პურის საცხობი, როგორც  სამზარეულოს ელექტრონული მოწყობილობა, სულ უფრო დიდ ადგილს იკავებს დიასახლისების ცხოვრებაში. ეს ფაქტი დაკავშირებულია სახლის პირობებში ხარისხიანი და გემრიელი პურის გამოცხობასთან. პურის საცხობის გამოყენება სირთულეს არ წარმოადგენს (თუმცა აქვს გარკვეული ნიუანსები), მას თავად შეუძლია მოზილოს ცომი, ამოიყვანოს და გამოაცხოს პური.

აქ მოყვანილა ის ძირთადი პარამეტრები, რომელზეც უნდა გაამახვილოთ ყურადღება პურის საცხობის შერჩევის დროს.

პურის საცხობის კორპუსი, შიდა ფორმა, სახურავი და ზომები

პურის საცხობის კორპუსი, ფორმაკორპუსი - პურის საცხობის კორპუსი ძირითადად დამზადებულია მსუბუქი პლასტმასისგან ან უჟანგავი ფოლადისგან.

პლასტმასის კორპუსი შესაძლოა ადვილად დეფორმირდეს მოუფრთხილებელი ექსპლუატაციის შემთხვევაში, თუმცა ადვილად იწმინდება და ფასიც შედარებით დაბალი აქვს.

უჟანგავი ფოლადის კორპუსი უფრო გამძლე და ამტანია, თუმცა პლასტმასის კორპუსთან შედარებით ითხოვს მეტ მოვლას და გაწმენდისას გაცილებით დიდ ძალისხმევას. ამასთან ასეთი მასალისგან დამზადებული პურის საცხობები უფრო ძვირადღირებულია.

იმის მიხედვით, თუ რა მასალისგან არის დამზადებული, პურის საცხობების წონა მერყეობს 2-დან 8 კგ-მდე.

არჩევანი, თუ რომელი მასალისგან დამზადებულ საცხობზე უნდა გავაკეთოთ არჩევანი - პლასტმასი თუ უჟანგავი ფოლადი - გემოვნების საქმეა. მთავარია კორპუსი იყოს ხარისხიანი: არ ჰქონდეს ბასრი კუთხეები, ნაპრალები და არათანაბარი ზედაპირი. გააჩნდეს ორთქლის გამოსაშვები ღიობი და მყარი დეტალები.

პურის ფორმა - ბევრ თანამედროვე პურის საცხობში, ცომისა და გამოცხობისთვის განკუთვნილი ფორმა წარმოადგენს მართკუთხედის ფორმის ჭურჭელს, რომელიც მოთავსებულია საცხობის კორპუსში. ზოგოერთ მოდელში ეს ფორმა ვედროს ფორმის ან მოგრძო ფორმისაა (ბატონებისთვის).

ზოგიერთი მწარმოებელი მას ეძახის ფორმას, ზოგი კი კონტეინერს. ნებისმერ შემთხვევაში, ეს არის ჭურჭელი, რომელში იზილება და ცხვება სხვადასხვა ფორმის პური (ოთკუთხედი, მრგვალი და ა.შ)

შესაძლოა სხვადასხვა სახის სასურველი ფორმები შეიძინოთ ცალკე, პურის საცხობისგან დამოუკიდებლად.

ზოგიერთ მოდლეს კი კომპლექტში მოჰყვება სხვადასხვა სახის ფორმა, ზოგიერთი მათგანი განკუთვნილია ცომის მოზელვისთვის, გამცხობისთვის, ზოგი კიდევ ჯემისა და მურაბის დამზადებისთვის.

ფორმის მასალა ალუმინის ან უჟანგავის ფოლადისაა. ნებისმიერი ფორმა დაფარული უნდა იყოს დაწვის საწინააღმდეგო მასალით (რათა არ მოხდეს ცომის ჩაწვა).

