რა საჭიროა სახლში ყავის საფქვავი მაშინ როცა ბევრი ადამიანი ხსნად ყავას მიირთმევს და შესაძლებელია ნებისმიერი მარკის, კარგად შეფუთული და საკმაოდ მაღალი ხარისხის დაფქვილი ყავის შეძენა. ნამდვილი ყავა მხოლოდ უშუალოდ მოდუღების  წინ უნდა დაიფქვას, რათა შენარჩუნებული იქნას მისი განუმეორებელი თვისებები. ამისთვის კი ხარისხიანი ყავის საფქვავია საჭირო.ძირითადად განასხვავებენ ოთხი ტიპის ყავის საფქვავს:

როტაციული ყავის საფქვავი - დანისებრი ტიპის დამაქუცმაცებლებით;

დოლაბიანი  ყავის  საფქვავი - დოლაბის ტიპის დამაქუცმაცებლებით;

პროფესიონალური ყავის საფქვავი - დოლაბის 2 ტიპის დამაქუცმაცებლით;

ხელის საფქვავი - დოლაბიანი დამაქუცმაცებლით;

როტაციული ყავის საფქვავი

მისი კონსტრუქცია წარმოადგენს პლასტმასის ან მეტალის კორპუსს, რომელშიც იმალება  ძრავი. ზედა ნაწილში განთავსებულია ყავის მარცვლების ჩასაყრელი კონტეინერი, რომლის ფსკერზე ბრუნავს როტაციული დანა. კონტეინერი დახურულია (უმრავლეს შემთხვევაში გამჭვირვალე) ხუფით. მჭრელი დანები მაღალი სიჩქარით ბრუნავენ წრეზე და აქუცმაცებენ ყავის მარცვლებს. აუცილებელია დაფქვის ხარისხის რეგულირება იმის მიხედვით, თუ როგორი ყავის მომზადება გსურთ,რადგან თურქული ყავის მომზადებას სხვა ხარისხი სჭირდება”,ესპრესოს ”მომზადებას სხვა. დაფქვის ხარისხი დამოკიდებულია ყავის საფქვავის სიმძლავრეზე და  რეგულირდება მხოლოდ პროცედურის ხანგრძლივობით, ანუ რაც უფრო დიდხანს იმუშავებს საფქვავი, მით უფრო წვრილად დაიფქვება ყავა.

კონტეინერის მოცულობა

კონტეინერის მოცულობა საყოფაცხოვრებო როტაციულ ყავის საფქვავებში  30-დან 120 გრამამდეა. ერთი პორცია ყავის დასამზადებლად საჭიროა მხოლოდ 7-8 გრამი. ასეთ საფქვავებს არ გააჩნიათ დოზატორი და ის ვერ შეძლებს დაფქვისთვის საჭირო მარცვალის დოზირება მოახდინოს, რადგან მას მხოლოდ ერთი ჭურჭელი გააჩნია. თუ დაფქვული ყავა საფქვავში  ნახევარ საათზე მეტი დარჩება, ეს იგივეა, რაც გეყიდათ  უკვე დაფასოებული ყავა.

სიმძლავრე

ყავის საფქვავის სიმძლავრე მისი მუშაობის სიჩქარის პირდაპირპროპორციულია. რაც უფრო დიდია კონტეინერი, მით მეტი სიმძლავრეა საჭირო. ასეთი საფქვავების სიმძლავრე მერყეობს 80-დან 270 ვატამდე. უნდა ავღნიშნოთ, რომ არ არის აუცილებელი ყველაზე დიდი სიმძლავრის ყავის საფქვავის შეძენა, რადგან დიდი სიმძლავრის დროს დაფქვილი ყავა არა მარტო ცხელდება, არამედ შეიძლება დანახშირდეს კიდეც, რაც მას  მწარე გემოს მისცემს. სიმძლავრის ოპტიმალურ ვარიანტად ასეთ საფქვავებში 160-180 ვატი ითვლება.

კორპუსი და დამაქუცმაცებელი დანა

მნიშვნელოვანია თუ რა მასალისგან არის დამზადებული ყავის საფქვავი, რადგან ეს პირდაპირაა დაკავშირებული მის გამძლეობასთან. ბევრი მოდელი პლასტმასისაა, თუმცა გაცილებით მტკიცეა  ალუმინისა და უჟანგავი ფოლადის მასალებისგან დამზადებული ყავის საფქვავები. რაც შეეხება დანებს, ისინი ყველა უჟანგავი ფოლადისგანაა დამზადებული,თუმცა  სხვადასხვა მოდელებში შესაძლოა განსხვავებული იყოს. არსებობს მოდელი, რომელსაც ორმაგი დანები გააჩნია. ზოგიერთ მოდელში დაფქვის ინტენსიურობის გაზრდის მიზნით დანებს სპეციალური დახრა გააჩნიათ ჭურჭლის ფსკერისკენ.

