რეცეპტის ინგრედიენტები

900   გრამი ქათმის ფილე

1   ცალი წითელი ბულგარული წიწაკა

1   ცალი ყვითელი ბულგარული

1   თავი ხახვი

3   ს/კ ზეითუნის ზეთი

1   ს/კ ლიმონის წვენი

¹⁄₂  ჩ/კ დაფქული ჩილი

1   ჩ/კ დაფქული ძირა

მწიკვი კაიენის წიწაკა

¹⁄₂  ჩ/კ მარილი

¹⁄₂  ჩ/კ შავი პილპილი

2   კბილი დაკეპილი ნიორი

ტორტილა მისართმევად

რეცეპტის მომზადების საფეხურები

1.ზოლებად დაჭრილი ქათამი ცელოფნის პარკში (შესაკრავი თავით) მოათავსეთ. მეორე ასეთივე პარკში მოათავსეთ წვრილ ზოლებად დაჭრილი ხახვი და ბულგარული წიწაკა(წითელი, მწვანე ან ყვითელი). ქილაში მოათავსეთ ზეითუნის ზეთი, ლიმონის წვენი, ჩილი, ძირა, კაიენის წიწაკა, მარილი, პილპილი და ნიორი. თავსახური კარგად მოუჭირეთ და შეანჯღრიეთ.

2.მიღებული ნაზავის 1/3 ნაწილი ქათმის ხორცს მოასხით, 1/3 ნაწილი ბოსტნეულს და ნარჩენილი მესამედი გადაინახეთ. პარკები კარგად შეკარით და მაცივარში სულ მცირე ერთი საათით მოათავსეთ.

3.როცა შესაწვავად მზად იქნება, საშუალოზე მაღალ ტემპერატურაზე გააცხელეთ დიდი ტაფა. ბოსტნეულის მარინადი პარკიდან ტაფაზე გადმოასხით და თუშეთ დარბილებამდე, დაახლოებით 5 წუთით. ბოსტნეული ტაფიდან თეფშზე გადაიტანეთ და ამავე ტაფაზე ქათმის ხორცი მოათავსეთ. როცა ქათამი შეიწვება, ბოსტნეული ტაფაში ჩააბრუნეთ და დაუმატეთ გადანახული მარინადის მესამედი. გამორთეთ გაზქურა.

4.მექსიკელები ფახიტასს ტორტილათი (შესაძლებელია ბებოს ლავაშით ჩანაცვლება) მიირთმევენ. თუმცა, ჩვეულებრივ, მის გარეშეც ისეთივე გემრიელია :)

საჭირო პროდუქცია ჩვენი ინტერნეტ მაღაზიიდან:

• მაცივარი
• ტაფა