლავდება საქმეს, უძლებს დატვირთვას და იძლევა ხანგრძლივი დროის განმავლობაში შეუსვენებლად მუშაობის საშუალებას. მნიშვნელოვანია ის ფაქტორი, რომ თითქმის ყველა როტორული მოდელი აღჭურვილია გამაგრილებელი ელემენტით, რაც ძრავის გაგრილებას და შესაბამისად მის უსაფრთხოებას უზრუნველყოფს. გამაგრილებელი ელემენტის საშუალებით როტორული თმის საკრეჭი მანქანები პრაქტიკულად არ ხურდება და შეუსვენებლად მუშაობს ერთ საათზე მეტი ხნის განმავლობაში. აღსანიშნავია, რომ როტორულ მოდელებში ხმაური, ისევე როგორც ვიბრაცია არის მინიმალურ დონეზე. მისი ერთ-ერთი მთავარი უპირატესობაა ის, რომ გააჩნია მოსახსნელი, ყველა შესაძლო და ადვილად ცვლადი დანის პირების მრავალფეროვანი კომპლექტი.  

დანების პირების არჩევანი საკმაოდ ფართოა: მასში შედის როგორც მუშა დანის პირები, ასევე თმის კანტირებისთვის განკუთვნილი (კონტურული შეჭრა), ფიგურული შეკრეჭისთვის და სხვადასხვა სახის დანის პირები. როტორული ტიპის მანქანებით შესაძლებელია სქელი და უხეში თმის შეკრეჭაც კი. იგი თანაბრად დაცურავს თავზე, არ წიწკნის და გლეჯს თმას. ამასთან ეს საკრეჭები საკმაოდ გამძლე და საიმედოა. მისი ხარისხი ეჭვს არ ბადებს და დიდი ხნის განმავლობაში ემსახურება მფლობელს. ერთადერთი მინუსი, რაც როტორულ თმის საკრეჭ მანქანებს გააჩნია, არის მისი მასა. ეს მანქანები გაცილებით მძიმეა, ვიდრე ვიბრაციული და მითუმეტეს აკუმულატორიანი თმის საკრეჭები. შეიძლება ითქვას, რომ ეს როტორული მანქანების ერთადერთი ნაკლოვანებაა. 

აკუმულატორიანი თმის საკრეჭი მანქანები 

აკუმულატორიანი თმის საკრეჭები ხასიათდება ძალიან დაბალი ხმითა და ვიბრაციით. მათ უპირატესობას აგრეთვე წარმოადგენს დაბალი მასა. ასეთი მოდელები უპირატესად გამოიყენება თმის კონტურული და ფიგურული შეჭრისთვის. მათი ძრავის სიმძლავრე საშუალოდ შეადგენს 10-15 ვატს. სახელწოდების მიუხედავად, თითქმის ყველა ასეთი მანქანა მუშაობს როგორც აკუმულატორის, ასევე დენის წყაროს საშუალებით. აკუმულატორიანი მანქანის კიდევ ერთი პლიუსია ის, რომ ისინი აღჭურვილია სწრაფად ცვლადი დანის პირებით. მჭრელი საცმების (დანის პირების) გამოცვლის სიმარტივე ამ საკრეჭი მანქანების უდავო უპირატესობაა. 

ვიბრაციული თმის საკრეჭისგან განსხვავებით, აკუმულიატორიანი მანქანა მუშაობს საკმაოდ თანაბრად და მწყობრად საშუალო სიმძლავრეზე, აქვს დაბალი ვიბრაცია და კომფორტულია სახლის გარეთ მუშაობისთვის, იქ სადაც დენის წყარო არ არის ხელმისაწვდომი, ან მოუხერხებელია და ა.შ. 