უსაფრთხოება

ზოგიერთი მოდელი აღჭურვილია გადახურებისგან დაცვის ფუნქციით, აპარატი ავტომატურად გამოირთვება მოტორის ზედმეტად გადახურების შემთხვევაში.როტაციულ ყავის საფქვავებში დანა გარეთ რჩება, თუმცა თანამედროვე საფქვავებს გააჩნიათ ფუნქცია, რომელიც ბლოკავს მუშაობას ხუფის დახურვის გარეშე. P.S  არ შეიძლება ყავის საფქვავის გამოყენება სხვა პროდუქტების დასაფქვავად. კონტეინერი რთული გასარეცხია, ამიტომ ის აუცილებლად მიიღებს იმ პროდუქტის სუნს, რომელსაც გამოიყენებთ, ეს კი ყავის არომატზე იმოქმედებს.

როტაციული ყავის საფქვავი მანქანების მინუსებია:

  • ადვილად შეიძლება გატყდეს გამჭვირვალე ხუფი და სხვა პლასტმასის ნაწილები;
  • არ გააჩნია დოზატორი;
  • უმრავლესობას მოდელებისა გააჩნია მხოლოდ ერთი კონტეინერი..
  • აუცილებლად თქვენ თვითონ უნდა აკონტროლოთ დაქუცმაცების ხარისხი;
  • ყველაზე მთავარი მინუსი არის დაფქვილი ყავის ნაწილაკების სხვადასხვა ზომა, თუ ყავას შემდეგ ჯეზვეში ადუღებთ, ამას მნიშვნელობა არა აქვს, მაგრამ თუ მას ელექტრო ყავის მადუღარას იყენებთ უმჯობესია დაფქვული ყავის ნაწილაკები ერთი ზომის იყოს. 

დოლაბიანი ყავის საფქვავი

ასეთი ტიპის საფქვავის კონსტრუქცია შედგება ორი ცილინდრული ან კონუსური მეტალის დისკისაგან, რომელიც უჟანგავი ფოლადისგანაა დამზადებული.თავისი არსით ის ელექტრო წისქვილს წარმოადგენს. დოლაბიანი საფქვავები როტაციულისაგან განსხვავებით იდეალურად არეგულირებს დაფქვის ხარისხს და თანაბრად ფქვავს ყავის მარცვალს. ეს აუცილებელია როცა თქვენ ”ესპრესოს”, ”კაპუჩინოს” ან  ”მოკოს”  მომზადება გსურთ.

დაფქვის რეჟიმები დოლაბიანი საფქვავების გამოყენება  საშუალებას იძლევა მიიღოთ ყავის მარცვლის დაფქვისას ის ხარისხი, რომელიც თქვენთვის აუცილებელია. რეგულირება ხდება ავტომატიკის დახმარებით. თანამედროვე დოლაბიან ყავის საფქვავებს გააჩნიათ დაფქვის 5-15 რეჟიმი. თითოეულ რეჟიმს შეუძლია მიიღოს განსაზღვრული ზომის ყავის ნაწილაკები, რამდენი ხანიც არ უნდა იმუშაოს საფქვავმა და რამდენიც არ უნდა იტრიალოს დოლაბებმა - ნაწილაკების ზომა არ შეიცვლება.

არსებობს ტაიმერით აღჭურვილი საფქვავები.მათი მეშვეობით  შეიძლება ნაფქვავის ხარისხის და  დაფქვილი ყავის რაოდენობის რეგულირება.პრაქტიკულად ყველა დოლაბიანი საფქვავს ჩამონტაჟებული აქვს დოზატორი, მისი საშუალებით შეგიძლიათ მიუთითოთ  სასურველი რაოდენობა.  არსებობს მოდელები, რომელსაც ავტომატიკის საშუალებით შეგიძლიათ მიუთითოთ რამდენი ფინჯანი ყავის დაფქვა გსურთ.

სიმძლავრე

სიმძლავრე ყავის დოლაბიან საფქვავებს უფრო მაღალი აქვთ, ვიდრე მათ როტაციულ ანალოგებს. დოლაბიანი საფქვავების სიმძლავრე, საშუალოდ შეადგენს 250-300 ვატს. დოლაბიანი საფქვავის ორი - კონუსური და ცილინდრული ტიპიდან, უფრო მეტი სიმძლავრე კონუსური ტიპის დოლაბიან საფქვავს გააჩნია. აღსანიშნავია, რომ კონუსური ტიპის საფქვავი მეტი გამძლეობითაც გამოირჩევა. ამავე დროს მას გააჩნიათ ბრუნვის უფრო დაბალი სიჩქარე, რის ხარჯზეც მარცვალი ზედმეტად არ იწვება და აპარატიც უფრო დიდხანს გემსახურებათ.

