ჰოვერბორდის დეფინიცია ასეთია - პერსონალური სატრანსოპრტო მოწყობილობა. ეს განსაზღვრება პირველად 1967 წელს წარმოშობით ბრიტანელმა პოეტმა და რომანისტმა მ. ჯ. კენედიმ გამოიყენა, ხოლო მისი პოპულარიზაცია ფილმ Back to the future 2-ის გამოსვლის შემდეგ მოხდა.თუმცა იყო ერთი განსხვავება - ფილმში ჰოვერბორდი უფრო საჰაერო ტრანსპორტს წააგავს, ვიდრე სახმელეთოს. ასე რომ, შეგვიძლია ვივარაუდოთ, რომ ჰოვერბორდის ეს ფუნქციაც უახლოეს მომავალში რეალური გახდება. ამის წინა პირობა უკვე არსებობს. ცოტა ხნის წინ, „ლექსუსმა“ მფრინავი ჰოვერბორდის  პრეზენტაცია და ტესტირება მოაწყო, თუმცა გაყიდვაში გამოსვლა უახლოეს წლებში არ იგეგმება.ბოლო რამდენიმე წელია, ამ მოწყობილობის მიმართ დაინტერესებას საზღვარი არ აქვს. დაინტერესება კი უსაფუძვლო ნამდვილად არ გახლავთ. ეს საკმაოდ მოსახერხებელი და მომხიბლავი ნივთი არა მხოლოდ ბავშვების, არამედი ზრდასრულების საყვარელ პერსონალურ ტრანსპორტად იქცა.სტანდარტული ტიპის ჰოვერბორდს აქვს ორი ბორბალი (თვლები), რომლის დახმარებითაც ხდება ბალანსის დაცვა, თუმცა არსებობს ერთთვლიანი ჰოვერბორდიც. როდესაც მოწყობილობა გადაიხრება რომელიმე მიმართულებით, სენსორი ინტეგრირებულ კომპიუტერს ატყობინებს დახრის კუთხეს, ხოლო იგი გადასცემს ძრავს, რათა კუთხე და სიმძლავრე დაარეგულიროს.

რა ზომის უნდა იყოს ჰოვერბორდის ბორბალი?

არსებობს სამი ძირითადი ზომა:  6.5, 8 და 10 ინჩი. პატარა ზომის ბორბლები, თავისი სიმსუბუქის გამო, უფრო მარტივი სატარებელია. 10 ინჩიანი ბორბლები კი გაგიმარტივებთ გადაადგილებას სხვადასხვა სახის ზედაპირზე, თუნდაც უხეშ რელიეფზე. ასე რომ, თუ გსურთ კომპაქტური და მოსახერხებელი ჰოვერბორდი, აირჩიეთ 6.5 ინჩიანი, ხოლო თუ ჰოვერბორდს იყენებთ, როგორც სატრანსპორტო საშუალებას, მაშინ 8 და 10 ინჩიანი მეტად მოსახერხებელი იქნება.

დასაშვები წონა

ჰოვერბორდებზე დასაშვები წონა, ძირითადად, 30-დან 120 კილოგრამამდე მერყეობს. როგორც წესი, მაქსიმალური დატვირთვა 120 ან 130 კილოგრამია, ხოლო ათვლა 25-30 კილოგრამიდან იწყება. უფრო ნაკლები, შესაძლოა, მოწყობილობამ ვერ აღიქვას.

ძრავი და სიმძლავრე

კომპაქტურობისთვის ჰოვერბორდის ძრავი ინტეგრირებულია თვლებში/ბორბლებში. სიმძლავრის მაჩვენებელი 300 და 400 ვატია, ზოგჯერ უფრო მეტიც, თუმცა ეს სტანდარტული და საშუალო ციფრია. 300/400 ვატი საკმარისია 15-20 გრადუსის დახრის კუთხისთვის. დახრის კუთხის უკეთ გასაგებად, გეტყვით, რომ ესკალატორის კიბეს 30 გრადუსიანი დახრის კუთხე აქვს. ჰოვერბორდის მართვისთვის აუცილებელია, რომ კომპიუტერს ჰქონდეს ინფორმაცია თვლების პოზიციის შესახებ.

აკუმულატორი

ჰოვერბორდი იკვებება აკუმულატორით, რომლის ტიპი, ძირითადად, ლითიუმ-იონია, ხოლო მისი მოცულობა - 2-4 ამპერ/საათი. აკულატორის მოცულობა განსაზღვრავს ჰოვერბორდის მუშაობის ხანგძლივობას. მაგალითად, თუ მოცულობაა 4 Ah, ის საკმარისია 2-2.5 საათიანი გადაადგილებისთვის და დაახლოებით, 20-23 კილომეტრს ფარავს. რაც შეეხება სიჩქარეს, მისი მაჩვენებელი 10-12 კმ/სთ-ია, ხოლო დასამუხტი დრო 2-დან 3 საათამდე.

ჰოვერბორდის ხილული და უხილავი მხარე

ჰოვერბორდს აქვს პლასტმასის კორპუსი, გვერდითა ორი ბორბალი და შუქდიოდური განათება (LED Backlight). მის უხილავ, ანუ შიდა მხარეს კი მოთავსებულია: გიროსკოპი, ჩიპი და სენსორი, შემდეგ აკუმულატორი, მოსახვევი მექანიზმი, დედაპლატა და პროცესორი. ჰოვერბორდს, ხშირ შემთხვევაში, აქვს დინამიკები მუსიკისთვის, ასევე ბლუთუზი, რომელიც ტაბლეტსა და სმარტფონს უკავშირდება.

თუ თქვენ სტატია წაიკითხეთ თქვენ უკვე მზად ხართ ახალი ჰოვერბორდის შესაძენად ! შეიძინეთ ჰოვერბორდები ჩვენთან, საუკეთესო ბრენდები დაბალი ფასითა და მაღალი ხარისხით!

>> ჰოვერბორდის შესაძენად დააჭირეთ ლინკს <<