ნაძვის ხეები 
ბლოგი 
ბრენდები 
ჩვენ შესახებ 
როგორ შევუკვეთო? 
მიწოდება 
პლანშეტურმა კომპიუტერებმა მტკიცედ დაიკავეს თავისი ნიშა ელექტრონულ ბაზარზე და მათი პოპულარობა სულ უფრო იზრდება კომპაქტურობის გამო. პლანშეტების არჩევანი იმდენად დიდია, რომ შეძენის მომენტში შესაძლოა დაიბნეთ კიდეც, თუ რა პარამეტრებით გააკეთოთ არჩევანი.დავიწყოთ იმით, რომ სახელწოდება „პლანშეტური კომპიუტერის“ მიღმა იმალება რამდენიმე ტიპის მოწყობილობა. მათ შორის გავრცელებულია ორი:
პლანშეტური პერსონალური კომპიუტერი
ინტერნეტ პლანშეტი.
პლანშეტური პერსონალური კომპიუტერი - ეს არის სრულფასოვანი პერსონალური კომპიუტერი, მხოლოდ პლანშეტის ფორმ-ფაქტორით. სურვილის შემთხვევაში, მას შეიძლება მიუერთოთ კლავიატურა, მაუსი და გადააქციოთ სრულყოფილ ნოუთბუქად. ასეთ მოწყობილობას გააჩნია აპარატული შეთავსებადობა IBM პერსონალურ კომპიუტერებთან. მათზე შესაძლებელია სრულყოფილი ოპერაციული სისტემების - Windows, Mac OS X ან Linux - ის დაყენება.
ინტერენეტ პლანშეტი - თავისი არსით ნოუთბუქისა და სმარტფონის ჰიბრიდია. იგი გამოირჩევა კომპაქტური ზომებით და ძირითადად ორიენტირებულია ვებ სერფინგისათვის და ვებ პროგრამირებისთვის.ვებ პლანშეტები შეუთავსებელია IBM პერსoნალურ კომპიუტერებთან. მათზე ყენდება მობილური ოპერაციული სისტემები (Google Android, Apple iOS, Windows Mobile და ა.შ), ან სისტემები, რომლებიც ორიენტირებულია ვებ პროგრამირებაზე და ღრუბლოვან სერვისებზე (Google Chrome OS, Jolicloud).
რა თქმა უნდა, პლანშეტურ პერსონალურ კომპიუტერთან შედარებით, ინტერნეტ პლანშეტები ნაკლებად ფუნქციონალურია.მომხმარებელთა უმრავლესობისთვის, პლანშეტური კომპიუტერები ასოცირდება სწორედ ინტერნეტ პლანშეტებთან და არჩევანის გაკეთების დროს სწორედ ინტერნეტ პლანშეტები აქვთ მხედველობაში.პლანშეტური მოწყობილობის ეს ტიპი პოპულარულია კომპაქტური ზომების, დაბალი ფასისა და მარტივი, მოხერხებული სამომხმარებლო ინტერფეისის გამო. იგი ორიენტირებულია ინტერნეტში მუშაობისთვის და გათვლილია ხანგრძლივი დროის განმავლობაში ავტონომიურ მუშაობაზე.
პლანშეტური კომპიუტერის არჩევის დროს, მომხმარებელთა უმრავლესობა ყურადღებას ამახვილებს მის გარეგნულ იერ-სახეზე, მაშინ როცა ყველაზე მთავარი ამ დროს მისი შიგთავსია, პირველ რიგში კი პროცესორი.
პროცესორი - პლანშეტის პროცესორი არ არის ისეთი მძლავრი, როგორიც ჩვეულებრივი პერსონალური კომპიუტერებისა და ნოუთბუქების თუ არ გაქვთ გამიზნული გადატვირთოთ პლანშეტი რამე იმაზე მძიმე სერვისებით, თქვენ სრულიად დაგაკმაყოფილებთ პროცესორი ტაქტური სიხშირთ 800 მგც. (მეტი საიმედოობისთვის, უმჯობესია აირჩიოთ სიხშირით - 1000 მგც).ხოლო თუ გეგმავთ პლანშეტის საშუალებით უყუროთ მაღალი ხარისხის ვიდეოს და ითამაშოთ თამაშები და შეასრულოთ სხვა სერიოზული სამუშაო, საჭიროა პროცესორი სიხშირით 1.5 გგც და ზემოთ.თანამედროვე პროცესორები ძირითადად არსებობს ერთ, ორი და ოთხ ბირთვიანი.თუ გნებავთ მაღალი მწარმოებლობის პლანშეტი, უნდა აირჩიოთ ბიუჯეტური მოდელებისგან განსხვავებით სწრაფი, ორი ან ოთხბირთვიანი მაღალი სიხშირის პროცესორით აღჭურვილი მოდელი.