ზომა - ყველა საცხობის და მათი შემდგენელი დეტალების მიერ სამზარეულოში დაკავებული სასარგებლო ფართი, დამოკიდებულია გამოსაცხობის პროდუქტის ზომებზე.

ყველაზე კომპაქტური პურის საცხობები იძლევა 400 გრამი პურის გამოცხობის საშუალებას, ყველაზე დიდი კი 1500 გრამისა.

დიდი ზომის პურის გამოცხობას სახლის პირობებში, თუ ამის საჭიროება არ არსებობს, აზრი არ აქვს, რადგან მისი მარაგად შენახვა შეუძლებელია. შეუძლებელია იმიტომ რომ საცხობში გამომცხვარი პური არ შეიცავს სპეციალურ კონსერვანტებს, რომლებიც ზრდის პურის შენახვის ვადის ხანგრძლივობას.

ამიტომ, არჩევანის გაკეთებამდე, უნდა განსაზღვროთ თუ რა წონის პურის გამოცხობა არის საჭირო თქვნთვის ოჯახის სულადობიდან და პურის მოხმარებიდან გამომდინარე.

პურის საცხობების თავსახურითავსახური - თავსახური პურის საცხობებს შეიძლება ჰქონდეს მთლიანად გამჭვირვალე, ან ჩაშენებული გამჭვირვალე „ფანჯრით“.

გამჭვირვალე თავსახური არ მოქმედებს გამომცხვარი პროდუქტის გემოს მახასიათებელებზე, თუმცა ამარტივებს მომზადების პროცესს.

დიასახლისების ნაწილი თვლის, რომ დიდი ზომის „გამჭვირვალე ფანჯარა“ არ აძლევს საშუალებას პურს გაიკეთოს დაბრაწული ქერქი, რადგან იგი ნაწილობრივ შთანთქავს სითბოს.

მეორეს მხრივ, მოუხერხებელია თუ თავსახურს არა აქვს თუნდაც მცირე ზომის „ფანჯარა“. რადგან ზოგჯერ საჭიროა თვალი ადევნოთ პურის ცხობის პროცესს, განსაკუთრებით მაშინ, როცა აცხობთ ახალი პროცესით (მაგალთად ჭვავის პურის).

ზოგიერთი დიასახლისისთვის მნიშვნელოვანია, თუ პურის საცხობს ექნება მოსახსნელი თავსახური. ეს არა მხოლოდ ამარტივებს გამოცხობილი პროდუქციის საცხობიდან ამოღებას, არამედ ადვილია მისი გაწმენდაც.

პურის საცხობის სიმძლავრე

პურის საცხობის სიმძლავრე პურის საცხობის სიმძლავრეს განსაზღვრავს პურის ზომა და გამოცხობის დრო. ეს არის ორი ძირითადი ფაქტორი, რომელიც მოქმედებს გამაცხელებელი ელემენტის გაცხელების სიჩქარეზე.

რაც უფრო მაღალია სიმძლავრე, მით უფრო სწრაფად გამოცხვება პური, თუმცა შესამჩნევად დიდი იქნება ელექტროენერგიის ხარჯიც.

უნდა აღინიშნოს, რომ პურის გამოცხობის დროს, პრაქტიკაში თქვენ ვერც შეამჩნევთ გლობალურ სხვაობას (დროის თვალსაზრისით) ბიუჯეტურ დაბალსიმძლავრიან და მაღალსიმძლავრიან ძვირფას მოდელებს შორის.

აქ ძალიან მნიშვნელოვანია ცომის მომზადების დროც, რომლის დაჩქარებაც ყოველთვის არ არის შესაძლებელი.

მაღალ სიმძლავრეს მნიშვნელობა აქვს როცა გსურთ დიდი ზომის პურის გამოცხობა, ასევე იგი კომფორტულია რეჟიმში „სწრაფი ცხობა“.

