იყო ადამიანი გვარად ფორდი და იყო ავტომობილი სახელად „ფორდი“ და დაახლოებით 3000 წელს კი იქნება ღმერთი, ასევე - ფორდი. ის ტექნოლოგიების ღმერთია, რომელმაც შეძლო და წარმოებიდან ათასწლეულის შემდეგ ღმერთების სიაში ამოყო თავი.

BMW-სა და Mercedes-ის მარკის ავტომობილის მფლობელებს გული არ დაგწყდეთ, ეს მხოლოდ მაღალი დონის საი-ფაია, უფრო ზუსტად კი - ანტიუტოპიური რომანი. ფორდს, უბრალოდ, გაუმართლა და საჭირო დროს, საჭირო მწერლის გონებაში შეძლო შეღწევა. სინამდვილეში, ყველამ ვიცით, რომ თითოეული მარკის ავტომობილს თავისი უპირატესობა აქვს. ამ კუთხით „ოპელსაც“ კი შეიძლება, მოუძებნო რაღაც. 

ზოგჯერ მთავარი არა სახელი, არამედ შინაარსია. ავტომობილი კი სხვადასხვა ნაწილების მთლიან კონტენტს წარმოადგენს. ჩვენ, რა თქმა უნდა, ყველა ნაწილს არ მიმოვიხილავთ. ჩვენ ვისაუბრებთ მაგნიტოფონზე, ამ უმშვენიერეს და მნიშვნელოვან მოწყობილობაზე, რადგან არაფერია ამ ქვეყნად იდიალური მუსიკის გარეშე, თქვა ერთხელ ტირიონ ლანისტერმა. ტირიონი კი „დიდი“ ბრძენკაცი გახლდათ.

დღეისათვის ძალიან ბევრ ავტომობილს ინტეგრირებული აუდიო სისტემა გააჩნია. თუმცა ხდება ისეც, რომ უკვე არსებული ფუჭდება, შეკეთებას აღარ ექვემდებარება და ახლის შეძენა აუცილებელი ხდება. ჩვენი სტატია სწორედ აქ იძენს მნიშვნელობას.

მაშ ასე, როგორ უნდა შევარჩიოთ მაგნიტოფონი და რას უნდა მივაქციოთ ყურადღება?          

ფორმატი და ტიპი

აუდიოსისტემის შერჩევის დროს, ძირითადად, ყველა პარამეტრს ვითვალისწინებთ. მაგალითად: სიმძლავრე, ტიუნერი, შემავალი და გამომავალი პორტები, თუმცა თავდაპირველად უნდა გავერკვეთ, რა ფორმატის მაგნიტოფონი გვესაჭიროება.

ყველაზე გავრცელებული CD-მაგნიტოფონი გახლავთ. ამ ტიპის აკუსტიკური სისტემა საკმაოდ პრაქტიკული, საიმედო და არც ისე ძვირი გახლავთ. საუკეთესო ვარიანტია სისტემა, რომელსაც mp3დეკოდერი აქვს. ის საშუალებას გვაძლევს გვქონდეს ბევრი სიმღერა კომპაქტ-დისკზე.

თანდათანობით დიდ პოპულარობას იძენს DVD-მაგნიტოფონები, რომელიც LED დისპლეის დახმარებით ვიდეოს ყურების საშუალებას გვაძლევს. თუმცა ყველა ტიპის კომპაქტ-დისკს ერთი ხარვეზი აქვს - მგზავრობის დროს, განსაკუთრებით ცუდ გზებზე, შესაძლოა, გაჩნდეს პაუზები მუსიკის აღწარმოებისას, უფრო გასაგებად თუ ვიტყვით - მუს... ნაწყ-ნაწყ... ისმ... აი, ზუსტად ასე.

თუმცა, არც ეს გახლავთ საგანგაშო. მოგეხსენებათ, დღეისათვის ტექნოლოგიები იხვეწება. მწარმოებლები ავითარებენ მუსიკის აღწარმოების შესაძლებლობასაც. ასევე, შესაძლებელია, დაგვეხმაროს ქეშ-მეხსიერება და ერთგვარი „ანტი-შოკი“, რომელიც წინასწარ ინახავს მთელ ტრეკს და მუსიკის მოსმენაც შეუფერხებლად ხდება.

თითქმის ყველა თანამედროვე მოწყობილობას აქვს პორტი USB კაბელისთვის, რომლის საშუალებითაც თქვენ დაუკავშირდებით ფლეშ-მეხსიერებებს. მისი შეძენა ყველაზე ხელსაყრელი და მომგებიანი იქნება.

აუდიო აღწარმოების ფორმატებია: MP3, WMA, AAC, ვიდეო აღწარმოების კი - mp4, DivX, XviD

სიმძლავრე

ყველაზე მნიშვნელოვანი მომენტი, რაც მოწყობილობის არჩევის დროს არსებობს, მისი გამომავალი სიმძლავრეა. აკუსტიკის ძალას ორი მაჩვენებელი განსაზღვრავს - მაგნიტოფონის ხმის ნომინალური და მაქსიმალური სიმძლავრე. მუსიკის უწყვეტი მოსმენის დროს ნომინალური სიმძლავრე გამოიყენება, ამიტომ მაგნიტოფონის არჩევის დროს ეს პარამეტრი ძალიან მნიშვნელოვანია.

