როგორ ავირჩით ნოუთბუქი სწორად ?


დღეს პერსონალური კომპიუტერის არჩევასთან შედარებით ნოუთბუქის არჩევა გაცილებით რთულია. მოდელების  უდიდესმა ასორტიმენტმა, შემადგენლობითი და მოცულობითი შესაძლებლობების ნაირსახეობამ შეიძლება გამოცდილი მომხმარებელიც კი შეიყვანოს შეცდომაში. ნოუთბუქების თითქმის ყველა მწარმოებელი მოდელებს შემდეგ კატეგორიებად ყოფს - მულტიმედიური, უნივერსალური, ბიზნეს, თამაშისთვის განკუთვნილი და ულტრაბუქები. თითოეულში არის ყველა ფორმატის მოდელი: მცირე-, საშუალო- და მსხვილფორმატიანი.

საოჯახო ვარიანტი

თანამედროვე ნოუთბუქების შემადგენლობა იძლევა საშუალებას პერსონალური კომპიუტერები ნოუთბუქით ჩავანაცვლოთ. პლიუსები უდაოა: გაცილებით  მოსახერხებელია ნოუთბუქის ოთახიდან ოთახში  გატანა, იკავებს ნაკლებ ადგილს . გსურთ გამოიყენოთ ნოუთბუქი სახლში? ამოირჩიეთ ნოუთბუქი დიდი დიაგონალის მქონე ეკრანით და ფორმატით 16:9 რომ თქვენთვის იყოს მოსახერხებელი და კომფორტული HD  ფილმების ხარისხიანად  ნახვა. თანაბარი შესაძლებლობებისას, ყურადღება მიაქციეთ მყარი დისკის მოცულობას, რომ მასში შესაძლებელი იყოს ყველა თქვენი ფოტოს და ვიდეოს მოთავსება. თქვენ დაგჭირდებათ ასევე მაღალი დონის ვიდეო-დაფა.ყურადღება მიაქციეთ გარე პორტებსაც, რისი მეშვეობითაც შესაძლებელია ნოუთბუქთან მიაერთოთ არა მხოლოდ ტელევიზორი, არამედ საოჯახო კინოთეატრიც,

ნოუთბუქი სტუდენტისთვის  - იდეალური არჩევნის გასაკეთებლად,  სტუდენტს ან მოგზაურს სჭირდება პატარა ზომის და მსუბუქი ნოუთბუქი, იმისთვის, რომ ადვილი იყოს მისი ტარება. აქ თქვენ დაგჭირდებათ პორტი USB ფლეშ-ბარათისათვის, იმისთვის რომ შესაძლებელი  იყოს საჭირო ინფორმაციის მეგობრებისათვის მარტივად და დროულად გაზიარება. კარგი იქნება დიდი მოცულობის მყარი დისკი მუსიკის შესანახად. რომ შეძლოთ, ინტერნეტით სარგებლობა ნებისმიერ ადგილზე, სადაც WI-FI - ის მოქმედების ზონაა, აარჩიეთ ნეთბუქი  Wi-Fi 802.11n მოდულით. ნეთბუქების ერთ-ერთი დამახასიათებელი და საჭირო ფუნქციაა ჩამოტაჟებული მიკროფონი და ვებ-კამერა მეგობრებთან საკონტაქტოდ თუ ვიდეო კონფერენციის მოსაწყობათ.

 

ბიზნეს მოდელი -ასეთი ნოუთბუქი საჭიროა პრეზენტაციების წარსადგენად, მივლინებებისა და საქმიან პარტნიორებთან ოფისში ვიზიტებისთვის. პირველი, რასაც უნდა მიექცეს ყურადღება  ამ მოდელის  არჩევამდე - ვიზუალური მხარე და წონაა.  აირჩიეთ მოდელი  2 გბ-ზე არანაკლები მეხსიერებით. ასევე თქვენ დაგჭირდებათ დიდი ეკრანი და ინტერნეტის საშუალებები, ყველაზე მცირე Wi-Fi ფუნქცია, უკეთესია Wi-Max-ი,  რომელსაც უფრო დიდი დაფარვის რადიუსი აქვს ვიდრე Wi-Fi - ს და  ასევე იგი ინფორმაციის უფრო სწრაფი გადაცემით სარგებლობს.

