გაბარიტები და ტიპები ჩატვირთვის მიხედვით. ასევე მნიშვნელოვანია სარეცხი მანქანის ტიპის გარკვევა: ფრონტალური ან ჰორიზონტალური ჩატვირთვით. სარეალიზაციო ბაზარზე ტრადიციულად ითვლება ფრონტალური ჩატვირთვის სარეცხი მანქანები, სიგანით და სიღრმით 60 სმ. მაგრამ ყველა ბინაში ასეთი სარეცხი მანქანის განთავსება შეუძლებელია, ამიტომ იწარმოება სარეცხი მანქანები სტანდარტული სიგანით და შემცირებული სიღრმით.არსებობს კომპაქტური სარ. მანქანები ფრონტალური ჩატვირთვით, რომელთა გაბარიტები (სიმაღლე, სიგანე, სიღრმე) შემცირებულია. თუ ფრონტალური ჩატვირთვის ტიპის არცერთი სარეცხი მანქანა არ გაკმაყოფილებთ, მაშინ შეარჩიეთ მანქანები ვერტიკალური ჩატვირთვით, რომელთა სიგანე ძირითადად 40 სანტიმეტრია (იშვიათად 45 სმ) და სიღრმე 60სმ. თეთრეულის ჩატვირთვა ხდება ზედა მხრიდან, ამიტომ აღარ არის საჭირო დამატებითი ადგილის გათვალისწინება. ჩატვირთვის მოცულობა.სარეცხის მანქანის ყიდვამდე ასევე უნდა განსაზღვროთ ჩატვირთვის მოცულობა (ტევადობა). თუ ერთ პიროვნებაზე ან ახალგაზრდა წყვილზე გავთვლით, მაშინ საკმარისი ტევადობაა 3-4 კგ, ხოლო ოჯახისთვის სადაც ბავშვები არიან,  საჭიროა სარეცხი მანქანა 4,5-5 კგ. ტევადობით. იმ შემთხვევაში თუ ოჯახი ხუთ ადამინზე მეტისაგან შედგება, მაშინ საჭიროა 6-8 კგ. ტევადობის სარეცხი მანქანა.გაწურვის ბრუნების რაოდენობა.  თანამედროვე სარ. მანქანებში ეს მაჩვენებელი ვარირებს 800 დან 1200 ბრუნამდე წუთში, რაც საკმარისია უმეტესობა თეთრეულის გასაწურად. გაწურვის ბრუნის რიცხვი წუთში გვაჩვენებს რამდენად ტენიანი იქნება თქვენი თეთრეული, იმის შემდეგ, რაც გამოიღებთ თეთრეულს მანქანიდან. ამ მაჩვენებელთან პირდაპირაა დაკავშირებული დარჩენილი ტენიანობის მაჩვენებელი, რაც უფრო ნაკლებია ტენიანობა, მით უფრო მალე გაშრება თეთრეული. დღეისთვის მინიმალური მაჩვენებელი დარჩენილი ტენიანობის (43%) და ყველაზე დიდი გაწურვის სიჩქარე 2000 ბრუნია წუთში.რეცხვის, წურვის და ენერგო მოხმარების კლასები. დიდი ხანია მუშაობს ევროკავშირის მიერ შემუშავებული კლასიფიკაცია, რომელიც სპეციალური ტესტების საშუალებით აფასებს სარეცი მანქანების ეფექტურობას. სარ. მანქანა ფასდება სამი პარამეტრით: ელ. ენერგიის მოხმარებით, გარეცხვის ხარისხით და გაწურვის ხარისხით. სარეცხი მანქანების თითოეულ პარამეტრს ენიჭება კლასები: A-დან G-მდე, A კლასი შეეფერება ყველაზე მაღალი ხარისხის მაჩვენებელს. ენერგო მოხმარების კლასისთვის 2002წ. შემოღებული იქნა უმაღლესი კლასის მაჩვენებელი A+. პროგრამები და ფუნქციები. არსებობს გარეცხვის პროგრამების ოთხი ტიპი, რომლებიც,  ფაქტობრივად,  გვხდება ყველა სარეცხ მანქანაში. ეს არის ბამბის და სელის ნაწარმის რეცხვა, სინთეტიკის ნაწარმის რეცხვა, დელიკატური  ნაწარმის რეცხვა და შალის რეცხვა. ამის საფუძველზე  იქმნება ნებისმიერი ნაწარმის ოპტიმალური რეცხვის დამატებითი პროგრამები. ყველა მწარმოებელს აქვს ასეთი პროგრამების თავისებური კომპლექტი