ზოგადადაც, აკუმულატორიანი საკრეჭი მანქანები საკმაოდ მოსახერხებელია. ხარისხიანი მოდელები ძალიან უხმაუროა, მსუბუქი (150 გრ) და უსადენოდ, დამუხტული აკუმულატორით მუშაობს ერთი საათის განმავლობაში ისე რომ ხელს საერთოდ არ ღლის. 

ტრიმერი 

ტრიმერი არის კომპაქტური მოწყობილობა, რომელიც განკუთვნილია თმის, წვერისა და ულვაშების შესასწორებლად ტანის ნებისმიერ მონაკვეთზე. სამომხმარებლო ბაზარზე ძირითადად გავრცელებულია სამი სახის ტრიმერი: 

  •  უნივერსალური ტრიმერი - უნივერსალურ ტრიმერს თმის საკრეჭ მანქანასთან შედარებით შეზღუდული შესაძლებლობები გააჩნია. მისი საშუალებით არ შეიძლება თმის შეჭრა, იგი მხოლოდ კრეჭს წვერსა და ულვაშს და ათანაბრებს თმას გარკვეულ სიგრძეზე. 

  •  წვერისა და თმის შესაკრეჭი ტრიმერი - წვერისა და თმის შესაკრეჭი ტრიმერი სპეციალური მოწყობილებაა, რომლის საშუალებით ხდება წვერისა და ულვაშის შეჭრა. მსგავსი ტრიმერის მთავარი ღირსება არის კომპაქტური ზომა და ულვაშებისა და წვერის ფორმის ზუსტი მოდელირება მცირე ზომის დანის პირების მეშვეობით. 

  •  ყურში და ცხვირში თმის მოსაცილებელი ტრიმერი - ასეთი ტრიმერის საშუალებით შესაძლებელია ცხვირიდან და ყურებიდან არასასურველი თმის უსაფრთხოდ და უმტკივნეულოდ მოცილება. ის ძალიან პრაქტიკული და მარტივი მოსახმარია. მისი კონუსური თავაკის სპეციალური კონსტრუქციის დამსახურებით სწრაფად ხდება არასასურველი თმის მოცილება ძნელად მისადგომ ადგილებში. ასეთი ტრიმერები გამოიყენება მხოლოდ ცხვირში და ყურებში თმის მოსაცილებლად, აგრეთგვე წარბების კორექტირებისთვის. 

კომპლექტში ტრიმერებს მოჰყვება სპეციალური თხელი და წვრილი, ძირითადად კონუსური ფორმის საცმები, რომლებიც საშუალებას იძლევა სწრაფად და უმტკივნეულოდ შეასწოროს ან მოაცილოს თმა ყველაზე ძნელადმისადგომ ადგილებში. უნივერსალური ტრიმერები ძალიან კომპაქტურია, მარტივი მოსახმარია და სწრაფად ანიჭებს თმას, წვერსა და ულვაშს ფაქიზ, ელეგანტურ იერს.  

თუ თქვენ სტატია წაიკითხეთ თქვენ უკვე მზად ხართ ახალი თმის საკრეჭის შესაძენად ! შეიძინეთ თმის საკრეჭები ჩვენთან, საუკეთესო ბრენდები დაბალი ფასითა და მაღალი ხარისხით!

>> თმის საკრეჭის შესაძენად დააჭირეთ ლინკს <<

კომენტარები

კომენტარეები ვერ მოიძებნა

შეტყობინების დატოვება
დაკავშირებული პროდუქტები
235  188  / თვეში 10₾-დან
დანაზოგი: 47 ₾
216  173  / თვეში 10₾-დან
დანაზოგი: 43 ₾
128  99  / თვეში 6₾-დან
დანაზოგი: 29 ₾
84  / თვეში 5₾-დან
640  / თვეში 36₾-დან
103  / თვეში 6₾-დან
227  / თვეში 13₾-დან
455  / თვეში 25₾-დან
335  / თვეში 19₾-დან
79  / თვეში 4₾-დან
113  / თვეში 6₾-დან