რა არის ვეისტერი, რა დანიშნულება აქვს და როგორ შევარჩიოთ?


რა არის ვეისტერი, რა დანიშნულება აქვს და როგორ შევარჩიოთ?

ვეისტერი არის მოწყობილობა, რომელიც სამზარეულოს ნიჟარაზე მონტაჟდება და საშუალებას გაძლევთ საკვები ნარჩნები პირდაპირ კანალიზაციას გაატანოთ. ის მათ აქუცმაცებს სულ რამდენიმე წამში, აქცევს ფაფის მასად და წყალთან ერთად, ზედმეტი დატვირთვის გარეშე გადააქვს საკანალიზაციო სისტემაში.

აღნიშნული მოწყობილობა ბევრი ქართველი მკითხველისათვის შესაძლოა სიახლეა, მაგრამ განვითარებულ ქვეყნებში მას 80 წელზე ხანგრძლივი ისტორია აქვს და სამზარეულოს ერთერთ აუცილებელ ატრიბუტად ითვლება. ვეისტერები მსოფლიოში სხვადასხვა სახელწოდებითაა ცნობილი, რუსეთში მას кухненная драбилка-ს უწოდებენ, შტატებში kitchen garbage disposal ან waste disposal-ს, ევროპაში food garbage disposer-ს, საქართველოში კი საკვების ნარჩენების დასაქუცმაცებელს, სამზარეულოს დისპოსალს ან უბრალოდ ვეისტერს.

დღეისათვის ქართულ ბაზარზე უკვე გამოჩნდა კომპანია („ვეისტერ კავკასია“, waster.ge), რომელიც მომხმარებლებს სთავაზობს ვეისტერების ფართო არჩევანს, კვალიფიციური მონტაჟითა და 10 წლამდე საგარანტიო ვადით. კომპანიაში წარმოდგენილი აქვთ თითქმის ყველა ტოპ ბრენდის პროდუქცია მათ შორის, Insinkerator, ELLECI, Waste King და STATUS italia.

რა უპირატესობები გააჩნია სამზარეულოს ვეისტერთან ერთად?

  • ვეისტერი სამზარეულოდან გაშორებთ, ნებისმიერ საკვებ ნარჩენს, მათ შორის შორის ძვლებსაც. მისი დახმარებით სახლიდან მოიშორებთ საკვები ნარჩენებით გამოწვეულ სუნს ნაგვის ურნიდან და ასევე მათი გაფუჭებით გამოწვეულ ბაქტერიებსა და ტარაკნების გაჩენის საფრთხეს.
  • აღარ დაგჭირდებათ ყოველდღიურად ნაგვის გადაყრა, რადგან ურნაში დაგრჩებათ მხოლოდ ის პლასტმასის, ქაღალდის მინისა და მეტალის ნარჩენები, რომლებსაც არც სუნი აქვს და არც მალფუჭებადია.
  • ქვაბიდან ძველი და თეფშებიდან აღარ მოგიწევთ ძველი სადილის საპირფარეშოში და სანაგვე ურნაში გადაღვრა-განაწილება. შეგიძლიათ ისინი პირდაპირ ნიჟარაში გადაღვაროთ და იქვე გარეცხოთ.
  • თევზი და ხორცი შეგიძლიათ პირდაპირ ნიჟარაში გაასუფთაოთ და ნარჩენები წყალს გაატანოთ
  • ბოსტნეული და ხილი შეგიძლიათ პირდაპირ ნიჟარაში გაფრცქვნათ
  • თავად შეგიძლიათ წარმოიდგინოთ თქვენს სამზარეულოში რამდენ პრობლემას მოგიხსნით ყოველდღიურად

როგორ შევარჩიოთ ვეისტერი?

ვეისტერები არსებობს სხვადასხვა სიმძლავრის, ხმისა და სუნის იზოლაციის ფუნქციებით.

6 პერსონამდე ოჯახში ბაზარზე წარმოდგენილი ყველაზე დაბალი სიმძლავრის ვეისტერი სრულიად საკმარისია საოჯახო პირობებში მოსახმარად, ხოლო ხმისა და სუნის იზოლაციის ფუნქციები თქვენს სურვილსა და ფასის შესაძლებლობაზეა დამოკიდებული.

ვეისტერის შეძენისას აუცილებლად იკითხეთ და გაითვალისწინეთ შემდეგი:

  • საგარანტიო ვადის ხანგრძლივობა
  • სამუშაო რესურსის ხანგრძლივობა
  • ვეისტერის ტევადობა
  • წარმოშობის ქვეყანა და ბრენდი
  • აუცილებელია ჰქონდეს ელექტრო დამიწება
  • მუშაობდეს 220ვ დენზე
  • გაჭედვისა და გადახურებისაგან დაცვის სისტემა

როგორი გავლენა აქვს ვეისტერს საკანალიზაციო სისტემაზე?

ვეისტერის სწორი ექსპლუატაციის შემთხვევაში თქვენს საკანალიზაციო სისტემას არანაირი დამატებითი წნეხი არ ექნება. აუცილებელია ვეისტერის მუშაობისას ონკანი მოშვებული გქონდეთ, რადგან გადამუშავებული საკვების საკანალიზაციო სისტემაში მხოლოდ წყლის მეშვეობით მიედინება.

  • არ ჩაყაროთ დიდი რაოდენობით ფქვილი და ცომი, პური და ქაღალდი
  • ბევრი ნარჩენის შემთხვევაში ვეისტერს ერთიანად ნუ გადაავსებთ, შეავსეთ იმ დონემდე რომ წყლის დენას ხელი არ ეშელებოდეს.

როგორი გავლენა აქვს ვეისტერების მოხმარებას ეკოლოგიაზე?

ვეისტერები პირველ რიგში ეკოლოგიას უწყობს ხელს. მასში ნარჩენების უმეტესობა მუშავდება ცოცხალი სახით, რაც ხელს უშლის სახლში ბაქტერიებისა და უსიამოვნო სუნის დარჩენას. გადამუშავებული მასა გადის კანალიზაციაში, რომელიც საბოლოოდ მდინარეებში ან ნიადაგში ილექება. ვეისტერში დამუშავებული მასა თევზებისთვის საუკეთესო ორგანული საკვებია, ხოლო ნიადაგისთვის იდეალური ორგანული სასუქი.

განვითარებულ ქვეყნებში ბევრ რაიონში სადაც დივერსიფიცირებულია ნარჩენები, საკვების ნარჩენების გატანის სერვისი საერთოდ გაუქმებულია, ხოლო ვეისტერის გამოყენება სავალდებულო.