ზაფხულის მოახლოებასთან ერთად წონის კლების პრობლემა უფრო და უფრო აქტუალური ხდება. ყველა ცდილობს გასახდომად ისეთი კვების რაციონი შეარჩიოს, რომ ეფექტურიც იყოს, სწრაფიც და ნაკლებად მტანჯველიც. არსებობს კიდევ ორი უმნიშვნელოვანესი კრიტერიუმი, რომელსაც ჩვენი დიეტა უნდა აკმაყოფილებდეს: ის არ უნდა აზიანებდეს ჯანმრთელობას და გათვლილი იყოს გრძელვადიან შედეგზე, - ე.ი. მისი დასრულების შემდეგ წონაში სწრაფად არ უნდა მოვიმატოთ.

ჯანმრთელი კვება

სწორედ ამიტომ წონაში კლებისთვის დიეტოლოგები ჯანსაღ კვებასა და ვარჯიშს გვირჩევენ. ეს ყველაზე ჯანმრთელი, თუმცა ხანგრძლივი პროცესია. იკლებთ ჯანმრთელობისთვის ზიანის მიყენების გარეშე და თან ეფექტურად. ამისათვის აუცილებელია თქვენი დღიური რაციონი შედგებოდეს ქათმისა და ძროხის მოხარშული ხორცის, ბოსტნეულისა და ხილისაგან, არ მიიღოთ ალკოჰოლი და გაზიანი სასმელები, სასუსნავები და თეთრი ხორბლისგან დამზადებული ცომეული, შემწვარი საჭმელები. ივარჯიშოთ დღეში ნახევარი საათით მაინც და სულ რაღაც რამდენიმე თვეში სასურველ შედეგესაც მიაღწევთ და რაც მთავარია, ორგანიზმსაც გაიჯანსაღებთ.

დუკანის დიეტა

პიერ დუკანის დიეტას ჰყავს ბევრი მომხრე და მოწინააღმდეგე, თუმცა ის პოპულარულია საკმაოდ ეფექტური შედეგისა და სიმარტივის გამო. დიეტა სამი ფაზისაგან შედგება.

პირველი ფაზა ყველაზე რთულია, რადგან დაშვებულია, შეზღუდული რაოდენობის, მხოლოდ ცილოვანი საკვების მიღება. მისი ხანგრძლივობა განისაზღვრება თქვენი წონის მიხედვით. 10-20 ზედმეტი კგ – პირველი ფაზის ხანგრძლივობაა 3-5 დღე; 20-30 ზედმეტი კგ – პირველი ფაზის ხანგრძლივობაა 5-7 დღე; 30-ზე ზედმეტი კგ – პირველი ფაზის ხანგრძლივობაა 7-10 დღე;

1. პირველი ფაზა:

„შეტევის“ ფაზაში უპირატესად ჭარბობს ცილოვანი საკვები. დუკანი რეკომენდაციას უწევს ქათმის და წიწილის ხორცს (აუცილებლად კანის გარეშე), მჭლე ლორი, ხბოს ღვიძლი, ნებისმიერი სახის თევზი (მოხარშული, შებოლილი, გრილზე მომზადებული, მაგრამ არა შემწვარი) და ზღვის პროდუქტებს. შემწვარი საკვები მთლიანად აკრძალულია. ხორცის კერძების გარდა შეიძლება მოხარშული კვერცხის (დღეში 2ც.) და უცხიმო რძის პროდუქტების მიღება. შეგიძლიათ საჭმელს საკმაზები, სანელებლები, მარილი დაამატოთ მცირე რაოდენობით, ისე რომ კერძი გემრიელი და არომატული იყოს. მთავარია არ გამოიყენოთ გემოს არომატიზატორები.

აუცილებელია:

დუკანის დიეტის განუყოფელი და ყველაზე მნიშვნელოვანი ნაწილია ყოველდღიურად 1,5 სუფრის კოვზი შვრიის ქატოს ჭამა – ეს წესი არავითარ შემთხვევაში არ უნდა დაგავიწყდეთ! (ქატო შეგიძლიათ მიიღოთ უცხიმო კეფირთან ან იოგურტთან ერთად, ან რძის ფაფის სახით). ასევე აუცილებელია ყოველდღიურად 20 წუთიანი ფეხით გასეირნება ან სპორტით დაკავება და დღეში არანაკლებ 2 ლიტრი სითხის მიღება (ყავა და ჩაი შედის ამ რაოდენობაში). არ უნდა მიიღოთ: ცხიმიანი ხორცი, შაქარი და ალკოჰოლი.

