ფოტოაპარატის შექმნის დღიდან აქტუალურია კითხვა: რომელი აპარატი იღებს უკეთეს ფოტოებს და რომელი აკმაყოფილებს ჩვენს მოთხოვნებს?ამ სტატიაში წაიკითხავთ ზოგად მიმოხილვას, რაც თქვენ არჩევანის გაკეთებაში დაგეხმარებათ.ინტერნეტ სივრცეში ყველაზე აქტუალური თემების რეიტინგს თუ გადახედავთ, აღმოაჩენთ, რომ ფოტოგრაფია აღნიშნული სიის პირველ ხუთეულშია.როგორ ავირჩიოთ ფოტოაპარატი - საჭირო რჩევები ყიდვის დროსპირველ რიგში, სასურველია, თუ შეიძენთ ცნობილი მწარმოებლის ფოტოაპარატს (Canon, Nikon, Pentax, Olympus, Sony, Fuji, Panasonic, Casio, Samsung და სხვა).

ფოტოაპარატის ტიპები

კომპაქტური  ციფრული  ფოტოაპარატები - ეს არის უმაღლესი ხარისხი და  შესაძლებლობების მაქსიმუმი, მინიატურულ კორპუსში. იმისათვის რომ ავირჩიოთ ციფრული ფოტოაპარატი, უნდა განისაზღვროს ფოტოაპარატის ამოცანები: თანამედროვე ციფრულ ფოტოაპარატებს, შეუძლია იმუშაოს ნებისმიერ პირობებში და ყველა დასახული მიზნების მიღწევაში ეხმარება დამწყებ და პროფესიონალურ ფოტოგრაფს.გარდა იმისა, რომ მოდელები იყოფა ღირებულების მიხედვით, ასევე არსებობს კომპაქტური ციფრული ფოტოაპარატების კლასიფიკაცია მათი ამოცანებისა და მიზნების მიხედვით. მოგზაურობის მოყვარულთათვის საუკეთესო არჩევანია ულტრათხელი მოდელი 15_დან - 20 მმ_მდე. სპორტული ფოტოაპარატი საიმედოდ დაცულია ჰერმეტულად ის აიტანს ტემპერატურულ ცვლილებებს, წყლის წნევას და დაიცავს მტვრისგან. ულტრაზუმს შეუძლია მაქსიმალურად მოიახლოვოს გადასაღები ობიექტი. მოდელის ამოცანების განსაზღვრის შემდეგ უნდა გადავიდეთ  ფოტოაპარატის არჩევის ძირითად პარამეტრებზე.

კომპაქტური კამერები

თუ თქვენ არც ისე კარგად ერკვევით ფოტოკამერებსა და ფოტოს გადაღების პრინციპებში, ხოლო აპარატი გჭირდებათ მხოლოდ და მხოლოდ დაბადების დღეების, კორპორატიული საღამოების, მეგობრების და ოჯახის წევრების გადასაღებად ავტომატურ რეჟიმზე, ამ შემთხვევაში თქვენთვის კომპაქტური ე.წ. "სასაპნე" ფოტოაპარატი სავსებით საკმარისია.მათ,  როგორც წესი, არ აქვთ გადაღების დროს პარამეტრების ცვლილების შესაძლებლობა, თუმცა აქვთ კონკრეტული პროგრამები, რომლებიც ადაპტირებულია ამა თუ იმ სიტუაციისთვის. მაგალითად: პეიზაჟი, პორტრეტი, სპორტი, ბავშვები, ყვავილები, ღამის გადაღება და ა.შ.  ბოლო დროს მსგავს აპარატებში სტანდარტული ფოკუსირების სისტემა მთლიანი ავტოფოკუსირების სისტემით შეიცვალა, ხოლო კორპუსზე განლაგებული ღილაკების ნაცვლად ახლა უკვე სენსორული ეკრანი გვხვდება. ასევე, აქვთ HD ხარისხის ვიდეოს გადაღების შესაძლებლობა, გაფართოებით - 16:9. კამერებს, ამავე დროს, შეუძლია ფოტოს რედაქტირება და სხვადასხვა ეფექტების გამოყენება, მათ შორის - წითელი თვალის ჩახშობის ეფექტი, შავ-თეთრი ფოტოს გადაღების რეჟიმი და სხვა.მათი ყველაზე დიდი პლუსი - ისინი არიან მცირე ზომის და მათი ტარება შეგიძლიათ ყოველთვის, ყველგან. ამავდროულად, მათ შესაძენად გადახდილი თანხა თქვენს ბიუჯეტს საგრძნობლად არ დააზარალებს.