თანამედროვე პურის საცხობებში სიმძლავრე მერყეობს 400-დან 1800 ვატამდე.

მაგალითად, პურის საცხობი, რომლის სიმძლავრეა 700 ვატი, პურს აცხობს დაახლოებით 2,5-3 საათის განმავლობაში.

მათთვის, ვისაც არ სურს პურის ცხობის პროცესის დაჩქარება, არ სჭირდება პროგრამებისა და ფუნქციების სიმრავლე, ან ყურადღებას აქცევს მოხმარებულ ელექტროენერგიას, უმჯობესია არჩევანი გააკეთოს მოდელებზე, რომელთა სიმძლავრეა 600-900 ვატი.

ხოლო მათ, ვისაც არ სურს დიდხანს ელოდოს პურის გამოცხობას, უნდა საცხობს ჰქონდეს მეტი შესაძლებლობები, უპირატესობას სისწრაფეს ანიჭებს და არც ელექტროენერგიის ხარჯი ანერვიულებს, არჩევანი უნდა გააკეთონ მოდელებზე 1000 ვატი და ზემოთ.

პურის საცხობის პროგრამები

პურის საცხობის პროგრამებირა თქმა უნდა, წინასწარ დაყენებული პროგრამა თითქმის უზრუნველყოფს სხვადასხვა სახის პროდუქტის მომზადებას.

ყველა ბიუჯეტურ მოდელს გააჩნია 4 ძირითადი პროგრამა:

• სტანდარტული (სტანდარტული ცხობა);

• დაჩქარებული (სწრაფი ცხობა);

• ცომის მოზელვა;

• ცხობა;

თუმცა მექანიკური რეგულირებით, შესაძლებელია თითქმის ყველა რეცეპტის გამეორება.

ზოგადად კი პურის საცხობებში პროგრამების რაოდენობა 20-ს აღწევს. მრავალფუქციურ პურის საცხობებს შესაძლოა გააჩნდეს შემდეგი ძირითადი პროგრამები:

განვიხილოთ ძირთადი პროგრამები, რომლსაც ყველაზე ხშირად მოიხმარენ დიასახლისები:

სტანდარტული - ეს ძირითადი და მთავარი პროგრამაა, რომელიც შეიცავს პურის მომზადების ყველა პროცესს. ჩვეულებრივ მას პუროს გამოსაცხობად სჭირდება დაახლოებით 3,5 საათი.

ექსტრა გამოცხობა  - უზრუნველყოფს პურის გამოცხობის ხანგრძლივობის 2-ჯერ შემცირებას (ცხობას სჭირდება დაახლოებით 2 საათამდე) და შეუძლია პური გამოაცხოს წინასწარ მომზადებული ცომიდანაც.

ამ პროგრამას გამოცდილი დიასახლისები ხშირად არ იყენებენ, რადგან პური არ გამოდის ყუათიანი და გემრიელი. ეს არც არის გასაკვირი, რადგან მცირდება ცომის  მოზელის დრო, რაც შესაბამისად მოქმედებს ხარისხზე.

                                                                                            დაივიწყეთ ფქვილიანი ხელები. სახლში მოსულ სტუმარს ხელს თამამად გაუწვდით!

ამბობენ, რომ პური ჩვენი არსებობისთვის შეუცვლელი ინგრედიენტია, ფუნთუშეული/ცომეული კი - ფიგურისა და ჯანმრთელობისთვის სახიფათო გემრიელობა. თუმცა სწორად მომზადებულ ნებისმიერ კერძს/ფუნთუშას/ცომეულს ჩვენი ორგანიზმიც ასევე სწორად აღიქვამს. ასე რომ, მნიშვნელოვანია, დავიცვათ ზომა, წესი და გვქონდეს თანამედროვე, მოსახერხებელი საცხობი მოწყობილობა.