• ხელით რეცხვის პროგრამა.  ხელით რეცხვის პროგრამით რეცხვისას შერჩეულია დოლურას სპეციალური ბრუნვის რიტმი და წყლის გაცხელების ოპტიმალური ტემპერატურა (მაქსიმალური 40 გრადუსი და საშუალო 30 გრადუსი). ზოგიერთ მწარმოებლებს აქვს ხელით რეცხვის პროგრამები მხოლოდ ბამბის და აბრეშუმისთვის. 
• სწრაფი რეცხვა. რეცხვის მოკლე ციკლი (დაახლოებით 30 წუთი, ზოგ შემთხვევაში 15, 17 წუთი) ერთ-ერთი ყველაზე გამოყენებადი პროგრამაა და ის გათვლილია მცირე რაოდენობის ნაკლებად დაბინძურებული სარეცხისათვის.                                             

• ძალიან დაბინძურებული თეთრეულის რეცხვის პროგრამები. არსებობს პროგრამები რომლებიც განკუთვნილია ძალიან დაბინძურებილი თეთრეულის რეცხვისათვის და ლაქების ამოსაყვანად. ,,ჩალბობა" საშუალებას გვაძლევს თეთრეული სარეცხ საშუალებასთან ერთად წყალში დავტოვოთ რამდენიმე საათის განმავლობაში, ამასთან ერთად თეთრეული პერიოდულად და ავტომატურად ირევა ერთმანეთში. ასევე არსებობს ინტენსიური რეცხვის პროგრამა, რომელიც განკუთვნილია ასევე ძლიერ დაბინძურებული თეთრეულის გასარეცხად. ,განკუთვნილია ძველი ლაქების ამოსაყვანად მშრალი ლაქა-გამომყვანების საშუალებებით.

 წყლის დონის ავტომატური რეგულირების  ფუნქციის დახმარებით, თვენი სარეცხი მანქანა გააკონტროლებს წყლის მოცულობას მასში ჩატვირთული თეთრეულის მოცულობის მიხედვით. როგორ განსაზღვრავს მანქანა თეთრეულის მოცულობას? სარეცხი მანქანის უმეტეს მოდელებში თეთრეულის მასა განისაზღვრება მასში შეწოვილი წყლის რაოდენობით, რაც უფრო მეტია თეთრეული მით უფრო მეტ წყალს შეიწოვს და პირიქით. სუფთა სახით ავტომატური აწონვა რეალიზებულია მხოლოდ პრემიუმ კლასის მოდელებში.დისბალანსის კონტროლის სისტემა  გვხვდება უმეტეს სარეც მანქანებში. გადახლართული სარეცხი შესაძლოა დაგროვდეს დოლურას ერთ მხარეს, რაც გამოიწვევს დისბალანსს წურვისას და შესაბამისად ვიბრაცია და ხმაურის დონე მატულობს. დისბალანსის კონტროლის სისტემა შეაჩერებს წურვის პროცესს და რევერსული მოძრაობის ხარჯზე გადაანაწილებს სარეცხს დოლურაში, რის შემდეგაც გააგრძელებს წურვას. თუ თეთრეული არ გადანაწილდა წურვის ბრუნი შემცირდება ან საერთოდ შეჩერდება, რათა არ დაზიანდეს სარეცხი მანქანა.ქაფიანობის კონტროლი. ქაფის წარმოქნის კონტროლის სისტემა საჭიროა იმისათვის, რომ არ დავუშვათ მანქანის დაზიანება სარეცხი საშუალებების გადაჭარბებით დოზირების, ან შეცდომის შემთხვევაში. ზედმეტი ქაფისაგან გათავისუფლება უმეტეს შემთხვევაში ხდება საკმაოდ მარტივი წესით-მანქანა რთავს დამატებით გავლების ციკლს. მართვა. ძირითადად სარეცხი მანქანები იყოფა ორ ტიპად: მექანიკური (მოძველებული მოდელები) და ელექტრონული მართვით. თავის მხრივ სარ. მანქანები ელექტრონული მართვით იყოფა ქვეტიპებად:

მართვა ღილაკებით და მექანიკური გადამრთველით

 ღილაკებით

 სენსორული ღილაკებით

 სენსორული ეკრანით.