სარკული კამერები

ხშირად ინტერნეტ თუ რეალურ სამყაროში გაიგონებთ ფრაზას - სარკული კამერა, ეს ნიშნავს საუკეთესო გამოსახულებას. თუმცა, საქმე ასე მარტივადაც არ არის. როცა სარკული აპარატი გაქვს და იხდი საკმაოდ დიდ თანხას, შენი მიზანი არ უნდა იყოს "ძვირიანი სათამაშოს" ქონა. შენი ქმედება უნდა გულისხმობდეს, რომ გადაღების რაიმე გამოცდილება გაქვს ან გსურს ამ გამოცდილების მიღება. სხვა შემთხვევაში, შესაძლოა, ძვირიანი სარკული ფოტოაპარატით გადაღებული ფოტოები იმაზე ცუდი გამოვიდეს, ვიდრე ჩვეულებრივი ციფრული ფოტოაპარატით.და მაინც, თუ არ გაკმაყოფილებთ კომპაქტური კამერის შესაძლებლობები და არც ბევრი ფულის გადახდა გადარდებთ, ძალიანაც კარგი, დასაწყისისთვის, ის, რაც ყველამ ვიცით - სარკულ ფოტოაპარატებს ეს სახელი ზუსტად კორპუსში ჩამონტაჟებული სარკის გამო ჰქვიათ. მათ აქვთ სიჩქარის  დაყოვნების, დიაფრაგმისა და ხელით მართვის რეჟიმები, რაც საუკეთესო ტექნიკური შესაძლებლობაა ზუსტად  ისეთი ფოტო მივიღოთ, როგორიც ჩავიფიქრეთ.პირველი, რის გამოც სარკული ფოტოაპარატები გამოირჩევა მაღალი ხარისხის გამოსახულებით, ეს არის მატრიცა. რაც უფრო დიდია მარტიცა, მით უფრო ფართო დინამიურ სპექტრს გვაძლევს.

სპეციალისტთა განმარტებით:

საოჯახო ფოტოაპარატის შეძენის მსურველთათვის კარგი ვარიანტია ფოტოაპარატის ისეთი მოდელები როგორებიცაა: Canon 1200D, Canon 1300D, Canon EOS M3, Nikon D3400, Sony A5100 და Fujifilm X-A2.

აღნიშნული ფოტოაპარატები განკუთვნილია დამწყებთათვის და აბსოლუტურად აკმაყოფილებს საოჯახო ფოტოების გადასაღებად საჭირო მოთხოვნებს.

ექსტრემალებსა და სპორტსმენებს განსხვავებულ პირობებში უწევთ ფოტოების გადაღება და მათთვის სპეციფიური მოდელები იქნება შესაფერისი. მაგალითად: Olympus Tough TG-870, რომელიც გახლავთ წარმოუდგენლად გამძლე და მისი მინიმალური ფასი დაახლოებით 1000 ლარია.

დამწყებ ფოტოგრაფებს სპეციალისტები ურჩევენ ფოტოაპარატების ისეთ მოდელებს, როგორებიცაა:

Canon EOS M5,

Canon EOS M3,

Sony A6000,

Sony A6300,

Sony Alpha 7 Mark II,

Fujifilm X-A2.