არაფერი სჯობს სახლში შებრაწულ და გამომცხვარ ცომეულს. ამიტომ მას, ვისაც სამზარეულოში ფუსფუსი, ცხობა და სუფრის გალამაზება უყვარს, ეს სტატია განსაკუთრებით დააინტერესებს.

არსებობს სხვადასხვა ზომის პურის საცხობი. ზოგიერთი მათგანი გამოიყენება საწარმოო მოხმარებისთვის, უმრავლესობა - სახლისთვის. მოდით, ვისაუბროთ სტანდარტული ზომის საცხობზე, რომელიც ჩვენს სამზარეულო ოთახებსა და ყოველდღიურ რაციონს დაამშვენებს.

პურის საცხობები 500 გრამიდან 6 კილოგრამამდე პურს აცხობს. თქვენზეა დამოკიდებული, როგორი გნებავთ და რას წვდება თქვენი ბიუჯეტი. ბუნებრივია, იცით, რომ ფასი კილოგრამების მიხედვით განისაზღვრება. ასევე, რა თქმა უნდა, პროგრამებს, ხარისხსა და დამატებით შესაძლებლობებსაც დიდი მნიშვნელობა აქვს.

ნებისმიერ ნივთს, რასაც ვყიდულობთ, ვარჩევთ იმ ძირითადი მოთხოვნების გათვალისწინებით, რაც აუცილებლად უნდა ჰქონდეს. არის მოთხოვნები, რაც სასურველია, ჰქონდეს. მე შევეცდები, ყველა თუ არა, უმრავლესობა მაინც ჩამოვწერო.

პურის წონა - ამაზე ნაწილობრივ უკვე ვისაუბრეთ. სასურველია, პურის მინიმალური წონა ნახევარი კილო იყოს. შესაძლებელია, რომ 5 ან 6 კილოსაც აცხობდეს. მოდელების უმრავლესობას აქვს პურის წონის არჩევის ფუნქცია, რაც დაგეხმარებათ, სასურველი ზომის პურის გამოცხობაში.

პროგრამების რაოდენობა - ეს ერთ-ერთი ყველაზე მნიშვნელოვანი ფაქტორია, ამიტომ მასზე უფრო ვრცლად, სიის დასრულების შემდეგ დავწერ.

დაბრაწვის რეჟიმები - ძირითადად, პურის საცხობებს 3 დაბრაწვის რეჟიმი აქვს - ღია ფერის, საშუალო და მუქი. ასე რომ, თქვენ მარტივად შეძლებთ, სასურველი პურის ქერქის მიღებას.

ტემპერატურა - ხშირად, გამოცხობისთანავე ვერ ვახერხებთ სადილს. ზოგჯერ მეგობრებს ვუცდით, ან ოჯახის წევრებს, ამიტომ სასურველია, პურის საცხობს ტემპერატურის შენარჩუნების ფუნქცია ჰქონდეს.

სტარტი - როდის დავიწყოთ ცხობა? - რა თქმა უნდა მაშინ, როცა გვსურს და საჭიროა, თუმცა დროის განაწილება ზოგჯერ ამის საშუალებას არ გვაძლევს, ამიტომ არსებობს რეჟიმი „სტარტის გადავადება“. მისი დახმარებით, შესაძლებელია, 15 საათითაც კი გადაავადოთ სტარტი.

ელექტრო ენერგიის შეწყვეტა - დღეს, საბედნიეროდ, ელექტრო ენერგია არც ისე ხშირად და დიდი ხნით გვტოვებს, თუმცა ზოგჯერ გაუთვალისწინებელი ინციდენტებიც ხდება, რის შემდეგაც, შეიძლება, დაწყებული პროგრამა შეჩერდეს და თავიდან მოგვიხდეს არჩევა/ჩართვა. ამის თავიდან ასაცილებლად არსებობს რეჟიმი „პროგრამის დამახსოვრება“. ელ. ენერგიის გათიშვის დროს ის იმახსოვრებს პროგრამას გარკვეული ხნით.

