აეროგრილი კიდევ ერთი მოწყობილობაა იმ მრავალრიცხოვანთა შორის, რომლებმაც თანამედროვე სამზარეულოებში დაიდეს ადგილი. ეს არის სადილის სწრაფად, ადვილად და ჯანსაღად მომზადების კომფორტული გზა. აეროგრილის არჩევისას რამდენიმე კრიტერიუმს უნდა მივაქციოთ ყურადღება.  

 აეროგრილის ფუნქციები 

აეროგრილის არჩევის დროს, აუცილებელია განსაზღვროთ ძირითადი პარამეტრები, რომლის მიხედვითაც შეაფასებთ მოწყობილობის სხვადასხვა მოდელებს. ეს პარამეტრებია:  

მართვის ტიპი 

 გამაცხელებელი ელემენტის ტიპი 

 სიმძლავრე 

 კოლბის მოცულობა 

 სახურავის ტიპი 

 ფუნქციონალი 

 კომპლექტაცია 

 მწარმოებელი და ფასი. 

 მართვის ტიპი 

 აეროგრილს აქვს მექანიკური ან ელექტრონული მართვის ტიპი. 

მექანიკური ტიპი - მექანიკური ტიპის აეროგრილებში, ტემპერატურისა და კერძის მომზადების დროის რეგულირება ხდება ხელით. ასეთი აეროგრილის ინტერფეისი ძალიან მარტივი და მოსახერხებელია, მას გააჩნია მხოლოდ ორი რეგულატორი (დრო და ტემპერატურა). რაც შეეხება ვენტილიატორს, მისი მუშაობის რეჟიმი ძირითადად არ რეგულირდება და იგი ერთი და იგივეა. მექანიკური ტიპის აეროგრილები, ელექტრონული ტიპის აეროგრილებთან შედარებით უფრო ხანგრძლივი ექსპლუატაციის უნარით გამოირჩევა და ფასითაც გაცილებით დაბალია.  

ელექტრონული ტიპი - ელექტრონული ტიპის აეროგრილს გააჩნია დისპლეი და სენსორული ღილაკები. საჭიროა მხოლოდ აირჩიოთ სასურველი პროგრამა - ცხობა, შეწვა, მოხარშვა, გალღობა და ა.შ და აეროგრილი თავად განსაზღვრავს საჭირო ტემპერატურას და მომზადების დროს. გარდა ამისა, მათ უმრავლესობას გააჩნია ვენტიალიატორის სიჩქარის რეგულირება, რაც საკმაოდ მოსახერხებელი და კომფორტული ფუნქციაა.  

 გამაცხელებელი ელემენტი 

აეროგრილის გამათბობელი ელემენტი ერთ-ერთი მთავარი პარამეტრია, რომლის მიხედვითაც უნდა მოხდეს აეროგრილის შეფასება. თანამედროვე აეროგრილები აღჭურვილია ორი ტიპის გამაცხელებელი ელემენტით: 

  • მეტალის (ელექტრონული); 

  • ჰალოგენური  (მინაკერამიკული); 

მეტალის (ელექტრონული ტენი) - ასეთი ტიპის გამათბობელი ხშირად გვხვდება აეროგრილების სხვადასხვა მოდელებში. მათ გააჩნიათ მთელი რიგი დადებითი თვისებები: საიმედოობა, უსაფრთხოება და ხანგრძლივი ექსპლუატაციის ვადა. ელექტრონული ტენის მინუსად მიიჩნევა გაცხელებისთვის საჭირო ხანგრძლივი დრო, თუმცა, ელექტრო ტენი გაცილებით ეფექტური და უსაფრთხოა.  

მინაკერამიკული (ჰალოგენური ტენი) - ასეთი ტიპის გამაცხელებელი ელემენტი ასევე ძალიან ხშირად გვხვდება თანამედროვე აეროგრილებში. ამ შემთხვევაში, გამაცხელებლად გამოიყენება სპეციალურ, ცეცხლგამძლე მინაში მოთავსებული ჰალოგენი, რომელიც ინფრაწითელი სხივების საშუალებით ახდენს პროდუქტის გაცხელებას. ჰალოგენური გამაცხელებლის მთავარი უპირატესობაა სწრაფი გაცხელება, კოროზიისა და ჟანგის მიმართ ამტანობა. ხოლო უარყოფით მხარედ შეიძლება ჩაითვალოს მაღალი ენერგომოხმარება და ექსპლუატაციის ხანმოკლე ვადა.   

 სიმძლავრე 

სიმძლავრე  აეროგრილის ერთ-ერთ ძირითადი მახასიათებელია, რომელიც განსაზღვრავს მის გამართულ მუშაობას. სიმძლავრე აეროგრილებში მერყეობს 0,8 კვტ-დან 1,8-2 კვტ-მდე. რა თქმა უნდა მაღალი სიმძლავრე ნიშნავს აეროგრილის უფრო სწრაფ და ეფექტურ მუშაობას, თუმცა ასევე მაღალი იქნება ელექტროენერგიის ხარჯი. ამიტომ, უმჯობესია, თუ ეს პარამეტრი იქნება საშუალო - 1200-დან 1500 კვატამდე. 