მატრიცა

ციფრული ფოტოაპარატების მატრიცები არის ძირითადი ორი  სახის: CCD и CMOS.მატრიცა CCD (Charge-Coupled-Device) - ეს არის სპეციალიზირებული ანალოგური ინტეგრალური მიკროსქემა, რომელიც შესრულებულია შუქმგრძნობიარე ფოტოდიოდების ბაზაზე.CCD მატრიცაში, მონაცემები თითოეული პიქსელიდან ითვლება ცალ-ცალკე.ასეთი ტიპის მატრიცის ერთ-ერთი მთავარი უპირატესობაა ციფრული „შუმის“ დაბალი დონე და მაღალი შუქმგრძნობელობა.ამას გარდა იგი უზრუნველყოფს პიქსელების შევსების მაღალ დონეს, რაც ხარისხიანი სურათის გადარების შესაძლებლობას იძლევა სწრაფად მოძრავ ობიექტზე.CCD მატრიცის ნაკლად შეიძლება ჩაითვალოს საკმაოდ მაღალი ენერგომოხმარება , წარმოების სიძვირე და მაღალი ფასი.მატრიცა CMOS (Complementary - symmetry/Metal - Oxide Semiconstructor) შედგება მმართველი ტრანზისტორებისა და ცალკეული ფოტოელემენტებისგან. CMOS მატრიცაში სიგნალის ათვლა ხდება შუქმგრძნობიარე ფირფიტის ნებისმიერი ადგილიდან.ამ თვისების გამო, მნიშვნელოვნად იზრდება გადაღების სისწრაფე (500 კადრამდე წამში). ამ ტიპის მატრიცის სხვა ძლიერი მხარე - დაბალი ენერგომოხმარება, წარმოების სიმარტივე და დაბალი ფასია.CMOS მატრიცის ნაკლად კი შეიძლება ჩაითვალოს ციფრული „შუმის“ შედარებით მაღალი დონე და სუსტი შუქმგრძნობელობა.

ობიექტივი

ფოტოპარატის  ობიექტივი ნებისმიერი ფოტოაპარატის მნიშვნელოვანი შემადგენელინაწილია. სწორედ მის ხარისხზეა დამოკიდებული მიღებული ფოტოსურათის ხარისხი.დაიმახსოვრეთ, რომ რაც არ უნდა მაღალი მეგაპიქსელები ჰქონდეს ფოტოაპარატს, თუ მას სუსტი აქვს ოპტიკური მონაცემები (ობიექტივის ზომა, ლინზის გამჭვირვალობა, შუქმგრძნობელობა), ვერ მიიღებთ მაღალი ხარისხის ფოტოსურათს.ობიექტივი წარმოადგენს ლინზათა სისტემას, რომლის გავლითაც შუქი ხვდება ფოტოაპარატის მატრიცაზე. ნებისმიერი ფოტოაპარატის ობიექტივს გააჩნია თავისი თვისებები, რომელთაგან უმნიშვნელოვანესია:

ზუმი

ობიექტივის ერთ-ერთ ნიშან-თვისებად ითვლება გამოსახულების გადიდების (მოახლოების) შესაძლებლობა, რომელსაც - ზუმს (Zoom) უწოდებენ.ზუმის ჯერადობა  - ეს მოცემული გადიდების (მოახლოების) ჯერადობაა, ანუ ზუმი 4х - 4 ჯერ მოაახლოებს გადასაღებ ობიექტს ფოტოსურათზე, 12х – 12-ჯერ და ა.შ.ზუმი არსებობს ორი სახის: ოპტიკური და ციფრული.ოპტიკური ზუმი - ეს არის გადასაღები ობიექტის რეალური გადიდება (მოახლოება). ეს ტექნოლოგია რეალიზებულია ფოტოაპარატის ოპტიკის (უფრო ზუსტად მისი ლინზების) შიდა აგებულების ხარჯზე.ზუმის ეს სახეობა გავლენას არ ახდენს ფოტოსურათის ხარისხზე. ანუ, თუ ფოტოაპარატს აქვს 12х ( თორმეტჯერადი) ოპტიკური ზუმი - სურათი გადიდების გარეშეც და 12-ჯერ გადიდების შემთხვევაშიც, შეინარჩუნებს სიმკვეთრეს და არ გაიდღაბნება. იგივე პრინციპი გამოიყენება ბინოკლებშიც.ციფრული ზუმი - ეს უბრალოდ სურათის გაწელვაა ეკრანის ცენტრიდან კიდეებისკენ.იმის გამო, რომ არ ხდება გადასაღები ობიექტის რეალური მოახლოება, ციფრული ზუმის გადიდების ყოველ ნაბიჯზე, ხდება გადაღებული სურათის ხარისხის შემცირება.იმისათვის, რომ მარტივად გაიგოთ და იხილოთ როგორ ხდება ციფრული გადიდება, გახსენით კომპიუტერის ეკრანზე ნებისმიერი სურათი და რამოდენიმეჯერ გაადიდეთ იგი, სანამ გამოსახულებაზე არ გაჩნდება კვადრატები. ასევე მუშაობს ციფრული ზუმიც.

გამოსახულების სტაბილიზატორი

გამოსახულების სტაბილიზატორი არის მექანიზმი, რომლის საშუალებითაც ხდება ფოტოაპარატის ვიბრაციის კომპენსირება სურათის გადაღების დროს.ამ თვისების საშუალებით, სტაბილიზატორი საშუალებას იძლევა სურათის გადაღების მომენტში ხელის აკანკალების შემთხვევაში, ან ცუდი განათების პირობებში, მაქსიმალურად შეინარჩუნოს ფოტოსურათის ხარისხი.სტაბილიზატორი, ისევე, როგორც ზუმი, არის ორგვარი: ოპტიკური და ციფრული.ოპტიკური სტაბილიზატორი - მცირე ვიბრაცია კომპენსირდება ობიექტივის შიგნით ლინზების მექანიკური გადაადგილებით.ოპტიკური სტაბილიზატორი საიმედოა და შესანიშნავად უმკლავდება ვიბრაციას, თუმცა მისი კონსტრუქციის თავისებურების გამო ფოტოაპარატის ზომები რამდენადმე დიდია. შედარებით მაღალია მისი ფასიც.

ციფრული სტაბილიზატორი - ვიბრაციის კომპენსირება ხდება ფოტოაპარატის მატრიცის მაქსიმალური გაფართოების ხარჯზე.ეს ტექნოლოგია შედარებით იაფია, თუმცა სტაბილიზაცისს ხარისხიც რამდენადმე დაბალია. ამიტომ ციფრული სტაბილიზაციის გამოყენება ხდება ბიუჯეტური კლასის კომპაქტურ მოდელებზე.

ვიდეო

ყველა თანამედროვე ფოტოაპარატს შეუძლია გადაიღოს ვიდეო. გადაღებული ვიდეორგოლების ხარისხი კი განისაზღვრება ვიდეოს გაფართოებითა და კადრების სიხშირით, რომელსაც უზრუნველყოფს ფოტოაპარატი მოცემულ გაფართოებაზე.ვიდეოს გაფართოება მერყეობს 320х240 - დან FullHD (1920х1080) - მდე.რაც უფრო მაღალია გაფართოება, მით უფრო მკვეთრი და დეტალური ვიდეო გამოსახულების მიღებაა შესაძლებელი გადაღების

ISO

ISO - მატრიცა მგრძნობელობის ერთეულია. რაც უფრო მეტია მგრძნობელობა, მით უფრო დაბალი განათების პირობებში შეიძლება ხარისხიანი სურათის გადაღება.მატრიცის მგრძნობელობა სხვადასხვა ფოტოაპარატებში მერყეობს - 40 - დან 7000 ერთეულამდე.თუმცა, თანამედროვე ციფრულ ფოტოაპარატებში მგრძნობელობის ზედმეტად გაზრდა იწვევს ციფრული შუმის გაზრდას (კადრის სისუფთავის შემცირება). ამიტომ, მაღალი კლასის ფოტოაპარატებში ISO-ს ავტომატური მართვაა შესაძლებელი.უფრო დაბალი კლასის აპარატებზე ციფრული შუმი შესამჩნევია.