2. მეორე ფაზა

მეორე ეტაპზე წინა ფაზის დაშვებულ პროდუქტს ემატება ხილი და ბოსტნეული. მეორე ფაზა გრძელდება იქამდე, სანამ არ მიაღწევთ თქვენს ოპტიმალურ წონას (საშუალოდ 2-დან 6-თვემდე). ამ ფაზის დროს უნდა მოხდეს ცილოვანი საკვების და ბოსტნეულის მონაცვლეობა. საკვები რეჟიმების მონაცვლეობა დასაკლები წონის რაოდენობაზე დამოკიდებული: 10კგ.-ზე – 1 დღე ცილები, მეორე დღე ცილები/ბოსტნეული; 10კგ.-ზე მეტი – 5/5 დღის მონაცვლეობა

აუცილებელია:

დღეში 2 სუფრის კოვზი შვრიის ქატოს მიღება; შეკრულობის შემთხვევაში შეგიძლიათ 1 სუფრის კოვზი ხორბლის ქატოს გამოყენება; შეეცადეთ რძის პროდუქტების ნორმას 1კგ-ს არ გადააჭარბოთ; სვით დღეში მინიმუმ 2 ლიტრი წყალი; ყოველდღიური გასეირნება გაზარდეთ 30 წუთამდე.

3. მესამე ფაზა

დიეტის ეს ეტაპი მიღწეული შედეგის განსამტკიცებლადაა საჭირო. მესამე ფაზის ხანგრძლივობა დამოკიდებულია დაკლებულ კილოგრამებზე. თითოეულ დაკლებულ კილოგრამზე არანაკლებ 10 დღე უნდა დახარჯოთ გასამყარებლად. ანუ თუ დაიკლეთ 7კგ., განსამტკიცებლად 70 დღე დაგჭრდებათ.

მესამე ფაზის მენიუ

დაშვებულია პირველი და მეორე ფაზის პროდუქტების გამოყენება. აუცილებელია ყოველ დღე ხილის ერთი პორცია (200გრ.) სალათის მიღება (აკრძლულია ყურძენი, ბანანი, ბალი); დღეში არაუმეტეს ორი ნაჭრი პურის მიღება; დღეში არაუმეტეს 40გ. მწიფე ყველის გამოყენება; აუცილებელია სახამებლის შემცველი პროდუქტების გამოყენება (კარტოფილი, ბრინჯი, ბარდა, ლობიო, მაკარონის ნაწარმი), მაგრამ არა უმეტეს ორჯერ კვირაში; ყოველდღიური ფეხით სეირნობა არ უნდა იყოს 25 წუთზე ნაკლები.

შვრიის ქატოს რაოდენობა გაზარდეთ 2,5 სუფრის კოვზამდე დღეში. მესამე ფაზის პერიოდში არაუმეტეს კვირაში ერთი დღისა, შეგიძლიათ მოიწყოთ სადღესასწაულო დღე – ეს ნიშნავს, რომ ამ დღეს შეგიძლიათ შეჭამოთ რაც თქვენ გესიამოვნებათ, მაგრამ მხოლოდ კვირაში ერთხელ.

უგულავას დიეტა

ეს დიეტა განკუთვნილია მათთვის, ვინც მისდევს მჯდომარე ცხოვრების წესს. დღეში 3–4 ჭიქაზე მეტი სითხის მიღება არ შეიძლება, წინააღმდეგ შემთხვევაში ვერ გახდებით. დიეტის განმავლობაში შეიძლება მიიღოთ უშაქრო ყავა

დიეტის შედეგად შეიძლება დაიკლოთ 15-20 კილომდე. დიეტა გრძელდება 4 კვირა. ჯობია დაიწყოთ ორშაბათს, რომ დღეები არ აგერიოთ. არ შეიძლება შაქრის და შაქრის შემცველი პროდუქტების მიღება. დიეტის დაწყებამდე სასურველია კუჭის გამორეცხვა.

სამი კვირა მეორდება ეს დღეეები

1. დღე  - მშიერი

საუზმე და სადილი - 1 ლ. რძე, პატარა ჭიქებით, მთელი დღე.