ოპერაციული სისტემა (პლატფორმა)
ყურადღება უნდა გამახვილდეს იმ ფაქტორზეც, თუ რომელი ოპერაციული სისტემაა დაყენებული პლანშეტზე. აქ ვარიანტები ძირითადად არის სამი სახის:
Google android
Apple Ios
Microsoft Windows
Apple Ios პლიუსები:
- Ios-ს დღეისათვის გააჩნია 850 000-ზე მეტი პროგრამა და თამაში, რომელთა გადმოწერა შესაძლებელია AppStore-ში;
- დაბალი ენერგომოხმარება საშუალებას იძლევა პლანშეტმა იმუშავოს დამუხტვის გარეშე დიდი დროის განმავლობაში;
- გამოირჩევა მაღალი სიჩქარითა და სტაბილური მუშაობით, აგრეთვე ითვლება, რომ Ios-ის ყველაზე ძლიერი მხარე მისი მართვის სიმარტივეშია;
მინუსები:
- კომპიუტერთან მუშაობის დროს აუცილებელია მასზე დაყენებული იყოს პროგრამა iTunes. ფაილების პირდაპირი კოპირება მოწყობილობის მეხსიერებაში არ არის მხარდაჭერილი.
- საჭიროა ზედმეტი თანხების გადახდა სხვადასხვა სასურველი პროგრამების, მუსიკის, თამაშებისა და ფილმების შესაძენად.
- არა აქვს მეხსიერების ბარათის მხარდაჭერა.
- ასეთი პლანშეტები საგრძნობლად ძვირია სხვა ფირმების ანალოგებთან შედარებით.
Google android
მისი მწარმოებელი არა ერთი, არამედ რამდენიმე კომპანიაა (Samsung, Asus, Acer, Nokia და სხვა).
პლიუსები:
ხელმისაწვდომია 800 000-ზე მეტი პროგრამა და თამაში გადმოსაწერად, გუგლის ონალინ მაღაზიის - Google Play - ის საშუალებით; შესაძლებელია პროგრამის ან სერვისის დაყენება, რომელიც გადმოწერილია სხვა ალტერნატიული წყაროდან Google Play-ის გვერდის ავლით.
შესაძლებელია პროგრამის ან სერვისის დაყენება მეხსიერების ბარათიდან, კომპიუტერის ან ნოუთბუქის გამოყენების გარეშე;
ანდროიდის ოპერაციული სისტემის მქონე მოწყობილობა შესაძლებელია მიუერთოთ კომპიუტერს როგორც ჩვეულებრივი დისკი და გადაიტანოთ მონაცემები უბრალო კოპირებით (როგორც ჩვეულებრივ ფლეშ ბარათზე).
მინუსები:
მაღალი ენერგომომხმარება, რის გამოც პლანშეტის აკუმალატორი მალე განიმუხტება;
ოპერაციული სისტემა ანდროიდის განახლება საკმაოდ ხშირად ხდება, რის გამოც ბევრ მსგავს მოწყობილობას სხვადასხვა პროგრამული უზრუნველყოფა გააჩნია. ეს იწვევს პროგრამების შეუთავსებლობას.
Microsoft Windows
პლიუსები:
- მობილური მოწყობილობებისთვის გამოიყენება ოპერაციული სისტემის იგივე ვერსია, რაც ნეთბუქბში - იგივე მენიუ და მუშაობის ლოგიკა;
- ფუნქციონალობა იგივეა, რაც ჩვეულებრივ პერსონალურ კომპიუტერში ან ნოუთბუქში. Windows-ისა და Microsoft Office -ს შეთავსება ყველაზე სრულყოფილი სწორედ ამ პლანშეტებშია.
- შეიძლება მიუერთოთ ნებისმიერი გარე მოწყობილობა - პრინტერი ან კლავიატურა;
- ოპერაციულ სისტემაში ჩამონტაჟებული სათამაშო სერვისი Xbox Live, რომელიც საშუალებას იძლევა ხელმისაწვდომი გახდეს დიდი რაოდენობით თამაშები, შენახული იქნეს ამ თამაშებში მიღწეული პროგრესი და მიღწევები, ითამაშოთ ქსელში მეგობრებთან ერთად და ბევრი სხვა;
მინუსები:
- აკუმულატორის ავტონომიურად მუშაობის მცირე დრო;
- დიდი ზომა და მასა;
არსებობს სხვა ოპერაციული სისტემებიც პლანშეტებისთვის, Windows RT, BlackBerry OS და სხვა, თუმცა მათი რაოდენობა მცირეა და არ არის გავრცელებული.
