ეს არის მინი მოწყობილობა, რომელიც მანქანის გამუდმებით სამრეცხაოში გასუფთავებას გამორიცხავს. ახლა თითოეულ ჩვენთაგანს შეუძლია, საკუთარი ავტომობილი მარტივად, სხვისი დახმარებისა და ზედმეტი გადასახადის გარეშე მოიყვანოს წესრიგში.  

წნევით სარეცხი აპარატის დიდი არჩევანი არის წარმოდგენილი დღეს ბაზარზე. ერთ ერთი მსხვილი მწარმოებელი არის Kärcher, ასევე მრავალი სახეობა აქვს Bosch-ის ფირმას. შესაბამისად, ცნობილი ბრენდების წნევით სარეცხი აპარატები არის ხარისხიანი და გამოცდილი საქმეში. 

წნევით სარეცხი აპარატები იყოფა ორ სახეობად 

  •  საყოფაცხოვრებო - განკუთვნილია მცირე დატვირთვებისათვის 

  •  პროფესიონალური აპარატები - ძლიერი დატვირთვებისათვის.   

განსხვავება არის მათ შორის საგრძნობი: პროფესიონალურ აპარატებს წყლის ჭავლი უფრო ძლიერი აქვს და ადვილად აცილებს ავტომობილს ჭუჭყს; დამატებით აქვთ სხვადასხვა ფუნქცები, ხოლო საყოფაცხოვრბოები არის უფრო დაბალ ფასიანი და წყლის ჭავლიც უფრო სუსტი აქვს. 

გამტარიანობა/სიმძლავრე 

გამტარიანობა აჩვენებს რამდენ ლიტრ წყალს გამოიყენებს აპარატი  საათში/წუთში.  საშუალოდ წყლის მომხარება საათში 300-დან 600 ლიტრამდე მერყეობს. წყლის მაქსიმალური ტემპერატურა, როგორც წესი, 40 °C ან 60 °C-ია, მოწყობილობის სიმძლავრე კი დაახლოებით -1.5-3 კილოვატი. 

წნევა 

წნევა ერთ-ერთი ყველაზე მნიშვნელოვანია აპარატის შერჩევის დროს. საოჯახო მოხმარების წნევით სარეცხ აპარატებზე წნევის საშუალო მაჩვენებელი 110 ბარია. ეს სრულიად საკმარისია საშუალო სიძლიერეის ოპერაციის შესასრულებლად. მწარმოებლები უშვებენ 80-დან 200 ბარამდე სიმძლავრის აპარატებს. მისი ფასი დამოკიდებულია სწორედ ამ მაჩვენებელზე. დიდი სატვირთოებისთვის და დიდი ავტომობილებისათვის საჭიროა შეიძინოთ მაღალი წნევის მქონე აპარატი, ხოლო მომცრო ავტომობილებისათვის საკმარისია საშუალო მაჩვენებლის წნევით სარეცხი.   

ფილტრი 

წნევით სარეცხი აპარატის ყიდვისთანავე უნდა შეიძინოთ ფილტრი. სასურველია, თუ ის მრავალჯერადი და რეცხვადი იქნება. 

ტუმბო 

ის ორი სახის მასალისგან მზადდება - ლითონისა და პლასტმასისგან. თავის მხრივ ტუმბო კიდევ ორ კატეგორიად იყოფა, ერთია ე. წ. ქარხნული შტამპი, რომლის დაშლა შეუძლებელია, ხოლო მეორე ტიპის ტუმბო, სურვილის შემთხვევაში, მარტივად იშლება. 

რესურსი 

წნევით სარეცხ აპარატებს საკუთარი რესურსი აქვს. კონკრეტული დროის დასახელება  რთულია. პირველ რიგში იმიტომ რომ სხვადასხვა მოდელს სხვადასხვა შესაძლებლობა აქვს. თუმცა, უპირველეს ყოვლისა, რესურსის ამოწურვა დამოკიდებულია იმაზე, თუ რამდენად აქტიურად მოვიხმართ მას. რაც შეეხება ერთჯერად ოპერაციას, უწყვეტი მუშაობის დრო არ უნდა აღემატებოდეს 30 წუთს. თუმცა არის მოდელები, რომელთა მაქსიმუმი 20 წუთია. 

წნევით სარეცხი აპარატის შეძენამდე მიაქციეთ ყურადღება აქვს თუ არა სასურველ მოდელს total-stop სისტემა. ეს არის ავტომატური გათიშვის ფუნქცია აპარატის ხელიდან გაშვების დროს. 

გამოყენება 

მინი წნევით სარეცხი აპარატები გამოიყენება მხოლოდ საოჯახო მოხმარებისთვის. პროფესიონალურ დონეს მათი შესაძლებლობები ვერ წვდება. გამოყენება კი შეიძლება არა მხოლოდ ავტომობილის გასარეცხად, არამედ სხვა მიზნებისთვისაც. მაგალითად, თუ თქვენ გაქვთ ბეტონის ვერანდა ან ცხოვრობთ საკუთარ სახლში და ღობის გარეცხვა გსურთ, მინი წნევით სარეცხი აპარატი კარგ სამსახურს გაგიწევთ. 

გარდა ზემოთ ჩამოთვლილისა, მნიშვნელოვანია სხვადასხვა დეტალებიც. მაგალითად, აქვს თუ არა აპარატს წნევის დონის რეგულირების შესაძლებლობა ან ძრავი წყლის გაგრილების ფუნქციით. ასევე, ყურადღება მისაქცევია წნევის დონის ინდიკაცია და მართვის პანელი მოსახერხებელ LED დისპლეისთან ერთად. 

თუ თქვენ სტატია წაიკითხეთ თქვენ უკვე მზად ხართ ახალი წნევით სარეცხი აპარატის შესაძენად ! შეიძინეთ წნევით სარეცხი აპარატები ჩვენთან, საუკეთესო ბრენდები დაბალი ფასითა და მაღალი ხარისხით!

>>წნევით სარეცხი აპარატის შესაძენად დააჭირეთ ლინკს <<

კომენტარები

კომენტარეები ვერ მოიძებნა

შეტყობინების დატოვება