აკუმულატორი

ფოტოაპარატებში გამოიყენება ორი სახის აკუმულატორი:

• საფირმო, ინტეგრირებული ბატარეა - რომელიც იმუხტება სპეციალური დასამუხტი საშუალებით (მოჰყვება კომპლექტში ფოტოაპარატს)

• პატარა ААА ტიპის ელემენტები (როგორც წესი აპარატში თავსდება ერთი, ორი ან ოთხი ასეთი ელემენტი).

საფირმო აკუმულატორი ინტეგრირებულია ფოტოაპარატში და როგორც წესი, ერთი დამუხტვით საშუალებას იძლევა გაცილებით დიდი ხნის განმავლობაში გადაიღოს სურათები, ვიდრე აპარატში ჩასადებმა ელემენტებმა.ამასთან, ინტეგრირებული აკუმულატორის შემთხვევაში ფოტოაპარატის გაბარიტები უფრო მცირეა, რაც მოსახერხებელია მგზავრობის დროს, რადგან აპარატი იკავებს უფრო მცირე ადგილს.თუმცა ასეთ აკუმულატორს აქვს მინუსიც - მას მუდმივად სჭირდება აკუმულატორის დამუხტვის დონის კონტროლი, რათა ყველაზე საჭირო მომენტში არ დარჩეთ სურათის გადასაღებად მზადმყოფი აპარატის გარეშე.ამ შემთხვევაში, განსაკუთრებით მოსახერხებელია ფოტოაპარატი ААА ტიპის ელემენტებით, როცა გეგმავთ გრძელვადიან მოგზაურობას ბუნებაში, სადაც არ არის ხელმისაწვდომი დენის წყარო. ამ დროს თან წაიღებთ ელემენტების გარკვეულ მარაგს, რომელიც იყიდება ნებისმიერ მარკეტში მიზერულ ფასად.

დამატებითი ფუნქციები

დამატებითი ფუნქციები მათთვის, ვინც ფეხდაფეხ მიჰყვება მობილური ელექტრონიკის მიღწევებს და სურს ისარგებლოს სიხლეებითა და ნოვაციით, ურიგო არ იქნება, თუ გადახედავს ფოტოაპარატის დამატებით შესაძლებლობებს.ფოტოაპარატს შესაძლოა გააჩნდეს შემდეგი დამატებით ფუნქციები:

Wi-Fi - რომელიც საშუალებას იძლევა ყოვლეგვარი სადენების გრეშე გადაიტანოთ ფოტოსურათები ფოტოაპარატიდან კომპიუტერში.

GPS - ინტეგრირებული GPS მოდული ავტომატურად აღნიშნავს ყოველ გადაღებულ ფოტოსურათზე გადაღების ადგილის კოორდინატებს და სურათების დათვალიერებისას შეგეძლებათ იხილოთ თუ რომელ ქალაქში ან ქვეყანაშია გადაღებული ფოტო.

HDMI - აუდიო-ვიდეო პორტი რომლის საშუალებითაც შეგიძლიათ  სურათებისა და ვიდეოების დათვალიერება ტელევიზორზე ან მონიტორზე

თუ თქვენ სტატია წაიკითხეთ თქვენ უკვე მზად ხართ ახალი ფოტოაპარატის შესაძენად !

შეიძინეთ ფოტოაპარატები  ჩვენთან, საუკეთესო ბრენდები დაბალი ფასითა და მაღალი ხარისხით! 

>> ფოტოაპარატის შესაძენად დააჭირეთ ლინკს <<