რეცეპტის ინგრედიენტები

3   ცალი დიდი კვერცხი

115   გრამი ნუშის ფქვილი

115   გრამი ნამცხვრის ფქვილი

2   ჩ/კ საცხობი ფხვნილი

2   ს/კ შაქარი

1   ცალი ფორთოხლის გახეხილი კანი*

230   მლ. რძე

3   ს/კ გამდნარი უმარილო კარაქი

2   ჩ/კ ვანილის ექსტრაქტი

¹⁄₂  ჩ/კ მარილი

კარაქი შესაწვავად

³⁄₄  ჭიქა ნეკერჩხლის სიროფი

¹⁄₃  ჭიქა გაყინული მოცვი

რეცეპტის მომზადების საფეხურები

1.დააცალკევეთ კვერცხის ცილა და გული. თუ დრო გაქვთ ცილა და გულები შეათბეთ – თასებში მოათავსეთ და თბილ წყალში ჩადეთ.

2.აურიეთ ფქვილი და საცხობი ფხვნილი. ჩაცერით ჯამში. შესაძლოა, ნუშის ფქვილის ნაწილი საცერზე დარჩეს, თითით გასრისეთ ფქვილის პატარ–პატარა გროვები და ჯამში დაამატეთ. შეურიეთ შაქარი. *სურვილისამებრ, დაუმატეთ ფორთოხლის გახეხილი კანი.

3.თუ დრო გაქვთ, მიქსერით კვერცხის გულები 3 წუთით, გაღიავებამდე თქვიფეთ. თუ ამ ეტაპს გამოტოვებთ, ბლინები მაინც ძალიან გემრიელი გამოვა.

4.ათქვიფეთ კვერცხის გულები, რძე და კარაქი. დაუმატეთ ვანილი.

5.მშრალ ინგრედიენტებში გააკეთეთ ჩაღრმავება და შემდეგ დაუმატეთ სველი ინგრედიენტები (ცილის გარდა). თქვიფეთ კარად შერევამდე.

6.ცილას დაუმატეთ მარილი და სუფთა თასში მარილთან ერთად გამყარებამდე თქვიფეთ. უნდა გამოვიდეს ტენიანი და არა მშრალი მასა.

7.ცილა ცომის თასში გადაიტანეთ და კოვზის დახმარებით ბოლომდე კარგად შეურიეთ.

8.საშუალოზე დაბალ ტემპერატურაზე გააცხელეთ ტაფა , დაამატეთ კარაქი და მთელ ძირზე გადაანაწილეთ. შეამოწმეთ არის თუ არა ტაფა საკმარისად ცხელი. რამდენიმე წყლის წვეთი ტაფაზე დააშხეფეთ, თუ წყალი აშიშხინდება, ტაფა საკმარისად ცხელია.

9.კოვზის დახმარებით ცომი ცხიმმოსმულ ტაფაზე გადაიტანეთ და ბლინის ფორმა მიეცით. აკონტროლეთ ტემპერატურა რომ ბლინი არ დაგეწვათ. წვით ჯერ ერთ მხარეზე, სანამ ზედაპირი არ გადაშრება და ბუშტუკები არ გასკდება, გადმოაბრუნეთ და წვით მეორე მხარეს. გემრიელად მიირთვით!

მოსართავად გამოიყენეთ ერთ ჭიქამდე ნეკერჩხლის სიროფი და მესამედი ჭიქა გაყინული მოცვი. შეათბეთ ერთად სქელ ტაფაზე და მოასხით ცხელ ბლინებს.

საჭირო პროდუქცია ჩვენი ინტერნეტ მაღაზიიდან:

• ტაფა
• მიქსერი