• არსებობს 2 ტიპის გამათბობლები: 

• ელექტრო 

• ბუნებრივი აირის 

• ელექტრო გამათბობელი 
• არის სხვადასხვა სახის.  

• ზეთის რადიატორი - მათი კონსტრუქცია მარტივია. მისი კორპუსი დაყოფილია სექციებად და გავსებულია მინერალური ზეთით. ძირითადად ის აღჭურვილია ორი გამაცხელებელი ელემენტით. ელექტრული გამათბობლისგან გამთბარი ზეთი გასცემს სითბოს გამათბობლის კორპუსზე, მისგან კი თბება გარშემო ჰაერი, შემდეგ ეს თბილი ჰაერი მიიწევს ზემოთ და ვრცელდება მთელ ოთახში. მის ადგილს გამათბობელთან იკავებს ცივი ჰაერი და ყველაფერი მეორდება. 

•  ელექტრო გამათბობელი კონვექტორით, თბოვენტილატორი - ფართოდ არის გავრცელებული კედელზე დასაკიდი და იატაკის ელექტრო გამათბობელი, რომელსაც შეიძლება გააჩნდეს ვენტილატორი. კედელზე დასაკიდი ელექტრო გამათბობელი ძირითადად მონტაჟდება ფანჯრის რაფის ქვემოთ. კონვექტორის საშუალებით ძლიერდება თბილი ჰაერის დაბერვა, ქვედა ნაწილში არსებული ხვრელებიდან შესული ცივი ჰაერი თბება გამაცხელებელი ელემენტის  საშუალებით. თბოვენტილატორის დადებით მხარეს წარმოადგენს არა მარტო მისი კომპაქტურობა, არამედ ისიც რომ ის შეგიძლიათ გამოიყენოთ როგორც ჰაერის ვენტილატორი (თუ გამოვრთავთ გამაცხელებელ ელემენტს). 

• პლაზმური გამათბობელი და ა.შ. 

• ბუნებრივი აირის გამათბობელი 

გაზის გამათბობელის არჩევისას, გარდა მისი სიმძლავრისა, უნდა გაითვალისწონოთ, რომ მისი დამონტაჟების წერტილამდე უნდა იყოს გაზის მილის მიყვანის შესაძლებლობა და ჰაერგამწოვი მილის დამონტაჟების საშუალება. იგი ძალიან ეკონომიურია და შეუძლია დიდი ფართის გათბობა. მუშაობს ავტომატურ რეჟიმში, ტემპერატურა შეიძლება შეიცვალოს 13-დან 38 გრადუსამდე. მეტალის კორპუსის ტემპერატურა 600–ზე მეტს არ სცდება, ამიტომ არის ბავშვებისთვის უსაფრთხო. ასეთ გამათბობელს გარედან შემოაქვს ჰაერი წვის პროცესისთვის და ნამწვი მთლიანად გააქვს გარეთ. კონვერტორი  მითითებული ტემპერატურის მიღწევის შემდეგ, გაზის მიწოდება მცირდება, რაც ძალიან ეკონომიურია. თუ გაზის წნევა უცებ დაეცა, ან გაითიშა, მოწყობილობა ავტომატურად ითიშება  

გამათბობლის სიმძლავრე 

გამათბობლის შერჩევისას ყურადღება მიაქციეთ მის სიმძლავრეს. რაც უფრო მეტია სიმძლავრე როგორც გაზის, ასევე ელექტრო გამათბობლის, მით უფრო დიდ ფართობს გაათბობს იგი. 

ბუნებრივი აირის გამათბობლის სიმძლავრე ძირითადად 5 კილოვატამდეა, ხოლო ელექტრო გამათბობლის - 3 კილოვატამდე. საშუალოდ, სტანდარტულ პირობებში 0,7-1 კვტ. სიმძლავრის გამათბობელი საკმარისია 10 მ2. ფართობის გასათბობად (ჭერის სიმაღლე-2,5-2,7 მ). გასათვალისწინებელია ასევე სხვადასხვა პირობები, მაგ: დიდი, ნაკლებად ჰერმეტული ფანჯრების შემთხვევაში უნდა შეარჩიოთ უფრო მეტი სიმძლავრის გამათბობელი. 

როგორც წესი, თანამედროვე გამათბობელს გააჩნია სიმძლავრის რეგულატორი, რომლის საშუალებითაც შეიძლება სასურველი რეჟიმის შერჩევა. რეგულირება შეიძლება იყოს როგორც რბილი, ასევე საფეხურებრივი 

სხვადასხვა დამატებითი ფუნქციის არსებობა, მის მოხმარებას უფრო მოხერხებულს ხდის, ზრდის მის მარგი ქმედების კოეფიციენტს (მქკ). არსებობს რადიატორები, მათშივე ჩადგმული ვენტილატორებით. ვენტილატორი ზრდის თბილი ჰაერის გავრცელების სისწრაფეს ოთახში - აჩქარებს მის გათბობას. 

 უსაფრთხოების ნორმები 

• დაუშვებელია გაზით მომუშავე ყველა სახეობის გამათბობელისა და წყალგამაცხელებელ ხელსაწყოთა მონტაჟი და ექსპლუატაცია, რომლებიც წვისათვის საჭირო ჰაერს სათავსოდან იღებენ, წვის პროდუქტი კი კვამლსადენების მეშვეობით არ გაიწოვება.  

• არ გამოიყენოთ გაზის გამათბობლები, თუ მასზე არ არის დამონტაჟებული ჩამკეტი მოწყობილობა და სათავსოში არ არის საკვამლე-სავენტილაციო არხები. 

• აუცილებლად დაამონტაჟებინეთ სპეციალისტს და ნუ გააკეთებთ ამას თავად. შემდეგ კი წელიწადში ერთხელ პროფილაქტიკის მიზნით შეამოწმეთ. 

თუ თქვენ სტატია წაიკითხეთ თქვენ უკვე მზად ხართ ახალი ზეთის გამათბობლის შესაძენად ! შეიძინეთ ზეთის გამათბობლები ჩვენთან, საუკეთესო ბრენდები დაბალი ფასითა და მაღალი ხარისხით!

>> ზეთის გამათბობლის შესაძენად დააჭირეთ ლინკს <<