უგემრიელესი ლიმონის ტარტი იტალიური მერინგით

საოცარი ტარტის მოსამზადებლად დაგჭირდებათ შემდეგი იგრედიენტები:

•    3 კვერცხი
•    5 კოვზი შაქარი
•    125 გრ კარაქი
•    ლიმონის ცედრა
•    ლიმნის წვენი
ტარტის ცომისთვის  საჭიროა:
•    65 გრ კარაქი
•    1 კვერცხი
•    15 გრ შაქრის პუდრა
•    125 გრ ფქვილი
იტალიური მერიგნასთისთვის მოიმარაგეთ:
•    3 კვერცხის ცილა
•    175 შაქარი
•    50 მლ წყალი
•    5 მლ ლიმნის წვენი

მაცივრიდან წინასწარ გამოღებულ ოთახის ტემპერატურის ან მიკროტალღურ ღუმელში გამდნარ კარაქს დავუმატოთ ფქვილი, შაქრის პუდრი და კარგად გავთქვიფოთ მიქსერის საშუალებით მყარი მასის მიღებამდე.  დავუმატოთ კვერცხი და ვურიოთ მანამ სანამ არ მივიღებთ შეკრულ, მსუბუქ მასას. მალევე გადავახვიოთ პარკში და დავასვენოთ მაცივარში 30 წუთის განმავლობაში. დროს გავლის შემდგომ მოვათავსოთ საცხობ ფორმაზე და გამოვაცხოთ 20-25 წთ 180 ℃-ზე

მანამ სანამ ცომი ცხვება, ლიმნის წვენს დავუმატოთ ლაიმის ცედრა, შაქარი , კვერცხი და ვურიოთ მანამ სანამ არ მივიღებთ ერთიან კონსისტენციას. დავადგათ დაბალ ცეცხლზე დაახლოებით 40℃-ზე  მასის გასქელებამდე. შემდეგ ეტაპზე დავუმატოთ უმარილო კარაქი და მოვურიოთ მიქსერის საშუალებით. მასა დავასვენოთ მაცივარში 20-25 წუთის განმავლობაში. დროის გასვლის შემდგომ კი მოვათავსოთ უკვე გამომცხვარ ტარტის ცომს

შემდეგ ეტაპს წარმოადგენს უგემრიელესი იტალიური მირინგის მომზადება, რომელიც საბოლოო შტრიხს შეიტანს და საოცარ არომატს შესძენს ტარტს. შაქარი, ლიმნის წვენი და წყალი ვადუღოთ 118℃ 5 წუთის განმავლობაში. ცალკე ავთქვიფოთ კვერცხის ცილა და უკვე მომზადებული სიროპი ნელა დავუმატოთ მორევის პირობებში, რაშიც სამზარეულოს კომბაინი დაგეხმარებათ. რამდენიმე წუთში მერინგა მზადაა და შეგვიძლია მოვრთოთ ჩვენი ტარტი სურვილისამებრ.

იმისათვის რომ მეტად მიმზიდველად გამოიყურებოდეს მოაყარეთ ლიმონის ცედრა და მიირთვით გემრიელად.