რეცეპტის ინგრედიენტები

2   ფენა გაყინული ფენოვანი ცომი

1   ცალი მსუბუქად ათქვეფილი კვერცხი

16   ცალი მჭლე საქონლის ხორცის სოსისი

2   ჩ/კ ზეითუნის ზეთი

1   თავი პატარა წვრილად დაჭრილი ხახვი

2   კბილი დაჭყლეტილი ნიორი

1   ქილა წვრილად დაჭრილი პომიდორი

1   ს/კ ვუსტერის სოუსი

1   ჩ/კ მდოგვი დიჟონი

1   ჩ/კ შაქარი

1   ს/კ ტრადიციული სოუსის ფხვნილი

სალათის ფურცლები მოსართავად

რეცეპტის მომზადების საფეხურები

1.წინასწარ გააცხელეთ ღუმელი 200°C-მდე. დიდ საცხობ ლანგარზე დააფინეთ პერგამენტის ქაღალდი (კალკა).

2.დაყავით თითოეული ცომის ნაჭერი 9 კვადრატად. მოათავსეთ ერთი კვადრატი ბრტყელ ზედაპირზე. ერთ კიდეზე მოუსვით კვერცხი. დაადეთ ერთი სოსისი. გადაახვიეთ სოსისი ცომში და კვერცხმოსმული მხარე მოაქციეთ ზემოთ. დააწექით რომ კარგად დამაგრდეს. გახსნილი ბოლოთი მოათავსეთ ლანგარზე. გაიმეორეთ იგივე დარჩენილი ცომის, კვერცხის და სოსისის შემთხვევაშიც. დარჩენილი ზედმეტი ცომი შეგიძლიათ აღარ გამოიყენოთ. თავზე წაუსვით კვერცხი. ჩაჩხვლიტეთ ჩანგლით. შეაზავეთ პილპილით.

3.აცხვეთ 20–25 წუთით, სანამ სოსისები არ შეიწვება და ცომი ოქროსფრად არ შეიფერება.

4.ამასობაში, საშუალოზე მაღალ ტემპერატურაზე გააცხელეთ ტაფაზე ზეითუნის ზეთი. დაამატეთ ხახვი. თუშეთ, დროდადრო 5 წუთით ურიეთ, დარბილებამდე. დაუმატეთ ნიორი, თუშეთ და ურიეთ ორიოდე წუთი, სანამ გამჭვირვალე არ გახდება. დაუმატეთ პომიდორი, სოუსი, მდოგვი, შაქარი, სოუსის ფხვნილი. წამოადუღეთ, დროდადრო ურიეთ. შეამცირეთ ტემპერატურა. ხარშეთ დაბალ ტემპერატურაზე 10 წუთით შესქელებამდე.

5.მიირთვით სოსისის ხვეულები სოუსთან და სალათის ფურცლებთან ერთად.

საჭირო პროდუქცია ჩვენი ინტერნეტ მაღაზიიდან:

• ღუმელი