დამატებითი ფუნქციები და ტექნოლოგიები

შრობა. ასეთი ტიპის ყველაზე მარტივი მანქანები თეთრეულს აშრობენ ტაიმერის საშუალებით, რეცხვის დამთავრების შემდეგ შრობისთვის გამოიყოფა განსაზღვრული დრო. უფრო განვითარებულ მოდელებს შეუძლია თეთრეულის გაშრობა სინესტის მიხედვით, მანქანა თვითონ განსაზღვრავს (სენსორების საშუალებით) შრობის ხანგრძლივობას. საშრობიანი მანქანის ამორჩევისას, ღირს ყურადღება მიაქციოთ შრობის პროგრამებს. ტრადიციული პროგრამების კრებული ითვალისწინებს შემდეგ რეჟიმებს: ,,გაშრობა უთოს ქვეშ" ,,მშრალი" ,,კარადაში", ხოლო ზოგიერთ მოდელში 11-მდე  გაშრობის პროგრამაა.ორთქლით  რეცხვა. ორთქლით დამუშავების ფუნქციის გამოყენება პირველმა სარეცხ მანქანებში დაიწყო კომპანიამ LG. ორთქლით რეცხვის ტექნოლოგია შესამჩნევლად ზრდის მანქანების ფუნქციონალურ შესაძლებლობებს,  კლავს მავნე ბაქტერიებს და ზრდის რეცხვის ხარისხს. ორთქლით რეცხვის ფუნქციის მქონე მანქანებში, შეიძლება გაირეცხოს ისეთი დელიკატური ნივთები, როგორიცაა მაქმანი და აბრეშუმის თეთრეული. ასევე ეს სისტემა საშუალებას გვაძლევს სწრაფად  გავაახლოთ ტანსაცმელი: გავასწოროთ არსებული ნაკეცები და მოვაშოროთ არასასიამოვო სუნი.ვერცხლის სტერილიზაციის ფუნქცია. რეალიზებულია SILVER NANO ტექნოლოგიის საფუძველზე, რომელიც შეიმუშავა კომპანია SAMSUNG-მა, ეს პროგრამა დადებითად დამუხტული ვერცხლის იონების დახმარებით უზრუნველყოს 99,9 პროცენტით ბაქტერიების განადგურებას, ამასთან დეზინფიცირების ეფექტი შენარჩუნებულია შენახვისას 30 დღემდე, ხოლო ტანსაცმლის ტარებისას - 3 დღემდე. ამ სისტემის პლიუსია ის, რომ ის ანადგურებს მავნე  მიკრო ორგანიზმებს ქსოვილის დაუზიანებლად.უსაფრთხოება.უპირველეს ყოვლისა ყუდადღება მიაქციეთ, რომ მანქანა აღჭურვილი იყოს გაჟონვის დამცავი სისტემით. იგი არსებობს სრული და ნაწილობრივი. გაჟონვის დამცავი სრული სისტემა ვრცელდება კორპუსზეც და  მილზეც, ხოლო ნაწილობრივი სისტემა ვრცელდება ერთ-ერთ მათგანზე.  მილები გაჟონვის დამცავი სისტემით შესაძლებელია შეიძინოთ ცალკე და გამოყენებულ იქნას ნებისმიერ მანქანაზე. სტარტის გადავადება. სტარტის გადავადება (რეცხვის დაწყების, ან დამთავრების დროის გადავადება) გააჩნია ბევრ სარ. მანქანას. ფუნქცია ხელს გვიწყობს ჩვენთვის მოსახერხებელ დროს გადავიტანოთ რეცხვა.

თუ თქვენ სტატია წაიკითხეთ თქვენ უკვე მზად ხართ ახალი სარეცხი მანქანის შესაძენად ! შეიძინეთ სარეცხი მანქანები ჩვენთან, საუკეთესო ბრენდები დაბალი ფასითა და მაღალი ხარისხით!

>> სარეცხი მანქანის შესაძენად დააჭირეთ ლინკს <<