ეკრანი
პლანშეტების ეკრანის დიაგონალი, ძირითადად მერყეობს 4 დან 11 დიუმამდე. ამ ნიშნით პლანშეტები შეიძლება დავყოთ ორ ნიშნად: დიდები 8-11 -დიუმი და პორტატულები - 5-8 დიუმი. ყველაზე გავრცელებული და პოპულარული ვარიანტია 7 და 10 დიუმი.რაც უფრო მაღალია ეკრანის გარჩევადობა, მით უფრო მაღალ ხარსხში გამოჩნდება ეკრანზე ფილმები, ვიდეო, ფოტოსურათები და ტექსტი.ამიტომ, პლანშეტის შეძენის დროს, ყურადღება მიაქციეთ, რომ ეკრანის სურათი იყოს ნათელი, კონტრასტული, ცოცხალი ფერებით. გარჩევადობა უნდა იყოს მაღალი სხვადასხვა კუთხიდან ფოტოს ან ვიდეოს ყურების დროს.
ეკრანის გაფართოება
ეკრანის გაფართოება ნიშნავს იმ წერტილების რაოდენობას ეკრანის ვერტიკალზე და ჰორიზონტალზე, რომლისგანაც შედგება ეკრანი. მაგალითად - გაფართოება 800X600 ნიშნავს, რომ ჰორიზონტალში პლანშეტის ეკრანზე განთავსდება 600 პიქსელი, ხოლო ვერტიკალში 800 პიქსელი.ძალიან მნიშვნელოვანია ერთმანეთთან ზუსტად იქნეს შეთავსებული ეკრანის გაფართოება და დიაგონალი.
საკომუნიკაციო საშუალებები/ინტერფეისი
ისინი აღჭურვილი უნდა იყოს Wi-Fi და 3G ან 4G ადაპტორებით.
ხოლო გარე მოწყობილობების შესაერთებლად პლანშეტს უნდა ჰქონდეს USB პორტები (სასურველია მინიმუმ 2).
მეხსიერების გაფართოებისთვის პლანშეტს უნდა გააჩნდეს მიკრო SD სლოტი.
არ არის აუცილებელი, მაგრამ მოსახერხებელია, თუ პლანშეტს ექნება: სიმ ბარათის სლოტი, რათა საჭიროების შემთხვევაში იგი გამოიყენოთ როგორც მობილური ტელეფონი.
მეხსიერება
მეხსიერებაში იგულისხმება შიდა მეხსიერება და ოპერატიული მეხსიერება (RAM).ოპერატიული მეხსიერება მოქმედებს პლანშეტის სისწრაფეზე. საკმაოდ ნორმალურია, თუ პლანშეტური კომპიუტერის მეხსიერება იქნება არანაკლებ 1გბ - ისა.რაც შეეხება შიდა მეხსიერებას, იგი განსაზღვრავს, თუ რამდენი ინფორმაციის შენახვაა შესაძლებელი პლანშეტზე. თუმცა პლანშეტების უმრავლესობას გააჩნია მეხსიერების ბარათის სლოტი, რომლის საშუალებითაც მესხიერება შეგიძლიათ გაზარდოთ.
ფოტო და ვიდეო კამერა
პლანშეტების უმრავლესობას გააჩნია ჩამონტაჟებული ფოტო/ვიდეო კამერა, ხოლო ბევრი მათგანი აღჭურვილია ორი კამერით - წინა და უკანა კამერა.არ დაგავიწყდეთ, რომ პლანშეტი არ არის ფოტო აპარატი ან ვიდეო კამერა, რომ მოითხოვოთ მისი ელემენტების მატრიცის მაღალი გარჩევადობა.
კორპუსი
კორპუსი უნდა იყოს მტკიცე, რადგან პლანშეტი განკუთვნილია ტარებისთვის და რეგულარული მოხმარებისთვის.კორპუსის მასალა შეიძლება იყოს პლასტმასი, ალუმინი ან მეტალი.მეტალი უფრო მტკიცეა, არ იკაწრება, არ ჭრიჭინებს და მოდურადაც გამოიყურება. გაითვალისწინეთ, რომ მეტალის კორპუსი უფრო ცუდად იჭერს Wi-Fi - ის ვიდრე პლასტმასისა.ალუმინიც მტკიცეა, ვიზუალურად ლამაზად გამოიყურება. რაც შეეხება პლასტმასს, ის უფრო მსუბუქია და უკეთესად იჭერს Wi-Fi - ის. თუმცა ადვილად იკაწრება და ცვდება.
P.S როგორი მასალაც არ უნდა იყოს კორუსი, პლანშეტისთვის აუცილებელია ჩანთა/შალითა.