ვახშამი - 1 ჭიქა ტომატის წვენი და 100გრ. შავი პური.

2. დღე - ცილები

საუზმე - 100გრ. შავი პური, 20გრ. კარაქი, 1 ჩ/კ თაფლი, ყავა რძით (უშაქრო)

სადილი - 100გრ. ლორი ან ქათამი (თეთრი ხორცი) ან საქ. ხორცი (მჭლე) +

ბულიონი (მწვანილი და ბოსტნეულის გარეშე) +100გრ ჰოლანდიური

ყველი (გამდნარი და თეთრი არა) +100გრ. შავი პური.

ვახშამი - 2 მოხარშული კვერცხი

3. დღე - ბოსტნეული

საუზმე - 2 ვაშლი ან 2 ფორთოხალი ან 2 ატამი

სადილი - ბოსტნეულის სუპი (მოხარშული გახეხილი ან დაჭრილი

ბოსტნეული +1 ს/კ ზეთით )+ 2 მოხარშული კარტოფილი და 200 გრ

მოხარშული გაროხი

ვახშამი - 3 პომიდვრის და 2 კიტრის სალათი (უცხიმოდ)+ 1ჭ. ჩაი + 1 ჩ/კ თაფლი

4. დღე - განსაკუთრებული

საუზმე - ყავა რძით (უშაქრო) + 100გრ ჰოლანდიური ყველი

სადილი - 100გრ. ლორი ან თევზი ან ქათამი ან საქ. ხორცი მოხარშული +

100გრ შავი პური + 2 მოხარშული კვერცხი

ვახშამი - 1 ჭიქა კეფირი

5. დღე - ცილოვანი

საუზმე - 100გრ. შავი პური, 20გრ. კარაქი, 1 ჩ/კ თაფლი, ყავა რძით (უშაქრო)

სადილი - 100გრ. ლორი ან ქათამი (თეთრი ხორცი) ან საქ. ხორცი (მჭლე) +

ბულიონი (მწვანილი და ბოსტნეულის გარეშე) +100გრ ჰოლანდიური

ყველი (გამდნარი და თეთრი არა) +100გრ. შავი პური.

ვახშამი - 2 მოხარშული კვერცხი

6. დღე - ბოსტნეული

საუზმე - 2 ვაშლი ან 2 ფორთოხალი ან 2 ატამი

სადილი - ბოსტნეულის სუპი (მოხარშული გახეხილი ან დაჭრილი

ბოსტნეული + 1 ს/კ ზეთით) + 2 მოხარშული კარტოფილი და 200 გრ

მოხარშული გაროხი

ვახშამი - 3 პომიდვრის და 2 კიტრის სალათი (უცხიმოდ)+ 1ჭ. ჩაი + 1 ჩ/კ თაფლი

7. დღე - განსაკუთრებული

საუზმე - ყავა რძით (უშაქრო) + 100გრ ჰოლანდიური ყველი

სადილი - 100გრ. ლორი ან თევზი ან ქათამი ან საქ. ხორცი მოხარშული +

100გრ შავი პური + 2 მოხარშული კვერცხი

ვახშამი - 1 ჭიქა კეფირი

მე-4  კვირას კი უნდა მიირთვათ

• ორშაბათი - 1.5კგ ვაშლი
• სამშაბათი - 1.5კგ მოხარშული ქათამი
• ოთხშაბათი - 1.5კგ კიტრი / პომიდორი
• ხუთშაბათი - 1კგ მოხარშული ხორცი
• პარასკევი - 0.5კგ ჰოლანდიური ყველი და 1 ბოთლი მინერალური წყალი
• შაბათი - 1ლ. კეფირი, 2 მოხარშული კვერცხი, მოხარშული თევზი.
• კვირა - 1 ბოთლი წითელი ღვინო და 1კგ ჰოლანდიური ყველი.

აღნიშნულ სტატიაში შემოგთავაზეთ საქართველოში გავრცელებული ყველაზე პოპულარული დიეტების ჩამონათვალი და მათი დაცვის პრინციპები. რა თქმა უნდა, ნებისმიერი დიეტოლოგი დაგვეთანხმება, რომ მკაცრი დიეტა ორგანიზმისთვის დიდი სტრესია, ამიტომ ყველაფერს ნელა გახდომა და ჯანმრთელი კვების პრინციპების დაცვა სჯობს.