ამ მახასიათებლებთან ერთად მნიშვნელოვანია დისპლეი, მოსახერხებელი სამართავი პანელი, სავენტილაციო ფანჯარა და მიმწვრობის საწინააღმდეგო ზედაპირი. ფანჯრის საშუალებით თქვენ თვალს მიადევნებთ ცხობის პროცესს. დისპლეი და სამართავი პანელი დაგეხმარებათ, მოხერხებულად აირჩიოთ სასურველი პროგრამა. ზედაპირი კი ერთ-ერთი მნიშვნელოვანი დეტალია. უმეტეს შემთვევაში, ირჩევენ მიმწვრობის საწინაარმდეგოს, რაც ისედაც ცხადია და ახსნას არ საჭიროებს.

რაც შეეხება პროგრამებს. პურის საცხობს ძირითადად 3-დან 25-მდე პროგრამა აქვს. ნებისმიერ მოდელს აქვს 3-4 პროგრამა მაინც:

ძირითადი რეჟიმი - თეთრი პური. ცხვება 3-4 საათის განმავლობაში.

ფრანგული პური

სწრაფი ცხობა - 4 საათის ნაცვლად, ცხვება 2 საათში

ტკბილი პური

ეს არის ძირითადი პროგრამები, რაც უმრავლეს მოწყობილობას აქვს. უფრო მეტი პროგრამის ქონა, დამოკიდებულია ფასზე. მაგალითად, ზოგიერთი აცხობს:

ჭვავის პურს

მსხვილად დაფქვილ და სრულმარცვლოვან ფქვილს

ხორბლის პურს

პურს დანამატებით, საფუარით და მის გარეშე

სენდვიჩის პურს

ტკბილ პურს (კექსი, ნამცხვრები)

იტალიურ პურს

ბისკვიტს

პურის საცხობს აქვს ცომის მოზელის, ჯემის, ფაფის, იოგურტის, ადუღების, მულტიცხობის და სხვა პროგრამები, ასევე - ცხობა გლუტენის (წებოვანას) გარეშე.

რასაკვირველია, დიზაინი და ფიზიკური მონაცემებიც გასათვალისწინებელია. პურის საცხობები სამ კატეგორიად იყოფა: ჰორიზონტალური, ვერტიკალური და მრგვალი ფორმის. კორპუსის მასალა კი ძირითადად პლასტმასის ან ლითონისაა. პლასტმასის მასალის საცხობი უფრო სუსტია, შესაბამისად - იაფიც. ლითონის კორპუსი კი მეტად გამძლე და გამოსადეგია, ფასითაც განსხვავებული, თუმცა ზედაპირზე ხშირად ჩანს ნათითურები.

რამდენიმე სიტყვა კომპლექტაციაზეც:

ზოგიერთ მოდელს კომპლექტში მოყვება სხვადასხვა აქსესუარი: საზომი ჭიქა, საზომი კოვზი, გამოსაცხობი ფორმა

და საჭრელი დანა. თქვენ შეგიძლიათ, ისარგებლოთ სპეციალური რეცეპტების წიგნით და თქვენი ყოველდღიური კვების რაციონი უფრო მრავალფეროვანი გახადოთ.

აბა, ვინ მეტყვის, რა შეედრება ბებოს გამომცხვარ ცხელ და ტკაცუნა თონის პურს? - ჩვენ მიერ გამომცხვარა ცხელი, შებრაწული და ფუმფულა პური. ასე რომ, Bon Appétit!

თუ თქვენ სტატია წაიკითხეთ თქვენ უკვე მზად ხართ ახალი პურის საცხობის შესაძენად ! შეიძინეთ პურის საცხობები ჩვენთან, საუკეთესო ბრენდები დაბალი ფასითა და მაღალი ხარისხით!

>>პურის საცხობის შესაძენად დააჭირეთ ლინკს <<