რეცეპტის ინგრედიენტები

2   ცალი წითელი წიწაკა

¹⁄₂  თავი წითელი ხახვი

1   ცალი ჯანჯაფილი (კოჭა)

5   ცალი დანაყილი ნივრის კბილი

1   ჩ/კ დაფქული ქინძი

2   ჩ/კ დაფქული ძირა

¹⁄₂  ჩ/კ კურკუმა

70   გრამი ნუშის ფანტელები

მწიკვი კაიენის წიწაკა

1   ს/კ მზესუმზირის ზეთი

8   ცალი ქათმის ბარკლის ფილე

300   მლ. ქათმის ბულიონი

¹⁄₂  ცალი ლიმონის წვენი

მარილი და პილპილი

ახალი ქინძი, დაკეპილი

რეცეპტის მომზადების საფეხურები

1.მოათავსეთ სამზარეულოს კომბაინში წიწაკის პასტის ყველა ინგრედიენტი: თესლგაცლილი და დაკეპილი წითელი წიწაკა, მსხვილად დაჭრილი წითელი ხახვი, დაკეპილი ჯანჯაფილი (კოჭა) , დანაყილი ნიორი, დაფქული ქინძი, დაფქული ძირა, კურკუმა, ნუშის ფანტელები, კაიენის წიწაკა(თუ მეტად ცხარე გნებავთ, დაუმატეთ გამხმარი ჩილის ფანტელები, წითელი ჩილი, შებოლილი პაპრიკა) მოაყარეთ მწიკვი მარილი და დღვიბეთ ერთგვაროვანი მასის მიღებამდე.

2.კარგად გააცხელეთ ზეთი დიდ, სქელძირიან ტაფაზე. დაასხით მასზე მიღებული მასა და გააჩერეთ საშუალო ცეცხლზე 10 წუთით. დროდადრო მოურიეთ.

3.დაამატეთ 2 ან 3 ნაჭრად გაჭრილი ქათმის ბარკლის ფილე, კარგად შეაზავეთ სანელებლებით და გააჩერეთ კიდევ 10 წუთით, დროდადრო ხორცი გადააბრუნეთ. დაამატეთ იმდენი ბულიონი, რომ სოუსი არ გათხელდეს, და მიიყვანეთ დუღილამდე. შემდეგ ტემპერატურა მინიმუმამდე შეამცირეთ და დაუფარებლად კიდევ 15 წუთით გააჩერეთ ცეცხლზე.

4დასასრულს, დაამატეთ ლიმონის ნაჭერი, მოაყარეთ ქინძი და გასინჯეთ, კარგად არის თუ არა შეზავებული სუნელებით. გემრიელად მიირთვით მოხარშულ ბრინჯთან ერთად.

საჭირო პროდუქცია ჩვენი ინტერნეტ მაღაზიიდან:

• კომბაინი
• ტაფა