რეცეპტის ინგრედიენტები

1   თავი საშუალო ყვავილოვანი კომბოსტო

3   ცალი ბულგარული წიწაკა

1   კონა სალათის ფურცლები

1   თავი საშუალო ხახვი

1   კონა ოხრახუში

ლიმონი

ზეითუნის ზეთი

პილპილი და მარილი გემოვნებით

რეცეპტის მომზადების საფეხურები:

1.ყვავილოვანი კომბოსტო პატარ-პატარა ნაჭრებად გავაცალკევოთ და გამზადებულ მდუღარე წყალში ჩავყაროთ. წამოვადუღოთ 2 წუთით. შემდეგ გადავწუროთ, სანამ კარგად არ დაიწურება.

2.ამასობაში დავჭრათ ჩვენი ლამაზი სხვადასხვა ფერის ბულგარულები. მე მაგალითად ვიყენებ წითელს, მწვანეს და ყვითელ ბულგარულს, თან სალათსაც ალამაზებს.

3.შემდეგ დავჭრათ ხახვი, მწვანილი, სალათის ფურცლები და მოვაყაროთ გაწურული, გამზადებული კომბოსტო. გემოვნებით მოვაყაროთ მარილი და პილპილი. მოვასხუროთ დაახლოებით პატარა ან ნახევარი ლიმონის წვენი. მოვასხათ ზეითუნის ზეთი, თქვენ რამდენიც გნებავთ. ეს ყველაფერი ერთმანეთში კარგად ავურიოთ და სალათიც მზადაა. იმედია მოგეწონებათ. გემრიელად მიირთვით!

საჭირო პროდუქცია ჩვენი ინტერნეტ მაღაზიიდან:

• სამზარეულო ჭურჭელი