ახალი ტექნიკის შეძენის დროს, როგორც წესი ვერ ვერკვევით მის სპეციფიკაში – დადებით და უარყოფით მხარეებში,ტელევიზორი ერთ-ერთი მნიშვნელოვანი ელექტრო მოწყობილობაა ოჯახში. ტელევიზორების მახასიათებლები საკმაოდ განსხვავებულია ერთმანეთისგან.შეიძლება სრულიად უნებლიედ, უცოდინრობის გამო შევარჩიოთ ის რაც ჩვენს მოთხოვნებს ნაკლებად დააკმაყოფილებს.საზოგადოებაში დამკვიდრებულია ის აზრი რომ ტელევიზორი, რაც უფრო დიდია უფრო კარგია და ამიტომ ადამიანები ხშირად ხარბდებიან დიდ ტელევიზორებს ან იწუნებენ შედარებით მცირე ტელევიზორებს მისი ზომის გამო, იმის მიუხედავად თუ რა მოცულობის ოთახში აპირებენ მის განთავსებას. აღსანიშნავია ისიც, რომ ტელევიზორის გამოსხივება დამოკიდებულია არა მის ზომაზე, არამედ ხარისხზე, რაც უფრო დაბალი ხარისხისაა ეკრანი, მით უფრო საზიანოა ის თვალებისთვის.

  ტელევიზორის ზომა

პირველ რიგში უნდა განსაზღვროთ თქვენთვის შესაფერისი ტელევიზორის ზომა.ზოგადად რეკომენდირებულია და შესაბამისად კარგია საძინებელ ოთახში სულ მცირე 32 ინჩიანი ტელევიზორი, ხოლო მისაღებ ოთახში სულ მცირე 40 ინჩიანი ტელევიზორი.ტელევიზორის ზომის შერჩევისას უნდა გავამახვილოთ ყურადღება მანძილზე საყურებელი ადგილიდან ტელევიზორამდე.

თუ ტელევიზორის ყურებას აპირებთ 0.6 -დან 1 მეტრამდე მანძილიდან, მაშინ მისი დიაგონალი უნდა იყოს 28 -76 სანტიმეტრი

თუ დაშორება 2 მეტრამდეა, დიაგონალის სიგრძე 40 – 43 ინჩი უნდა იყოს.

თუ ტელევიზორის დიაგონალი 40"-ინჩზე ზემოთაა მაშინ რეკომენდირებული მანძილი საყურებელ ადგილამდე არის 3 მეტრიდან ზემოთ.

როდესაც ვარჩევთ სასურველი ზომის და ფორმის ტელევიზორს უნდა ვიცოდეთ მისი ეკრანის საზომი ერთეული ეს არის Inch (ინჩი) 1 ინჩი უდრის 2,54 სმ–ს.

 ტელევიზორის ტიპები

დღევანდელ რეალობაში ძირითადად აქტუალური არის სამი ტიპის ტელევიზორი: LCD (ელ სი დი), LED (ელ ი დი) და Plasma (პლაზმა). ყველაზე გაყიდვადი ბრტყელეკრანიანი ტელევიზორია LCD ტიპის ტელევიზორები, რადგან 42 ინჩამდე (106.7 სმ) ზომის ტელევიზორებს შორის ყველაზე იაფი და ხელმისაწვდომი სწორედ LCD ტელევიზორებია (მაგრამ სიტყვაზე 65 ინჩიანი პლაზმური ტელევიზორი უფრო იაფია ვიდრე იგივე ზომის LCD ტელევიზორი). თითოეულ მათგანს აქვს, რა თქმა უნდა, როგორც დადებითი ასევე უარყოფითი მხარეები.

LCD TV

LCD TV (Liquid Crystal Display) – დასახელებიდან გამომდინარე ადვილი მისახვედრია რომ ეს ტელევიზორები იყენებენ თხევად კრისტალურ ტექნოლოგიას გამოსახულების ეკრანზე გამოსატანად. LCD ტელევიზორები იწარმოება 19–დან 65 ინჩამდე. LCD ტელევიზორები მათი ფასიდან გამომდინარე კარგათ ართმევენ თავს მათზე დაკისრებულ მოვალეობას, მოიხმარენ ნაკლებ ელექტროენერგიას ვიდრე პლაზმური ტელევიზორები, მაგრამ გააჩნიათ შედარებით ცუდი ხედვის კუთხე.

LCD ტელევიზორის დადებითი მხარეები:

• პლაზმურ ტელევიზორთან შედარებით ნაკლები ელ. ენერგიის მოხმარება;
• საბინაო პირობებისათვის მორგებული ეკრანი (ზომა, სისქე, ნაკლებად მსხვრევადი);
• მისაღები ფასი.

