მეტი ვიტამინი ნიშნავს მეტ სიჯანსაღეს, მეტ სიმხნევეს და ზრიდს თქვენს პროდუქტიულობას!პირველი რჩევა ასეთია: - მოიფიქრეთ, კერძოდ რისი წვენის მიღება გსურთ, მხოლოდ ციტრუსების თუ  ასევე სტაფილოს ან პომიდვრის წვენის მოყვარული? 
ძირითადად არსებობს ორი სახის წვენსაწური:
• უნივერსალური წვენსაწური -  უნივერსალური წვენსაწური ჩვენი “დილის ვიტამინის” მეტ მრავალფეროვნებას უზრუნველყოფს. უნივერსალური წვენსაწური ფუქნციონირებს ცენტრიდანული ძალით, პრესს ხილსა და ბოსტნეულს, რის შედეგადაც ვიღებთ წვენს. რაც უფრო მეტია ბრუნვა, მით მეტად პრესავს პროდუქტს და მით უფრო მეტ წვენს ვიღებთ. ამისთვის, მეტი მოცულობის სათავსოა საჭირო.
•;წვენსაწური ციტრუსებისთვის  -  წვენსაწური ციტრუსებისთვის, ყველაზე გავრცელებული და მარტივი ელექტრონული ხელსაწყოა. ის გათვალისწინებულია მხოლოდ ციტრუსებისთვის: ფორთოხალი, გრეიფრუტი, ლიმონი და ა.შ. იგი შედგება კონუსისებრი საცმისგან, ძრავისგან და წვენის დასაგროვებელი ჭურჭლისგან. მისი მუშაობის პრინციპი საკმაოდ პრიმიტიულია: გაჭრილი ციტრუსი ძლიერად უნდა დააჭიროთ კონუსისებრ მბრუნავ საცმს, რომელიც ბრუნავს ძრავის მეშვეობით, რის შედეგადაც რბილობი რჩება სპეციალურ ფილტრზე, რომელიც პერიოდულად უნდა ამოიღოთ ხოლმე, თუნდაც ბოლომდე არ იყოს გაწურული. რაც შეეხება წვენს, იგი ჩაედინება სპეციალურ ჭურჭელში ან ნებისმიერ სპეციალურ ჭიქაში (იმის მიხედვით, თუ რა კონსტრუქცია აქვს წვენსაწურს.)
თავის მხრივ ციტრუსებისთვის განკუთვნილი წვენსაწურიც შეიძლება რამოდენიმე სახის იყოს:
 მექანიკური - როცა ციტრუსი ხელში გიჭირავთ, აწვებით და ატრიალებთ სპეციალურ საცმზე;
ნახევრადავტომატური - როცა კონუსისებრი საცმი სწრაფად ბრუნავს, ციტრუსს კი ხელით აწვებით და აჭერთ ამ საცმს;
ავტომატური (სპეციალური დამჭერი ბერკეტით) - ამ შემთხვევაში საცმი სწრაფად ბრუნავს და სპეციალური დამჭერი ბერკეტის საშუალებით არ არის საჭირო ხელით დააწვეთ და დააჭიროთ ციტრუსი საცმზე. ავტომატური წვენსაწური განსაკუთრებით მოსახერხებელია მაშინ, როცა რეგულარულად და დიდი რაოდენობით წურავთ წვენს.        

         
მასალა
წვენსაწურის კორპუსი დამზადებული უნდა იყოს მტკიცე, დარტყმის გამძლე მასალისაგან, ძირითადად პლასტმასისგან, თუმცა გვხვდება ანოდირებული ალუმინით დამზადებული კორპუსებიც. რაც შეეხება ცენტრიფუგის ბადეს  და ყველა სხვა შიგა მჭრელ დეტალებს, ისინი დამზადებული უნდა იყოს მაღალი ხარისხის უჟანგავი ფოლადისგან. უჟანგავი ფოლადი, ეკოლოგიური სისუთავის გარანტიას იძლევა და ამავდროულად უზრუნველყოფს წვენსაწურის ხანგრძლივ მოხმარებას.რბილი, მსუბუქი დეტალები ვერ გაუძლებს ექსპლუატაციას ხანგრძლივი დროის განმავლობაში. მეტალის ბადე უნდა იყოს საკმარისად თხელი და ქონდეს რაც შეიძლება მეტი ნასვრეტი.
ნატურალური ციტრუსის წვენი ინარჩუნებს თავის სასარგებლო თვისებებს 10-15 წუთი და იმისათვის რომ მან არ დაკარგოს ეს თვისებები, მწარმოებლები მას უმატებენ სხვადასხვა საკვებ დანამატებს. ამიტომ დარწმუნებული ბრძანდებოდეთ, რომ ნებისმიერი შეძენილი წვენი შეიცავს კონსერვანტებს და არ არის 100%-ით ნატურალური. 
სიმძლავრე, მუშაობის ხანგრძლივობა
 ციტრუსებისათვის განკუთვნილ წვენსაწურების სხვადასხვა მოდელს, განსხვავებული სიმძლავრე გააჩნია. ეს სიმძლავრე არ არის დიდი და მერყეობს 20-დან 80 ვატამდე. ყველაზე პატარა და მარტივ წვენსაწურს შეუძლია ერთ ციკლში ერთი ჭიქა წვენის გამოწურვა. შედარებით მძლავრ წვენსაწურებს შეუძლია 5-10 წუთი გაუჩერებლად იმუშაოს, შემდეგ კი 1-2 წუთი შესვენება სჭირდება, რათა ძრავი გაგრილდეს. უნივერსალური წვენსაწურების სიმძლავრე მნიშვნელოვნად აღემატება ციტრუსებისთვის განკუთვნილი წვენსაწურების სიმძლავრეს და მერყეობს 200-800 ვატამდე. საშუალო სიმძლავრის მოდელებს 10 წუთი შეუსვენებლივ მუშაობა შეუძლია, რის შემდეგ მისი 1 წთ შესვენებაა საჭირო გაგრილებისთვის, რათა არ გადახურდეს ელექტროძრავი. უფრო მძლავრ უნივერსალურ წვენსაწურებს კი 20 წუთი შეუსვენებლივ მუშაობა შეუძლია, რის შემდეგ იგი ასევე უნდა შეასვენოთ, რათა გაიწმინდოს მისი დეტალები. არსებობს მოდელები, რომელთაც განუსაზღვრელი დროის განმავლობაში შეუძლიათ მუშაობა. ამ დროს დეტალების გაწმენდა ავტომატურად ხდება წვენსაწურის მუშაობის პროცესში, ხოლო გადახურებისგან აუცილებელი დაცვა სპეციალური ვენტილიატორის საშუალებით ხდება, რადგან ბუნებრივი გაგრილება არ არის საკმარისი.