 სათამაშო ვერსია - გეიმერებისათვის მნიშვნელოვანი მახასიათებელია ვიდეო გამოსახულების და ხმის ხარისხი. ამიტომაც მათთვის მისაღებია ნოუთბუქი  -  2 ან 4 ბირთვიანი (Core) პროცესორითა და 4 ან უკეთეს შემთხვევაში 8 გბ ოპერატიული  მეხსიერებით. დიდი მოცულობის მყარი დისკი კი თქვენ დაგჭირდებათ თანამედროვე თამაშების  ინსტალაციისთვის.ეკრანი უკეთესია იყოს 17 და უფრო  მეტი დიუმის დიაგონალის, იმისთვის რომ თქვენ შეძლოთ და ნახოთ თამაშის ყველა დეტალი სრულყოფილად. საუკეთესო ვარიანტია - თუ გაქვთ 2 ვიდეო-დაფა და SLI ტექნოლოგიის მხარდაჭერა, რომელიც ნებას რთავს ორ ვიდეო-დაფას იმუშაონ ერთდროულად. მეხსიერების მინიმალური მოცულობა უნდა იყოს არანაკლებ 512 მეგაბაიტისა.

 

პროცესორი და ოპერატიული მეხსიერება

ეს თქვენი ნოუთბუქის გულია, საიდანაც ხდება სხვადასხვა პროცესების მართვა. პროცესორის სიმძლავრესა და ოპერატიული მეხსიერების  მოცულობაზეა დამოკიდებული  თქვენი ნოუთბუქის  წარმადობა, თუ რამდენად სწრაფად შეგიძლიათ იმუშავოთ ერთდროულად ორ ან რამდენიმე პროგრამაში. ასევე თქვენ შეძლებთ უფრო სწრაფად ჩაწეროთ ან გადაწეროთ ინფორმაცია.  პროცესორის ძირითადი დამახასიათებლებია: ბირთვების რაოდენობა, ქეშ-მეხსიერება და ელექტროენერგიის მოხმარება. პირველი, რასაც უნდა მიაქციოთ ყურადღება ეს ბირთვების რაოდენობაა. წესი მარტივია- რაც მეტი ბირთვია, მით მეტია ნოუთბუქის წარმადობა და მით უფრო სწრაფად იმუშავებს იგი.

მყარი დისკის მოცულობა

მყარი დისკის მოცულობაზეა დამოკიდებული თუ რამდენად მეტი მასალის - ფილმების, ფოტოების, მუსიკალური კოლექციის შენახვას შესძლებთ თქვენს ნოუთბუქში.  დღეისათვის  ყველაზე მაღალფასიან მოდელებში უკვე  არის  მყარი დისკები 160 გბ-დან ზემოთ. ასეთი მოცულობა თქვენ გეყოფათ  საოფისე პირობებში სამუშაოდ.  თუ თქვენ   იყენებთ ნოუთბუქს მხოლოდ ინტერნეტში სამოგზაუროდ და მეგობრებთან ურთიერთობისთვის თქვენთვის მისაღებია მინი-ვარიანტი, ასეთ ნოუთბუქებში  მყარი დისკის  მოცულობა 60-80 გბ-ია. გრაფიკული თუ ანიმაციური სამუშაოების შესასრულებლად რეკომენდებულია მყარი დისკი 320 გბ-დან ზემოთ.