LCD ტელევიზორის უარყოფითი მხარეები:

• ბნელ ოთახებში შედარებით ცუდი ჩვენების ხარისხი;
• ცუდი ხედვის კუთხე;
• სწრაფად ცვალებადი კადრების დეგრადაცია

LED TV

LED TV (Light Emitting Diode) – LED ტელევიზორები იყენებენ სინათლის გამომყოფ დიოდებს (უბრალოდ დიოდებს) ეკრანზე გამოსახულების გამოსატანად, ის რომ LED ტელევიზორმა აჯობა LCD ტელევიზორს, ჩვენების ხარისხითაც და სხვა მონაცემებითაც იგივე ნაკლები ელექტროენერგიის მოხმარებითაც, მაგრამ შესაბამისად მისი ფასი აღემატება LCD ტელევიზორების ფასს.

LED ტელევიზორის დადებითი მხარეები:

• მოიხმარს ნაკლებ ელექტრო ენერგიას ვიდრე LCD;
• გააჩნია თხელი პანელი ;
• გააჩნია გამოსახულების ჩვენების გაუმჯობესებული ხარისხი;
• აღიარებულია ყველაზე მისაღებ თხელეკრანიან ტელევიზორად

LED ტელევიზორის უარყოფითი მხარეები:

• მაღალი ფასი;

Plazma TV

პლაზმური ტელევიზორები ( Plazma TV ) – ეწოდება რადგან იგი იყენებს მცირე უჯრედების შემცველ ელექტრონულად დამუხტულ იონიზირებულ გაზებს.პლაზმური ტელევიზორები იწარმოება 30 ინჩიდან ზევით 150 (3,8 მ) ინჩიანიც კი არსებობს. პლაზმური ტელევიზორის ეკრანი მზადდება შუშისაგან, ერთ–ერთი მიზეზი სწორედ ეს არის რის გამოც პლაზმური ტელევიზორი უფრო კაშკაშაა ვიდრე LCD, როგორც უკვე აღინიშნა პლაზმური ტელევიზორი უფრო მეტ ელექტრო ენერგიას მოიხმარს ვიდრე LCD და მითუმეტეს LED ტელევიზორები. ელექტრო ენერგიის მოხმარების რაოდენობა დამოკიდებულია ეკრანის სიდიდესა და გამოსახულებაზე.

პლაზმური ტელევიზორის დადებითი მხარეები

• ბნელი გამოსახულების მკვეთრი გადმოცემა;
• კარგი ხედვის კუთხე, გამოსახულება არ განიცდის დეგრადაციას ხედვის კუთხის მიხედავად;
• სწრაფად მოძრავი კადრებიც კი არ არის ბუნდოვანი;
• თხელი პროფილი.

პლაზმური ტელევიზორის უარყოფითი მხარეები

• სხივის არეკვლის საფრთხე ნათელ ოთახებში;
• დიდი რაოდენობის ელექტრო ენერგიის მოხმარება;
• მოითხოვს დიდი სივრცის მქონე ოთახში განთავსებას.

ეკრანის დიაგონალი

მნიშვნელოვანია ეკრანის დიაგონალის და გაფართოების სწორად შერჩევაც. HD (High Definition) ანუ ეს ნიშნავს რომ HD ტელევიზორი გვაწვდის მაღალი გარჩევადობის გამოსახულებას.დღესდღეობით ყველაზე გავრცელებული გაფართოების ფორმატები HD (1360x768) და Full HD (1920x1080) საშუალებას გვაძლევს ეკრანზე მივიღოთ გამოსახულების უმაღლესი ხარისხი. Full HD ფორმატი კონფორტულს ქმნის ფილმების Blu-Rey დისკებისა და მედიაფაილების ყურებას.

Full HD – HD უკვე იცით რასაც აღნიშნავს. Full HD ერთგავარი მარკეტინგული სხვლაა და იგივეა რაც Freesat HD, როცა არჩევანის წინაშე იქნებით HD Ready–სა და Full HD–ის შორის ყოველთვის აირჩიეთ Full HD, რადგან მისი – ს გარჩევადობაა 1920×1080 პიქსელი (2 მლნ პიქსელი დაახლოებით), ხოლო HD Ready–ს 1366×768 გარჩევადობის შემთხვევაში თქვენი ტელევიზორის ეკრანზე თავს იყრის სულ რაღაც 1 მლნ–მდე პიქსელი), რაც უფრო მაღალია ფიქსელების რაოდენობა უფრო კარგია გამოსახულება.