მოცულობა  

კოლბის მოცულობა დიასახლისებისთვის ერთ-ერთი მნიშვნელოვანი ფაქტორია. მოცულობის მიხედვით, აეროგრილი შეიძლება დავყოთ სამ პირობით ნაწილად:  

მინი - 8-დან 12 ლიტრამდე; 

საშუალო - 10-დან 15 ლიტრამდე; 

დიდი - 15-დან 20 ლიტრამდე;  

განმასხვავებელი თავისებურებაა აეროგრილის კონკრეტულ მოდელზე გამაფართოებელი რგოლის არსებობა, რომელიც მაგრდება კოლბის ზემოთ და მჭიდროდ ეხურება თავსახური.  გამაფართოებელი რგოლის საშუალებით შესაძლებელია მნიშვნელოვნად გაიზარდოს აეროგრილის მუშა მოცულობა დიდგაბარიტიანი პროდუქტების მოსამზადებლად (მაგალითად მთლიანი ფრინველის შესაწვავად).  ყურადღება გაამახვილეთ კოლბის მასალაზე, იგი თლილი, მსხვილი მინისგან უნდა იყოს დამზადებული, რაც მეტ გამძლეობას ანიჭებს მას.  

აეროგრილის თავსახურის ტიპი  

აეროგრილებს ძირითადად აქვთ ორი ტიპის თავსახური: 

 მოსახსნელი; 

 კრონშტეინებზე; 

მოსახსნელი თავსახური - აეროგრილები, რომელთაც მოსახსნელ თავიანი თავსახური აქვთ, მიიჩნევა უფრო მარტივ და კომპაქტურ მოდელებად. ამიტომ, თუ თქვენ კერძის უფრო მარტივად მომზადება გსურთ და სამზარეულოშიც არ გაქვთ დიდი ადგილი, არჩევანი სწორედ ამ ტიპის აეროგრილზე უნდა გააკეთოთ. მოხსნის შემდეგ თავსახური თავსდება სპეციალურ სამაგრზე, რომელიც კომპლექტში მოჰყვება აეროგრილს.  

თავსახური კრონშტეინზე - ასეთი აეროგრილები უფრო ძვირადღირებულია და გამოირჩევა რთული ექსპლუატაციის პროცესით. გარდა ამისა, გაითვალისწინეთ, რომ კრონშტენიანი თავსახური ზრდის აეროგრილის გაბარიტებს, რაც მოითხოვს დამატებით ადგილს თქვენს სამზარეულოში. მიიჩნევა, რომ კრონშტეინები დგას დაზიანების მაღალი რისკის წინაშე, რაც ძირითადად დაკავშირებულია დიდ დატვირთვასთან ხელსაწყოს გამოყენების დროს. თუმცა, მეორეს მხრივ კრონშტეინიანი თავსახური მოსახერხებელიცაა, რადგან მას არ სჭირდება ცხელი და საკმაოდ მძიმე თავსახურის მოხსნა და სამაგრზე დადება, ან მისთვის სპეციალური ადგილის ძებნა. 

 კონვექციის (ვენტილიატორის) სიჩქარე   

საკვების მომზადების ყოველი პროგრამისთვის გათვალისწინებულია კონვექციის სხვადასხვა სიჩქარე (ძირითადად 3). მაგალითად: 

  •  გამოცხობისა და გათბობისთვის - დაბალი სიჩქარე. 

  •  პირველი და მეორე კერძების მომზადებისთვის - საშუალო სიჩქარე. 

  •  ხოლო შეწვისთვის და დაბრაწული კანის მქონე პროდუქტის მოსამზადებლად - მაღალი სიჩქარე.   

ყველაზე გამოყენებად რეჟიმებია დაბალი და საშუალო სიჩქარე. თუ ვენტილიატორი უბერავს ძალიან ძლიერად, მაღალი ალბათობაა იმისა, რომ პროდუქტი ზემოდან გამოშრეს, შუაში კი უმი დარჩეს. სამწუხაროდ ყველა აეროგრილს ეს ფუნქცია არ გააჩნია და ვენტილიატორი მუშაობს მხოლოდ ერთ რეჟიმში. ამიტომ, თუ გსურთ მრავალფეროვანი კერძების სრულფასოვანი მომზადება, ყურადღება გაამახვილეთ ამ საკითხზე. 