მოცულობა
ყურადღება მიაქცით, წვენისთვის განკუთვნილი რა მოცულობის ჭურჭელი აქვს თქვენს მიერ შერჩეულ წვენსაწურს. ძირითადად მწარმოებლები უშვებენ წვენსაწურებს, რომლითაც შესაძლებელია 1-2 ულუფა წვენის გამოწურვა. ასეთი ჭურჭლის სტანდარტული მოცულობა მიახლოებით  0,4-1,2 ლიტრია. ყურადღება მიაქციეთ წვენსაწურის ტუჩს, საიდანაც უნდა ჩამოასხათ წვენი, იგი მოსახერხებელი კონსტრუქციისა უნდა იყოს, რათა არ მოხდეს წვენის დაღვრა. არის მეორე ვარიანტიც, გამოწურული ჭურჭელი პირდაპირ შეგიძლიათ ჩაასხათ ჭიქაში ან ბოკალში. 
სიჩქარე
საუკეთესოა, თუ  წვენსაწურს ექნება სიჩქარის მარეგულირებელი, რათა სხვადასხვა ხილი ან  ბოსტნეული გაწურული იქნას სხვადასხვა სიჩქარით. სიჩქარის სწორად შერჩევისას მწარმოებლობა 5%-ით იმატებს. წვენსაწურის ინსტრუქციაში მითითებულია ხოლმე კონკრეტული სახეობის  ხილის ან ბოსტნეულის გასაწურად რომელი სიჩქარეა უფრო ოპტიმალური. სამწუხაროდ ყველა მწარმოებელი არ მიუთითებს ამ მახასიათებელს, ამიტომ იცოდეთ, რომ ოპტიმალურ სიჩქარედ ითვლება 8-10 ათასი ბრუნვა წუთში.

მოვლა
გახსოვდეთ, რომ რაც უფრო ცოტა მოსახსნელი დეტალებისგან შედგება წვენსაწური, მით უფრო ადვილად მოსავლელია იგი. ყოველი გამოყენების შემდეგ, აუცილებელია მისი კორპუსის გაწმენდა სველი სუფთა ტილოთი და შემდგომ მისი გამშრალება, ხოლ ო მოსახსნელი დეტალების გარეცხვა. კატეგორიულად არ შეიძლება ძრავის წყალში მოთავსება, ასევე სარეცხი ფხვნილის გამოყენება.თუ სახლში ჭურჭლის სარეცხი მანქანა გაქვთ, აუცილებლად გაამახვილეთ ყურადღება შეიძლება თუ არა წვენსაწურის დეტალების მანქანაში გარეცხვა, რადგან ეს ზედმეტ შრომას აგაცილებთ თავიდან.
დამატებითი ფუნქციები
მონაცვლებითი (რევერსული) ბრუნვის რეჟიმი - ძრავა ატრიალებს საცმს ხან მარჯვენა, ხან კი მარცხენა მიმართულებით. ეს ფუნქცია იძლევა წვენის მაქსიმალური რაოდენობის გამოწურვის საშუალებას;
წვენში რბილობის რაოდენობის კონტროლის სისტემა - ამ  ფუნქციის საშუალებით შესაძლებელია მიღებული წვენის სისქის რეგულირება. 
სპეციალური საცმები - იგი განკუთვნილია როგორც  დიდი, ასევე მცირე დიამეტრის ნაყოფისათვის. 
დამჭერი მბიძგავი ბერკეტი (ფუშერი) - იგი იჭერს ნაყოფს წურვის პროცესში და არ არის საჭირო მისი ხელით დაჭერა;
წვენის პირდაპირი მიწოდების სისტემა - შეგიძლიათ წვენი პირდაპირ ჭიქაში ან ბოკალში ჩაასხათ;
წვენის დონის განმსაზღვრელი შკალის არსებობა - ეს ფუნქცია საუკეთესოა კოქტეილების მოსამზადებლად.

თუ თქვენ სტატია წაიკითხეთ თქვენ უკვე მზად ხართ ახალი წვენსაწურის შესაძენად ! შეიძინეთ წვენსაწურები ჩვენთან, საუკეთესო ბრენდები დაბალი ფასითა და მაღალი ხარისხით!

>>წვენსაწურის შესაძენად დააჭირეთ ლინკს <<