რაც უფრო მაღალია სიმძლავრე, მით უფრო ხარისხიანია გამომავალი ხმა. ხმის მაქსიმალურ სიმძავრე მნიშვნელობა, ძირითადად, მუსიკის ვიბრაციასა და ხმის მოცულობის ცვალებადობაზე აქვს.

კავშირი

თითქმის ყველა თანამედროვე მანქანის მაგნიტოფონი იყენებს ISO კონექტორს, რომელიც დაკავშირებულია კვების წყაროსა და აკუსტიკურ სისტემასთან. ფაქტობრივად, ეს კაბელებისა და გადამყვანების ერთობლიობა გახლავთ. თუ შეიძინეთ მოწყობილობა, რომელსაც ISO კონექტორი არ აქვს, არ იღელვოთ, მისი ცალკე შეძენაც შესაძლებელია.

მოწყობილობის უკანა პანელზე არის გამომავალი პორტი გარე ანტენისთვის. თქვენ დაგჭირდებათ სოკეტი ტიუნერისთვის, რადგან მანქანის მაგნიტოფონებს ინტეგრირებული ანტენა არ აქვს.

როდესაც თქვენ დაფიქრდებით, როგორი მაგნიტოფონი გჭირდებათ, კარგი იქნება თუ ყურადღებას გვერდითა პანელის კონექტორზეც გაამახვილებთ.

პორტები

სწორედ მაშინ, როცა დასვამთ კითხვას, რას მივაქციოთ ყურადღება მანქანის ავტომობილის შეძენის დროს, თავს იჩენს პორტები. დამატებითი პორტები გესაჭიროებათ მაშინ, თუ თქვენ გადაწყვეტთ, გააფართოვოთ თქვენი აუდიოსისტემა. არსებობს სტანდარტული პორტი RCA, ასევე - AUX, MMC (მულტიმედიური ბარათი) და, რა თქმა უნდა, USB.

რაც შეეხება უსადენო კავშირს, თუ შეარჩევთ მოწყობილობას, რომელსაც Bluetooth ექნება, ეს დამატებით კომფორტს შეგიქმნით და აღწარმოების შესაძლებლობებსაც გაგიფართოვებთ.   

FM/AM ტიუნერი

ყველა მანქანის მაგნიტოფონს აქვს FM/AM ტიუნერი. მიუხედავად იმისა, რომ ისინი მნისვნელობით ერთმანეთს გავს, გვხვდება მნიშვნელოვანი განსხვავებებიც. მთავარი ნებისმიერი რადიოსთვის გახლავთ სიხშირის დიაპაზონის მიღება. ძირითადად, მისი სიხშირის დიაპაზონი 80-120 MHz-ია. მისი მეხსიერების მოცულობა უნდ აიყოს საკმარისი სხვადასხვა რადიოსადგურების დასატევად.

ზოგიერთ მოდელს აქვს RDS ფუნქცია. მისი სარგებელი ის გახლავთ, რომ RDS ფუნქცია აჩვენებს რადიოსადგურებზე გადაცემულ ინფორმაციას. რა თქმა უნდა, მაგნიტოფონებს აქვს სიხშირეების ავტომატური ან მექანიკური ძიება. ზოგიერთ მოდელს კი საგზაო მიმოსვლის შეტყობინებაც შეუძლია.

დამატებითი მახასიათებლები

რაც შეეხება დიზაინს, დისპლეის ფერებსა და დისტანციურ მართვას, ამას დიდი რჩევა არ ჭირდება და უფრო პირად მოთხოვნებსა და გემოვნებაზეა დამოკიდებული.

ჩვენი რჩევა ამით დასრულდა. მე გირჩიეთ სტატია მანქანის მაგნიტოფონი, ვიდეო და აუდიო აღწარმოების შესაძლებლობით. ახლა თქვენ შეგიძლიათ, შეიძინოთ ის შესაბამის კატეგორიაში, მოუსმინოთ მუსიკას ან ხანგძლივი, მომაბეზრებელი მგზავრობის დროს უყუროთ Black Mirror-ს და Game of Thrones-ს და გაიგოთ, რა შუაში იყო სტატიის დასაწყისში ნახსენები ტექნოლოგიების ღმერთი ან ტირიონ ლანისტერი. სამყაროში ყველაფერი ერთმანეთს უკავშირდება.

სასიამოვნო შენაძენსა და კიდევ უფრო სასიამოვნო მგზავრობას გისურვებთ! ჩვენთან არს ფორდი, ჩვენთან არს მუსიკა!

თუ თქვენ სტატია წაიკითხეთ თქვენ უკვე მზად ხართ ახალი მაგნიტოფონის შესაძენად ! შეიძინეთ მაგნიტოფონები ჩვენთან, საუკეთესო ბრენდები დაბალი ფასითა და მაღალი ხარისხით!

>> მაგნიტოფონის შესაძენად დააჭირეთ ლინკს <<