ტემპერატურული რეჟიმები 

ნებისმიერ აეროგრილს აქვს ტემპერატურული რეჟიმების რეგულირების ფუნქცია, რომელიც იძლევა საშუალებას, რომ დააყენოთ საჭირო ტემპერატურა მოსამზადებელი პროდუქტის და მომზადების პროგრამის მიხედვით. არჩეული ტემპერატუარული რეჟიმი მოქმედებს კონკრეტული პროდუქტის მომზადების მთელი პროცესის განმავლობაში. აეროგრილის მუშა ტემპერატურა შეადგენს 60-260 გრადუსს. 

  ტაიმერის ფუნქციები 

ტაიმერი საშუალებას იძლევა დამოუკიდებლად დააყენოთ საჭირო დრო სხვადასხვა სახის კერძების მოსამზადებლად. ტაიმერით აღჭურვილია თითქმის ყველა მოდელი. განსხვავება მხოლოდ იმაშია, თუ რა დროზეა გათვლილი იგი (მერყეობს 1-დან 24 საათამდე). დამატებით ფუნქციებად ითვლება გაცხელების რეჟიმი და სტარტის გადადება, რომელიც აქვს უფრო ძვირადღირებულ მოდელებს.  

სტარტის გადავადება - საკმაოდ მოსახერხებელი ფუნქციაა, მაგალითად სადილის ან ვახშამის გასაცხელებლად სხალში დაბრუნების დროისთვის.  

გაცხელების რეჟიმი - არ აქვს აეროგრილის ყველა მოდელს. მართალია ეს არ ითვლება განმსაზღვრელ ფაქტორად, თუმცა ეს ფუნქცია სრულიად არ არის ზედმეტი და პირიქით, ძალიან მოსახერხებელია, განსაკუთრებით მაშინ, როცა არ გაქვთ მიკროტალღური ღუმელი და კერძის გაცხელება გსურთ, 

თვითწმენდის ფუნქცია - თვითწმენდის ფუნქცია აეროგრილის თითქმის ყველა მოდელს გააჩნია. იგი მუშაობს შემდეგნაირად: აეროგრილის მუშაობის დასრულების შემდეგ, ჩადგით აეროგრილში წყლის სავსე თასი, რომელშიც გახსნილია სარეცხი საშუალება და ჩართეთ თვითწმენდის ფუნქცია. პროცესის დასრულების შემდეგ თქვენ მხოლოდ უნდა გაწმინდოთ სუფთა ჩვრით: კოლბა, ცხაურები, შამფურები და ლანგარი. 

თავსახურს ნუ შეეხებით (შესაძლებელია ჩვრით ფრთხილად გაწმინდოთ ზედაპირულად). სხვა ყველა შემთხვევაში არავითარ შემთხვევაში არ ჩადოთ აეროგრილის თავსახური წყალში და საერთოდ, ერიდეთ, რომ თავსახურის კორპუსის შიგნით არ მოხვდეს წყალი და ნესტი, რადაგან ეს გამოიწვევს ვენტილიატორის და თავსახურის შიგნით მოთავსებული სხვა მნიშვნელოვანი დეტალების დაზიანებას. 

 კომპლექტაცია 

აეროგრილის სტანდარტულ კომპლექტაციაში შედის 3 დონიანი ცხაურა (ზედა, საშუალო და ქვედა), ლანგარი, გამაფართოებელი რგოლი, შაფური და დამჭერ/ამოსაღები მაშები და სხვადასხვა სახის სადგამები. ზოგიერთ მოდელს მოჰყვება სპეციალური საცმი ქათმისთვის - გრილი, ორთქლსახარში (დასვრეტილი ქვაბი).  

მწარმოებელები 

რაც შეეხება მწარმოებლებს, მსოფლიოში ყველაზე ხარისხიანი აეროგრილების მწარმებელ ფირმებად მიიჩნევა - Hotter, Unit, VES, Vitesse, Smile, Homus და სხვა. ჩვენს სამომხმარებლო ბაზარზე შეხვდებით აეროგრილის მწარმოებელ ფირმებს: BREVA, FRANKO, EUROLUX, SUPRA, KENWOOD და სხვა მოდელები. 

თუ თქვენ სტატია წაიკითხეთ თქვენ უკვე მზად ხართ ახალი აეროგრილის შესაძენად ! შეიძინეთ აეროგრილები ჩვენთან, საუკეთესო ბრენდები დაბალი ფასითა და მაღალი ხარისხით!

>> აეროგრილის შესაძენად დააჭირეთ ლინკს <<

კომენტარები

კომენტარეები ვერ მოიძებნა

შეტყობინების დატოვება
დაკავშირებული პროდუქტები
160  128  / თვეში 7₾-დან
დანაზოგი: 32 ₾
194  / თვეში 11₾-დან
149  118  / თვეში 7₾-დან
დანაზოგი: 31 ₾
174  / თვეში 10₾-დან
100  / თვეში 6₾-დან
200  / თვეში 11₾-დან
139  / თვეში 8₾-დან