ტელევიზორის შესაძლებლობები და დამატებითი ფუნქციები

Smart TV

სხვადასხვა მწარმოებლების მიერ, LCD და LED ტელევიზორების სულ უფრო ბევრ მოდელში, გამოიყენება ტექნოლოგია Smart TV. ასეთ ტელევიზორებს, გააჩნია ფართო ფუნქციონალური შესაძლებლობები, თუმცა ყველა მომხმარებელს არა აქვს ზუსტი წარმოდგენა, თუ რას წარმოადგენს Smart TV. ეს ფაქტორი, შეძენის მომენტში გარკვეულ უხერხულობას ქმნის, რადგან კონსულტანტები იძლევიან ზოგად ინფორმაციას Smart TV-ის უპირატესობის შესახებ და მომხმარებელს უჭირს გაერკვეს შემოთავაზებული  პროდუქტის სარგებლიანობაში. სმარტ TV - არის თანამედროვე ტელევიზორებისა და ინტერნეტის ეფექტური ურთიერთმოქმედების ახალი გარემო. სხვა სიტყვებით რომ ვთქვათ, სმარტ TV ფლობს ინტერნეტთან დაკავშირების შესაძლებლობას, რაც საშუალებას იძლევა, მნიშვნელოვნად გაფართოვდეს მისი შესაძლებლობები. ტელევიზორის ინტერნეტთან კავშირი, მრავალრიცხოვანი სასარგებლო რესურსებისა და აპლიკაციების გამოყენების საშუალებას იძლევა, მაგალითად: ამინდის პროგნოზი, ვალუტის კურსი, მრავალფეროვანი მუსიკის მოსასმენი, სათამაშო, ფოტო, ვიდეო სერვისები და ა.შ. ამას გარდა, თქვენ შეგიძლიათ პირდაპირ ტელევიზორიდან ისარგებლოთ სოციალური ქსელებით (Facebook,  Twitter და ა.შ), ჩაერთოთ სკაიპში, სრულფასოვნად გამოიყენოთ სერვისი Youtube, You Video, და ა.შ. დიდი რაოდენობით განსხვავებული გარემოსა თუ ფუნქციონალის გამო, ხშირად მომხმარებელს უჭირს სრულყოფილად გაერკვეს, თუ რა არის Smart TV და როდის, ან რა მიზნითაა შესაძლებელი მისი გამოყენება. ამიტომ, არ ღირს აჩქარება. უმჯობესია საფუძვლიანად გაერკვეთ სმარტ TV-ის არსში, ჩამოყალიბდეთ თუ რა ტიპის ფუნქციებია თქვენთვის პრიორიტეტული და არჩევანი ისე გააკეთოთ.

Android TV

Android TV საშუალებას იძლევა უყუროთ ფილმები ტელევიზორის დიდ ეკრანზე Google Play - დან. აგრეთვე ვიდეო და ონლაინ ტრანსლიაცია YouTube-ზე. ამის გარდა, შეგიძლიათ ფილმების, კლიპების, გასართობი თამაშების (Gameloft და EA) და სპორტული თამაშების ტრანსლირება პირდაპირ ტელევიზორის დიდ ეკრანზე შემდეგი მოწყობილობებიდან: Android, iOS და Chromebook, აგრეთვე კომპიუტერებიდან Mac და Windows.მაგრამ ეს არ არის ყველაფერი, Android TV-ის ფუნქციონალი სულ უფრო იხვეწება და მრავალფეროვანი ხდება.

3D

3D ტექნოლოგია ძალიან სწრაფი ტემპებით ვითარდება, თუმცა ჯერ-ჯერობით არ არსებობს 3D-ეს ერთიანი ტექნოლოგია და ერთიანი ფორმატი, რომელიც სტანდარტული იქნებოდა ყველა მოწყობილობაზე გამოსახულების მისაღებად.ამიტომ, დღესდღეობით წარმოდგენილია რამოდენიმე ტექნოლოგია. მათ შორის ყველაზე მეტად გავრცელებულია 4 ძირითადი ტექნოლოგია:

• აქტიური სტერეო ტექნოლოგია (ჩაკეტილი სათვალე)
• პასიური სტერეო ტექნოლოგია (პოლარიზაცია)
• ავტოსტეროსკოპური ტექნოლოგია (სპეციალური სათვალის გარეშე)
• ანაგლიფი (ლურჯ-წითელი სათვალე)

თუ თქვენ სტატია წაიკითხეთ თქვენ უკვე მზად ხართ ახალი ტელევიზორის შესაძენად !  შეიძინეთ ტელევიზორი ჩვენთან, საუკეთესო ბრენდები დაბალი ფასითა და მაღალი ხარისხით! 

>> ტელევიზორის შესაძენად დააჭირეთ ლინკს <<