ვიდეო- დაფა

ყველა ნოუთბუქი იყოფა 2 დიდ ჯგუფად: ინტეგრირებული და არაინტეგრირებული ვიდეო-დაფით. ნოუთბუქები, რომლებშიც ინტერგრირებულია ვიდო-დაფა  განკუთვნილნი არიან საოფისე სამუშაოებისთვის, ტექსტური დოკუმენტების შესადგენად, ინტერნეტში სამოგზაუროდ და მეგობრებთან საკონტაქტოდ. გრაფიკული სამუშაოებისთვის, ვიდეოების ხარისხიანად ყურებისთვის ან ფოტოების დასამუშავებლად თქვენ დაგჭირდებათ განცალკევებული ანუ იგივე არაინტეგრირებული ვიდეო-დაფა. ინტეგრირებული ვიდეო -დაფებისგან განსხვავებით მას აქვს საკუთარი მეხსიერება და გრაფიკული ეკრანი და კლავიატურა.

საჭიროა ცოტა რამ კლავიატურაზეც ვთქვათ. ირჩევთ რა ნოუთბუქს, აუცილებლად სცადეთ ტექსტის აკრეფა იმ მოდელზე, რომელიც თქვენ მოგეწონათ. სრული სიდიდის კლავიატურები სტანდარტული ინტერვალებით კლავიშებს შორის, გამოიყენება ნოუთბუქებში, რომელიც განკუთვნილია სახლისთვის და ბიზნეს საქმიანობისთვის. იყავით მზად იმისთვის, რომ კომპაქტური კლავიატურის გამოყენებისას თქვენ მოგიწევთ მასთან შეგუება და ტექსტის აკრეფის სიჩქარე შედარებით დაბალი იქნება. იმ ადამიანებმა, რომლებიც ხშირად მუშაობთ ბუღალტრულ პროგრამებში, უპირატეოსობა მიანიჭეთ კლავიატურაზე მარჯვნივ განთავსებულ ციფრთა განლაგებას. ისინი ხელს შეგიწყობენ ცხრილში ციფრების სწარაფად შეყვანაში.

ბატარეა

რამდენად დიდხანს შესძლებთ მუშაობას დამუხტვის გარეშე - მნიშვნელოვანი  ფაქტორია ნოუთბუქის არჩევისას. სტანდარტული დრო ბატარეების მოქმედებისა არის 2-4  საათი. ეს სავსებით საკმარისია სახლის ნოუთბუქისთვის.ბატარეის სიმძლავრე mAh (მილიამპერი) ერთეულით გამოისახება. რაც უფრო დიდი ეს ერთეული (1200, 1500, 3200, 4400 mAh და ა.შ) მით უფრო დიდია ბატარიის მუშაობის რესურსი. 

 

დამატებითი ფუნქციები

ვებ-კამერა უკვე  ინტეგრირებული მიკროფონით, დღეს,  თავისუფლად შეიძლება   ნოუთბუქის  აუცილებელ დანამატად მივიჩნიოთ. ინტერნეტით ურთიერთობა დღეს გახდა ისეთივე ჩვეულებრივი, როგორც საკუთარი ელ-ფოსტის შემოწმება. განსხვავება მხოლოდ პიქსელების რაოდებობასა და  მიკროფონის სიძლიერესა და ხმის ხარისხშია.

მყარი დისკი

მყარი დისკები - SSD და HDD ერთმანეთისგან მოცულობით, სიჩქარითა და ფორმფაქტორით განსხვავდება. SSD ბევრად სწრაფია, მაგრამ შედარებით ძვირიც, ამიტომ მარტივი ოპერაციების შესასრულებლად არ იყენებენ. შეგიძლიათ, თავად შეიძინოთ SSD დისკი, ჩაანაცვლოთ მისით HDD და გაამუჯობესოთ ვინდოუსის მუშაობა.

თუ თქვენ სტატია წაიკითხეთ თქვენ უკვე მზად ხართ ახალი ნოუთბუქის შესაძენად!  შეიძინეთ ნოუთბუქები ჩვენთან, საუკეთესო ბრენდები დაბალი ფასითა და მაღალი ხარისხით! 

>> ნოუთბუქის შესაძენად დააჭირეთ ლინკს <<