კორპუსი

ხარისხიანი ყავის საფქვავები, როგორც წესი დამზადებულია სპეციალური ლითონის შენადნობისგან, რომელიც მეტი გამძლეობისთვის ტიტანის ფენითაა დაფარული. უფრო დაბალი ხარისხის მოდელებში კი გამოიყენება მეტალი, რომელიც მალე იცვითება. დოლაბიანი საფქვავის კიდევ ერთ თავისებურებას ორი განცალკევებული კონტეინერის არსებობა წარმოადგენს.

მას თავი ჰერმეტულად ეხურება. აქედან გამომდინარე მარცვლები დიდი ხნის განმავლობაში შეგიძლიათ შეინახოთ. მეორე კონტეინერში  შეგიძლიათ მიიღოთ უკვე დაფქვილი ყავა.

უსაფრთხოება ანალოგიურად როტაციულ საფქვავებისა, დოლაბიან საფქვავებსაც გააჩნიათ გადახურებისგან დაცვის ფუნქცია.ეს ფუნქცია, გამორთავს ხელსაწყოს მოტორის ზედმეტად გადახურების შემთხვევაში. როტაციულ საფქვავებთან შედარებით დოლაბებანი საფქვავი მეტად უსაფრთხოა, რადგან მას დანები არ აქვს, ხოლო დოლაბები კორპუსის შიგნითაა ჩამონტაჟებული და გარედან საერთოდ არ ჩანს. პროფესიონალური ყავის საფქვავი

პროფესიონალური ყავის საფქვავები არ არის საყოფაცხოვრებო დანიშნულების, ისინი ძირითადად გამოიყენება ბარების, კაფეებისა და რესტორნებისათვის.

ასეთი საფქვავები არის ორი ტიპის:

  • ბრტყელი, პარალელური დოლაბებით;
  • კონუსური დოლაბებით;

საფქვავები ბრტყელი, პარალელური დოლაბებით, ხასიათდება ოპტიმალური მწარმოებლობით, რომელიც შეადგენს - 7,5 - 11კგ/სთ. დოლაბების მუშაობის რესურსი კი 600-1000კგ-ია, ხოლო მოძრაობის სიჩქარე შეადგენს 1600 ბრ/წთ.

საფქვავები კონუსური დოლაბებით შედარებით დიდი მწარმოებლობით ხასიათდება - 12კგ/სთ.მისი დოლაბების მუშაობის რესურსიც საგრძნობლად დიდია - 1500 კგ. ხოლო მოძრაობის სიჩქარე 450 ბრ/წთ -ში, რაც ხელს უშლის დოლაბების ზედმეტად გახურებას და შესაბამისად ძალიან დაბალია ყავის დაწვის შანსი.

ხელის საფქვავი

ყავის ხელის საფქვავი, ძველი, ტრადიციული მოწყობილებაა, იგი ხელის წისქვილს წარმოადგენს, მისი მოქმედების საფუძველი და მამოძრავებელი ძალა, დოლაბებია. ასეთ საფქვავს დაფქვის ხარისხის რეგულიატორი და დაფქვილი ყავისთვის გამოსაღები უჯრა გააჩნია. არსებობს ღია და დახურულკამერიანი ხელის საფქვავი. ყავის დაფქვას ასეთი საფქვავით 15-20 წუთი სჭირდება, სამაგიეროდ მარცვლები ამ დროს არ იწვება და ყავა მაქსიმალურად ინარჩუნებს არომატს.ხელის საფქვავებს ორიგინალური და სასიამოვნო დიზაინი გააჩნიათ.

 

თუ თქვენ სტატია წაიკითხეთ თქვენ უკვე მზად ხართ ახალი ყავის საფქვავის შესაძენად ! შეიძინეთ ყავის საფქვავები  ჩვენთან, საუკეთესო ბრენდები დაბალი ფასითა და მაღალი ხარისხით!
>> ყავის საფქვავის შესაძენად დააჭირეთ ლინკს <<

კომენტარები

კომენტარეები ვერ მოიძებნა

შეტყობინების დატოვება
დაკავშირებული პროდუქტები
174  139  / თვეში 8₾-დან
დანაზოგი: 35 ₾
აქცია
170  / თვეში 9₾-დან
200  169  / თვეში 9₾-დან
დანაზოგი: 31 ₾
81  / თვეში 5₾-დან
30  / თვეში 2₾-დან
38  / თვეში 2₾-დან
126  / თვეში 7₾-დან
125  / თვეში 7₾-დან
110  / თვეში 6₾-დან